الموضوع: مشكلة بموبايل htc

كنت عايز ارد عليك بشكل قاطع بالنفى او بالايجاب بس للاسف الصورة غير واضحة او معلومة بالنسبالى و مش عارف اتاكد كويس لو تقدر تصورها كويس بعد ما تستلم الموبايل يبقى احسن
و لو تحب اجى معاك معنديش مانع ، بس زى ما قولتلك الكسر يبقى واضح جدا و سهل تفرقته عن عيوب الشاشة ، و كما هو معلوم لمن له الخبرة فى شاشات البيانات الصغير مثل هذه هو ان الكسر او سوء الاستخدام يتسبب فى حدوث بقع على الشاشة او شكل شبه الكسر الزجاجى بس لن تحسه باصبعك و لكن تراه عينك فقط نظرا لوجود اكثر من طبقة فوق الطبقة التى كسرت

لكن عيب الصناعة لهذا النوع من الشاشات هو ظهور خطوط او خط غالبا تكون افقية مع استمرارية الشاشة فى العمل و لا يؤثر على قدرة المستخدم على رؤية البيانات اطلاقا و يكون هذا الخط بلون بلورى مستقيم و ليس فيها تلطيش على جوانب الخط و قد يظهر فيها خطان رأسيان واحد فى النصف الاعلى من الشاشة و الاخر فى النصف الاسفل

من ناحية اخرى ، يوجد محلات قطع غيار فى ش العطار القريب من ش عبد العزيز تقوم ببيع قطع غيار الموبيلات و هناك محلان او ثلاثة متخصصين فى قطع غيار هذا النوع من الاجهزة و خصوصا شاشات البى دى ايه بانواعه و باسعار ارخص من التوكيل كثيرا و بناء على تجربة شخصية هذه الشاشات جيدة و تصلح بديل للشاشات التالفة و ليس كما قيل لى مسبقا ان شاشة التوكيل اكثر جودة و الشاشات الاخرى تعبانة
و بالنسبة للتركيب يمكنك تركبها بنفسك او انتقاء احد الاشخاص المتخصصين فى نفس المنطقة للقيام بذلك على ان يكون متخصص فى البى دى ايه بانواعه و انا عن نفسى جربت كلا الطريقتين


تحياتى