لمــــــاذا ينخفض سعر اعادة بيع " الماتريا " ؟ و لا ده السعر الطبيعي ؟

السلام عليكم ,

نادرا مبخاطب الشعب الدايهاتساوي :) بس محتاج رايكم .

باختصار شديد جدا ....

رجلي ورمت يا جدعان !

من المانوال .. نفسي في سيارة اوتوماتيك .

و زهقت من " زنقة " الاصدقاء و الاقارب في علبة الساردين المتحركة بتاعتي :)

فبكفكر .. ( تفكير مش اكتر ) .. بدل ماشتري عربية زيرو واغامر تاني .. خصوصا اني المبلغ الي معايا مش حيعدي ال 75 الف جنيه .

بفكر في ماتريا

مزايا بالنسبة لي :

1. انا من الناس النادرة جدا الي بتحب شكلها جدا !
2. اوتوماتيك .
3. سيارة تقفيل ياباني محترم ( المفروض :) ) .
4. واسعة جدا جدا جدا جدا جدا بالنسبة لي و مريحة .

النقطة الخامسة مش عارف هيا عيب او ميزة .. و لكني شفت كذا اعلان لسيارات " نضيفة جدا جدا جدا " موديل 2007 يتراوح الكيلوميتر لها من 30 الى 60 الف كم .. باسعار من 70 الي 78 الف .

و موديل 2008 باسعار من 80 الى 85 الف .

فهل ده السعر الطبيعي لاعادة بيعها ؟ و لا هي كدة فعلا سعرها قليل ؟؟

وياترى .. من ملاك السيارة ... هل هي سيارة " تحمل " و هل بها اي عيوب معروفة .. علما باني نفسي في سيارة عائلية اوتماتيك لداخل المدينة ... و حعمل الصيانات الدورية و نفسي ملاقيش اي مفاجئات او عيوب من تلك الي بتعكنن على الواحد .

انا لسة بعيد عن قرار نهائي .. و لكني افضل ان ابدا البحث من اخواني الدايهتساوية الان .

عربيه ممتاازه جداا وانا عن نفسي بحبهاا وبفكر اغير السيريون واجيبها بس لو الاقئ حد يبدل معايا
بالنسبه للسعر هي سعرها كام اصلا دلقوتي تقريبا ب 110 يعني ده سعرها الطبيعي بالاضافه الى انها مش محبوبه فسوقها واقف شويتين
بالنسبه للعييوب ملاكها هما اللي يحددوا
وربنا يوفقك للخير ان شاء الله

It's a wonderful car

If you like it's shape go ON

But for my self i like the Silver colour on it the most.

Try to find a one in a good condition and go to eltawkeel if the Guranteee is about to finish.

Hope you'll get it IT'S REALLY A UNIQUE CAR

صدقني عربيات ديهاتسوا محترمه جدا جدا جدا و عمرها طويل و اعتماديه جداااااااااااااابس المشكله في السوق المصري و اراءة الغريبه مع الديهاتسوا و الميجان و الماذدا و كمان اي عربيه هاتشباك العربيه فعلا سوقها مش اوي و دة في كل الديهاتسوا علشان كدة سعر اعادة البيع بيتأثر بس دي هتبقي مشكله بعيد عنك لانك شاري مستعمل يعني انا بعتبر دة ميزة ليك

العربيه شكلها شيك جداااااااااااااااا و ثوري و لاصحاب الذوق الخاص و صدقني ناس كتير بتعيب علي شكلها من منطلق ملقوش في الورد عيب

صلي استخارة و توكل علي الله و ربنا يوفقك للي فيه الخير

بس مش منتشرة وثقيلة فى البيع بعد كده , انما هى يابانى وتوكيل محترم وقوية , وواسعة من الداخل

سيدى الفاضل انا املك ماتيريا 2009 اوتوماتك
العربيه كعربيه لا غبار عليها نهائى اعتماديه لدرجه ممتازه انا لسه مكملتش سنه وعامل 21000 كم والله والله مافى اكتر من غيار الزيت والفلتر وضبط هواء الكاوتش وتربيط عفشه فى التوكيل

مع العلم فى الاسبوع مشوارين او مشوار على الاقل لطنطا +كل يوم فى الجامعه حوالى 37 كم رايح وزيهم جاى

جرى وسحب وثبات مع استهلاك بنزين ممتاز
واسعه جدا صالون شقه مش صالون عربيه

امان عالى واوبشن كتير اكيد انت عارفهم

بالنسبه لاعادة البيع ده حال الهاتش باك فى بلدك شوف لو انت معاك فيات جراند او لينا او برافو وانت المالك الاول ليها وحبيت تبيع بعد سنه او اتنين هتخسر كام قيس بقى على الماتيريا وانا شايف انك لو استنيت 3 سنين على الاقل هيبقى السعر معقول العربيه اساسا عامله 110 ونص
وبعدين انت بتفكر فى المستعمل فخلاص تبقى النقطه دى راحت من عليك الكلام كله بيبقى على المشترى الاول الزيرو يعنى ومش اى واحد فيهم لا اللى بيبع فى زمن قصير بس

يارب اكون قدرت افيدك

لو عايز عربية محترمة وواسعة وفيها كل حاجة كويسة فهى عربية ممتازة
بس بشرط ما تكونش من هواة التغيير السريع وتفكر فى بيعها اقل مافيها انك تسيبها من 7:5 سنوات كحد ادنى علي فكرة لما تفكر تبيعها صدقنى مش هاتبيعها الا لسبب حب التغيير لانها من حيث كل المميزات ففيها كل حاجة مميزة
وعندك اخى العزيز مادو وضح ليك كل شيئ وهو اللى ركبنا عربيته ونزلنا ماعرفناش نركب عربيتنا تانى(ربنا يباركله فيها ويحفظه ويحفظها من كل سوء)
واخير شوف اللى انسبلك ولاتنسى الاستخارة

الف شكر لكم جميعا و
شكرا يا madoo و hhmmzz .

انا حاطها في اوائل السيارات الان لو نويت اشتري USED ان شاء الله .

و شكرا مرة اخرى لكم .

اقتباس:

---

المشاركة الأصلية كتبت بواسطة hhhmmmzzzz

لو عايز عربية محترمة وواسعة وفيها كل حاجة كويسة فهى عربية ممتازة
بس بشرط ما تكونش من هواة التغيير السريع وتفكر فى بيعها اقل مافيها انك تسيبها من 7:5 سنوات كحد ادنى علي فكرة لما تفكر تبيعها صدقنى مش هاتبيعها الا لسبب حب التغيير لانها من حيث كل المميزات ففيها كل حاجة مميزة
وعندك اخى العزيز مادو وضح ليك كل شيئ وهو اللى ركبنا عربيته ونزلنا ماعرفناش نركب عربيتنا تانى(ربنا يباركله فيها ويحفظه ويحفظها من كل سوء)
واخير شوف اللى انسبلك ولاتنسى الاستخارة

---

فعلا وحشتنى جدا :stink[1]:

اقتباس:

---

الف شكر لكم جميعا و
شكرا يا madoo و hhmmzz

---

العفو يا باشا

أي عربية يختلف عليها الناس ما بين كره شديد و حب شديد و مفيش وسطية في النص لازم يتخسف بتمنها الأرض في المستعمل .. تقول إيه .. ناس معندهاش مزاج!

من احلى و اوسع العربيات و انا بحبها جدا و لو غيرت الهوندا ناوى اجيب ماتيريا .

عامة احنا في 2010 فدا ضاف سنة جديدة في عمر السيارة زائد اننا في فترة امتحانات فممكن تكون الأسعار مريحة شوية اليومين دول للأسباب دي

السلام عليكم
انا عضو جديد معاكو و كنت بفكر اشترى عربية جديدة زيرو و فكرت فى الماتيريا و كان واحد صاحبى قالى فعلا ان زى ما حضرتكم قولتوا ان سعر اعادة البيع قليل و قالى على حاجة كمان عاوز اتاكد منها من الملاك للماتيريا,هو قالى انها لما تركب تلاتة وراء العربية بتبقى على الارض عشان وطية,يا ترى الكلام ده صحيح؟؟
شكرا

اقتباس:

---

المشاركة الأصلية كتبت بواسطة basemsaeed

السلام عليكم
انا عضو جديد معاكو و كنت بفكر اشترى عربية جديدة زيرو و فكرت فى الماتيريا و كان واحد صاحبى قالى فعلا ان زى ما حضرتكم قولتوا ان سعر اعادة البيع قليل و قالى على حاجة كمان عاوز اتاكد منها من الملاك للماتيريا,هو قالى انها لما تركب تلاتة وراء العربية بتبقى على الارض عشان وطية,يا ترى الكلام ده صحيح؟؟
شكرا

---

لا مش صح ...... ومش تاخد كلام اى حد وخلاص

دور فى المواضيع اللى على الماتيريا هتلاقينى شرحت النقطه دى

الماتيريا دي عمله زي البنت اللي من كتر جملها بارت وانا انصحك بيها وهي معايه دلوقتي وعامله 60 الف كيلو ومضبطها وبمشي فالشارع كاني ماشي بلمبو او بورش والناس بتقعد تشاور عليها كان عمرو دياب اللي ركبها سيبك من النقطه السطحيه اللي انا قولتها دي بس بجد علي عربيه جدعه جدا ومش هتكسفك ومش هتبقي عارف تركب حاجه غيرها لانها ادماااااااااان