بص ياباشا هديلك رقم الميكانيكى اللى بتعامل معاه بصراحه استاذ وشغله نضيف اوى
ممكن تروحله مش هتخسر حاجه وشوف هيقولك ايه
هو ورشته خلف حديقة بدر بجسر السويس
وده رقم موبايله ممكن تستفسر منه على العنوان
0105157901
اسمه الاسطى ياسر فرانك
عرض للطباعة
رحت انا و mrghost للميكانيكي اللي هو عارفه وجربنا العربية اول حاجة قالي بلي عجل دي حاجة
والتانية ودي الاهم قالي ان الصوت ممكن يكون من الكوبلن الداخلي والاحتمال الاكبر فتيس
روحت لواحد تاني جربنا العربية واول حاجة قالي في خشانة في بلي العجل وبعدين راح رافع العربية من كل جنب من الامام وقالي صوت العجلة اليمين زي الشمال يعني راح احتمال خشانة البلي وقالي اكشف على زيت الفتيس لو مظبوط يبقى الفتيس بيودع
آخر تجربة اني هروح لعبده اللي شغال في توكيل الكويت والبلاد العربية اللي في شارع فيصل
وأمري لله
محدش يعرف مين في الحرفيين بتاع استيراد كيا يكون كويس؟
انا اول مره اشوف الموضوع ده
وكمان قابلت المهندس محمد انتوا بتتقابلوا من ورايا
فى واحد كنت باتعامل معاه زمان بتاع دايو وكيا وعمال اعصر فى دماغى علشان افتكر اسمه بجد مش قادر هو اسمه محمد بس مش فاكر محمد ايه هو معروف جدا فى الشارع بتاع قطع الغيار الدايو
ايووووووووووووووووووووه محمد عبد الحميد وهتلاقى اسمه مكتوب على اليافطه انا والله لو الظروف مسامحه كنت جيت معاك وبرغم انى بقالى اكتر من اربع سنين ماشفتهوش بس لو قابلته لازم يفتكرنى لانى اتعاملت معاه كتير جدا
لو انت جاى من شارع جمال عبد الناصر وداخل على الحرفيين اول شارع شمال هو ده بقا كلهم بتوع كورى وشارع جمال عبد الناصر كله بتاع مرسيدس
يعنى إيه فتيس ؟؟؟؟ الفتيس ده إحتمالات تلفه ضعيفه جداً لأن التروس دايماً عايمه فى الزيت .اللى يقولك فتيس يبقى ايه اللى بايظ فيه؟ اللى بايظ فيه هى الرولمان بلى بس ؟ وبعدين هو انت عندك مثلاً عضه فى عصاية الفتيس ولا بتيجى تنقل النقله مابتجيش ؟ هو ده اللى بيحصل لما الفتيس يبوظ وعلشان فتيس يبوظ فى عربيه عايز العربيه تكون ماشيه ٢٠-٢٥ سنه .
أنا كان عندى كيا برايد العصفورة وحصل فيها نفس المشكله والميكانيكيه كلهم قالوا فتيس قولتلهم نفتح ونشوف وبعد الفتح والفك حته حته مالقيتش حاجه فغيرت الرولمانات بلى اللى جوه بس وجربت لقيت الصوت لسه زى ماهو.
بعدين رحت مغير رولمان بلى العجل - والإسطوانه والديسك والبليه - الصوت راح على طول
روح غير الإسطوانه والديسك والبليه وإن شاء الله الصوت يروح ماتخليش الميكانيكى يجرب انت اللى تشغل الميكانيكى .
وعلى فكرة الكيا ليها أعطال قليله جداً بس عجيبه شويه . معلش استحمل وإن شاء الله خير