مصر بين القومية العربية والهوية المصرية
اول موضوع اكتبه فى المنتدى
بمناسبة الكلام الكتير عن تملص مصر من عروبتها المزعومة والاصوات اللى بتنادى بمصرية مصر وعدم الانصياع وراء القومية العربية الصريعة اسمحولى اطرح عليكم موضوع كنت كتبته من حوالى سنة او اكتر على احد المنتديات واسمحولى انقله لكم هنا ....
ـــــــــــــــــــــــــ ـــــــــــــــــــــــــ ـــــ
عارف ان القران الكريم نزل باللغة العربية
وعارف كمان ان دة تكريم كبير للغة العربية لعلنا نعقل
" إِنَّا أَنْـزَلْنَاهُ قُرْآنًا عَرَبِيًّا لَعَلَّكُمْ تَعْقِلُونَ " هكذا وردت فى ( يوسف)
"إِنَّا جَعَلْنَاهُ قُرْآنًا عَرَبِيًّا لَعَلَّكُمْ تَعْقِلُونَ " هكذا وردت فى ( الزخرف)
انا يا حسن مش باهاجم اللغة العربية
شكلك فهمتنى غلط
اقولك
لو تفتكر فى التربية القومية كنا بندرس اية:
مظاهر وحدة الامة العربية :
وحدة الارض
وحدة التاريخ
وحدة اللغة
وحدة الدين
وحدة الثقافة
وحدةالمصير
تمام
مش دة اللى عايز تقولة ؟
وشايف ان دة - على افتراض صحتة - كافى لتاكيد فكرة القومية العربية ؟؟
دول الخليج خرجت بنفسها برة الصراع واستقلت سياسيا واقتصادينا عن باقى الدول العربية ( قال يعنى هى كانت دخلت اصلا )
وقلنا الدول المغاربية مع حالهم اساسا ومن زمان ومش بيتكلموا عربى اصلا
ودول الشام حيرانين بين مطرقة ايران وسندان الضغوط الغربية والصراعات الداخلية
مصر مالها بقا بدول ؟
احنا - مصر - عندها من التاريخ والتراث والثقافة والامكانات الاقتصادية والبشرية انها تنهض كامة
احنا امّة يا حسن مش شعب
لو حسبتنا شعب يبقى بتساوينا بدولة زى الكويت ولا قطر
ودة عيب اوى فى حق مصر
خلينا نتكلم عربى وشكرا على كدة
لكن فكرة قومية عربية صدقنى خدعة وكدبة ووهم كبير
كانت نجحت مع سوريا ف ايام كان مصيرنا واحد
اقولك حاجة كمان
الخريطة بتاعتى بتقول اية :
دول مجلس التعاون الخليجى ( اسمهم كدة ) مع بعضيهم
ليبيا والدول المغاربية الفرنكوفونية مع بعضيهم
الاردن وبلاد الشام مع بعضيهم برضو ممكن يعملوا اتحاد وممكن ايران تدخل معاهم
موريتانيا : معرفشى تروح ف اى حتة اية دى اصلا ممكن نبعتها اسرائيل اصلهم بيحبوا بعض اوى
الصومال وجيبوتى وجنوب السودان : نسيبهم للجراد من ناحية وامريكا واثيوبيا من ناحية احنا مالنا بيهم اصلا ؟؟
( على فكرة جنوب السودان تحديدا ليسوا عرب ولا مسلمين اساسا)
مصر بقا يابوعلى تصنفها مع مين فى دول ؟؟؟
ملهاش مكان وما ينفعش يكون ليها مكان مع اى تجمع من دول
بس نسينا جزء مهم
شمال السودان
طبعا شمال السودان هو الجزء المفقود من ارض مصر وهو الامتداد التاريخى للنوبة المصرية من ايام الفراعنة ومفروض يرجع لنا
طبيعى السودان هتتفكك
هتتفكك يعنى هتتفكك وهيستقل جنوب السودان بمنابع النفط وهيسيبوا الشمال الفقير اللى مفروض انة جزء تاريخى من ارض مصر
بس
هى دى الخريطة
ثم ان دولة زى العراق كانت محسوبة دولة عربية واسلامية
دلوقتى حتة صغيرة اوى عى اللى عربية
والباقى فارسية شيعية وكردية
يعنى اتشخرمت لانها ملهاش اساس
ثم انك كنت بتنادى باستقطاب ايران ؟؟ على اساس اية ؟؟
على اساس انها دولة اسلامية ؟؟
ولا دولة جارة ؟
ولا دولة صديقة ؟؟
اللغة عمرها ما تعمل قومية طالما كل جماعة ليهم ميول واهتمامات ومصالح مش مشتركة خالص
وطالما ان الفوارق الاقتصادية كبيرة جدا جدا
وطالما ان الفوارق الثقافية والفكرية والعقلية والذهنية والفنية رهيبة لابعد حد
قلتلك يا حسن :
هاتلى وجة تشابة واحد بين مواطن سكندرى مثلا ومواطن من الدمام ولا الشارقة ولا راس الخيبة
--------------------
اللون الأحمر مخصص للمداخلات الإدارية فقط
إدارة المنتدى