-
ممكن حد يتمنلى العربيه
انا معايا لاوس 99كامله اتوماتيك وبفكر ابيعها انشاء الله على شهر 9او 10لما موديلات 2008 تنزل انشاء الله
فكنت عايز اعرف انا لو بعت العربيه هجيب كام
ومواصفات العربيه هى
موديل 99 فتيس اوتوماتيك تكيف وباور وكاسيت وسنتر زجاج كهرباء ومرايا كهرباء
درشه من الخارج بس الدواخل فبريكه
عمله حاليا 90140الف كم وقول عقبال لما ابيعها تكون عملت 94000الف كم
حالتها جيده مش محتاجه حاجه
نفس الكلام على عربيت اختى عايزه برضوا تبعها فى نفس التوقيت
هى زاز سلافتا موديل 2005 عامله 21000كم قول على شهر 10تكون عملت 25000كم
1300سىسى حقن للوقود بدون تكيف ولا باور بس فيها زجاج كهرباء وسنتر وريموت وسبويلر وكاسيت
فاريكه بالكامل
يا ريت لو حد يعرف يجيبوا كام يرد عليا وجزاه الله خيرا
limo
-
اعتقد ان اللانوس هتبقى عمله 48 الف او فى الحدود ديه ازيد و اقل حاجة بسيطة
-
ليا واحد صاحبي اشترى لانوس اتوماتيك موديل 99 كانت عامله 120000 من 6 شهور ب 44000 و ربنا يوفقك
-
أنا كان معايا عربية أخت بتاعة حضرتك:
لو تاجر 43-44
لو واحد حيركبها 45-46
و ربنا يوفقك
-
يعني الدايو حتعمل حوالي 46 او 47 في الحدود دي بس خلي بالك دخله الشتا العربيات سوقها بينام
انما بالنسبه للعربيه الاخري مش ععارف ليها سعر علشان ما لهاش سوق
-
سعرها يتراوح ما بين 44 الف الى 47 الف حسب الحالة والشارى وبالنسبة للسلافوتا هتدخل فى الثلاثينات ولاحظ انها ملهاش سوق يعنى بيعها هيبقا صعب شوية.
-
اللانوس على وصفك دى 47
السلافوتا مش هتكمل 30 ، كمان لو عايز تبيعها على شهر 10 اعلن عنها من ديلوقتى لانها ثقيلة فى البيع
-
إيه السلافوتا دى؟
اللانوس لا تقل طبعا عن 46 ألف وتبع العرض والطلب..
-
اقتباس:
إيه السلافوتا دى؟
السلافوتا دى عربية روسى كانت بتعملها شركة اسمها زاز، وكانت بتنزل فى الأول فى مصر بشكل هاتشباك تحت اسم تافريا، وبعدين دايو اشترت زاز وبقت بتنزل الموديل السيدان منها مصر تحت اسم دايو زاز
بعد ما ايو اتباعت لجنرال موتورز، جنرال موتوز ما اشترتش زاز وخرجت من الصفقة مثلها مثل دايو مصر ودايو رومانيا، فرجعت الركة اسمها زاز وبقوا بينزلوا العربية السيدان تحت اسم زاز سلافواتا
هى تشبه اللادا ال2110 الى حد ما بس على اصغر شوية
-
أفادكم الله يا أخى سبعاوى
Content Relevant URLs by
vBSEO 3.6.0 PL2