نصيحة لكل من يرغب بالشراء من التوكيل

خد بالك في معلومة سمعتها من فترة وإن شاء الله ما تكون حقيقة لأن ده مصيبة...
التوكيل لما تروح عنده عشان تشتري أي عربية ... خد بالك من حاجة... هو يمكن حضرتك تطلب سيارة مانيول ومايكنش عنده غير اتوماتيك جاهز.. بالحالة دي يقولك تعال بعد يومين تكون الشحنة والكلام الفارغ ده ... هو بيعمل كالآتي بيغير محرك الأوتوماتيك لواحد عادي مع العفشة كاملة .. وبيوهمك انه دي وصلت اليوم من الجمرك وحاجات تانية...
لذلك لكل واحد عاوز يشتري من التوكيل يتأكد من الموضوع ده نصيحة...
هذا والله أعلم...

:T_thum1[1]::T_thum1[1]::T_thum1[1]::T_thum1[1]:
:majd(4)::majd(4)::majd(4)::majd(4)::majd(4)::majd (4):

ايه دليل حضرتك على الكلام ده

مينفعش يحصل الكلام ده لأن ورق الافراج بتاع العربيه بيبقى مكتوب فيه رقم الشاسيه والموتور وهى مانيوال ولا اوتوماتيك , هو لما بيقولك استنى يومين بتبقى الدفعه جت بس ممكن العربيات اللى انت عايزها لسه مجتش المعرض لأن مش كل الدفعه اللى بتنزل بيتم نقلها على دفعه واحده لأماكن التوزيع

أنا سمعت الكلام ده وماحصلتش معايا وحبيت أنقله للأمانة.

شكرا ليك ياباشا

بس انا عايز اسالك سوال ايه اخبار توكيل ابو خضر اللى موجود ف الاردن

هو حضرتك قصدك بيحصل الكلام ده عندكم فى الاردن ولا قصدك على مصر

فى مصر صعب يحصل ,, اقصى حاجة عملوها الوكلاء ان بتبقى عربية اتخبطت منهم أثناء النقل وبيصلحوها وتتباع على انها زيرو

ده علشان يغير الفتيس والعفشه والبدالات والكونسول والعدادات ومقبض الفتيس هاتكلف واكيد التوكيل هايخسر ==== صعب جدا"

صعب الحوار ده يحصل عندنا

صعبة قوي الحكاية دي
وشكرا لحضرتك علي نقلك للمعلومة

اقتباس:

---

المشاركة الأصلية كتبت بواسطة mohamedezat

ده علشان يغير الفتيس والعفشه والبدالات والكونسول والعدادات ومقبض الفتيس هاتكلف واكيد التوكيل هايخسر ==== صعب جدا"

---

تمام 100 %

اضيف بس ان مبيعات اى تجارة بتتوقف على الاشاعات

بس الاشاعة دى وسعت اوى

دا اذا كانت اشاعة اصلا:whtauwant:

اقتباس:

---

المشاركة الأصلية كتبت بواسطة ahmed0nouh

مينفعش يحصل الكلام ده لأن ورق الافراج بتاع العربيه بيبقى مكتوب فيه رقم الشاسيه والموتور وهى مانيوال ولا اوتوماتيك , هو لما بيقولك استنى يومين بتبقى الدفعه جت بس ممكن العربيات اللى انت عايزها لسه مجتش المعرض لأن مش كل الدفعه اللى بتنزل بيتم نقلها على دفعه واحده لأماكن التوزيع

---

+111111111111111111111111

صعب الحوار ده يحصل عندنا

دا مينفعش ف مصر

اقتباس:

---

المشاركة الأصلية كتبت بواسطة mohamedezat

ده علشان يغير الفتيس والعفشه والبدالات والكونسول والعدادات ومقبض الفتيس هاتكلف واكيد التوكيل هايخسر ==== صعب جدا"

---

+111111111111111

واسعه قوى

ممكن نحطها فى موضوع ايه اكبر اشتغاله سمعتها فى عالم السيارات

مينفعش يحصل الكلام ده لأن ورق الافراج بتاع العربيه بيبقى مكتوب فيه رقم الشاسيه والموتور وهى مانيوال ولا اوتوماتيك

اقتباس:

---

المشاركة الأصلية كتبت بواسطة astradti

بس انا عايز اسالك سوال ايه اخبار توكيل ابو خضر اللى موجود ف الاردن

---

زي ما هو ماسك كل السوق:fun_36_3_4[1]:

طبعا مش ممكن يحصل
لكن شكرا جدا لحضرتك على تمريرك للنصيحه

ده مش ممكن يحصل عندنا في مصر

على فكره اللى يعمل كده تبقى العمليه معاه خسرانه خسرانه
تفكير غير منطقى







.

مصر يحصل فيه كل شى بس توصل الى هذا الحد لا اظن ان يمكن ان يحدس

فى حاجه لازم تعملها انك تجيب معاك سمكرى يكشف على العربيه لان احتمال تكون العربيه مخبوطه ورشه جزء معين وده بيحصل اثناء الشحن او التوزيع على المعارض