أستكمالا لموضوع فضيحة جديدة من فضايح اسبرانزا
أولا:- بتقدم للأعضاء الى شاركونى برأيهم بجزيل الشكر وبالفعل أنا عملت بالنصيحة ولجأت لجهاز حماية المستهلك ومن ساعتها والتليفونات من الوكيل مبطلتش
ثانيا:-هم حددولى ميعاد يوم الأربعاء 13/1/2010 ورحت لقيت لجنة من المصنع فيها 3 مهندسين
واتنين فنيين وجابو صنفرة وصنفروا جزء من القايم وقالوا العيب بسيط وهنعالجة وجابو مادة كدة ذى معجون أوبوليش وقعدو يحكو بيها فى القايم وبطلاو لما أنا أعترضت على بيعملوة ودخلت مكتب االمهندس المسئول بمركز الخدمة الرئيسى بأبورواش وبعد شوية جالى واحد وطلب منى المفتاح علشان يبعد العربية من الطريق وجالى بعد كدة وقلى معليش ان جزء من الكاوتش الى على الباب اتقطع منة وان شاء الله هيغيرو الكاوتش كلة فى المصنع لأنهم حددولى معياد يوم الأحد فى المصنع علشان يعالجوا العيب دة والمهندس المسئول قالى لوجبت خبير مش هيعرف القوايم دى اترشت ولا لأ لأن احنا هندخل العربية تانى على خط الأنتاج
ثالثا:-أن خايف يكونو عملو كدة علشان يخفوا العيب كمان لما دخلت مركز الخدمة على البوابة مدونيش أذن دخول ولا ورقة برقم ترتيب العربية ذى ما كانوا بيعملوا قبل كدة كمان أنا لما طلبت تقرير بالعيب دة وهيعملوا اية علشان يصلحوه رفضوا فالموضوع ده قلقنى وتنصحونى بأية وشكرا