ذهبت الى سوق الجمعة يوم الجمعة قبل الماضية واشتريت سلحفة لابنتى بناء على طلبها المهم من ساعة ما جبتها لم تاكل او تشرب من 15 انا خايف عليها مش عارفلها
يا ريت حد من اصحاب الخبرة يعطينى بعض المعلومات عنها
عرض للطباعة
ذهبت الى سوق الجمعة يوم الجمعة قبل الماضية واشتريت سلحفة لابنتى بناء على طلبها المهم من ساعة ما جبتها لم تاكل او تشرب من 15 انا خايف عليها مش عارفلها
يا ريت حد من اصحاب الخبرة يعطينى بعض المعلومات عنها
شوف المواضيع اللى فى الصفحة دى السلاحف
شكرا يا rembrandt على الرابط
أنت ما قولتش جبتها صحراوي والا مائي ؟؟
على العموم لو صحراوي , تلت حاجات السلحفاة بتموت فيهم
1- قلب الخيار
2- ورق الخس (بس قطعه قطع صغيرة متحطش الورقة كاملة)
3- لباب العيش الفينو مبلول بالماء (لو ناشف مش حتعرف تأكله)
بس لو حتأكلها لباب الفينو , بعد ما تخلص أكل , أغسل لها فمها لو في عوالق من العجين علشان اللباب لما بينشف بيبقى عامل زي الحجر على بقها
وإن شاء الله تأكل معاك
بص
احسن حاجة تاكلها للسلحفاة فى حالة انها (الصحراوية) وحجمها فى حدود كف اليد
الخس
قشر الخيار
وقشر البطاطس النضيف
والشبت والبقدونس
طماطم بدون بذر وتقطعهالها حاجات رقيقة
عموما حضرتك دة الى هاتعملة :
هاتسيبها يومين من غير اكل
علشان تجوع وياريت اليومين دول محدش يلعب معاها كتيير علشان تتعود على مكانها
وبعدين تييجى وتحطلها ورقة خس قريبة منها وتسيبها وتعالى على اخر اليوم هاتلاقيها اكلتها لانها بتكون مش متعودة على المكان ولما بتتعود بتاكل على طول ان شاء الله
دى خبرتى المتواضعة مع السلاحف
أنا سمعت من واحد صاحبى كان عندة سلحفة أن ريحة فضلاتها بنت تربنتيت تيت ..أحمد ربنا أنها مابتكلش :)
كان عندي سلحفاء جيبها من سوق الجمعه من زمااااااااااااااااااااااا ااااااااااااااااااااااااا اااااااااان ب5 ج
المهم مشفتهاش بتاكل الا نادرا
وبعدين خدها واحد منه لله ومسكها واعد يضرب علي دمغها كل ماطلعها ال ايه بيهزر معاها
المهم وفي خبطه من الخبطات بصباعة علي دمغها دمغها خرجت واتدلدلت برة ومن سعتها مدخلتهاش تاني
وكانت النهايه
السلاحف دلوقت فى البيات الشتوى
السلحفاة عندى نايمة من أسابيع ولا بتاكل ولا بتشرب وخايف تكون ماتت
هى لو ماتت جوه الصخرة بتاعتها هعرف إزاى؟ من الريحة؟
ايه الدلع ده كله :star1: انا عندى كنت برمى ليهم الخس و اللى عاوزة
تاكل تاكل و اللى مش عاوزة اخواتها هيقوموا بالواجب
حرام عليه دى من اكتر الكائنات طيبة
هى حصلت معى مرة واحدة وفعلا بتشم ريحة وحشة
حاول تصحيها بالتخبيط البسيط على الصدفة و لو مصحيتش هات طبق فيه مياه
دفيئة وحطها فيه و طبعا ارتفاع المياه يبقى بيغطى القشرة السفلية و مش ازيد
و ان شاء الله تصحى
سوال بسيطة هى السلاحف عندكم فى الصيف كسولة ولا نشيطة ؟؟؟
لان السلاحف اللى كانت عندى كانت نشيطة جدا و بتمشى كتيير كانها بتدور
على حاجة و فى الاخر تركن وتنام فى اى حتة
كانت الحركة دى مجننانى
الله موضوع جميل
انا من زمان نفسى اشترى واحده بس ححطها فين :11:
كنت جايب اتنين قبل كدة ، قد الكف تقريبا ، واحدة كانت بتنام طول اليوم ومابتاكلش ، والتانية طول اليوم واخدة الشقة رايح جاى مابتسكتش وكانت بتاكل أكل فظيع لدرجة انها كانت بتاكل واحدة خس كاملة كل يوم لوحدها وده اكل كتير اوى على سلحفاه
هى فعلا دلوقتى هتلاقيها فى بيات شتوى
وهى أكلتها ضعيفة :d وأحلى حاجه بتبقى الخيار (شرائح صغيرة جدا)
وعلى فكرة هتلاقيها بتحب تنزل تحت التلاجة علشان الدفا :d
وبالتوفيق معاها بإذن الله
ايه يا جماعة مكنتش متخيل ان فى اعضاء عندهم معلومات عن تربية السلاحف كنت فاكر محدش مهتم بيه غيرى
على فكرة بنتى قعدة جنبها على طول وعايزة تخدها معاها الحضانة بس عشان تخوف زملائها واصحابها
والله نفسي اجييب واحدة
بس مش عارف هعاملهم ازااي
هيا بتعمل كاااام ؟
--------------
* 5
ياه فكرتونى بسلحفتى
كانت بتاكل كتير اوى خس وجرجير وخضروات
ومع ذلك كانت كسلانة جدا
تاكل وتريح على جنب
كنت عشان اخليها تتحرك
اجيب طوبة او حاجة صغيرة وارفع السلحفة عليها عليها من ورا
فتضطر تتحرك عشان تنزل
بس كنت بحبها اوى
وفى يوم عيال خالى صغيرين كانو عندنا وامى اصرت انى اديهلهم :_Alshmokh08[1]::_Alshmokh08[1]:
بعديها بفترة رايلهم لقيتعم بيلعبو كورة فى البيت
واسمع حد بيقول شوط شوط يااااه
وافاجأ ان الكورة المستخدمة هى سلحفتى الغلبانة (حمالة اسية )
وبعد كده عرفت انهم رموها فى بلاعة علها تتحول الى نينجا:donatello::donatello:
و انا برضه نفس الوضع بس كانت واحدة هادية جدا و اكلتها ضعيفة و دى اللى ماتت
و ال 2 التانين كانوا شقى جدا وكان نفسى لاقى تفسير بس موصلتش لحاجة
اوعى يا باشا , انا حطيتهم فى شنطة العربية مرتين بهدلوها بمخلفاتهم الصلبة والسائلة من كتر الخضة
بس المرة التانية طلعت ناصح و فرشت فى الشنطة مشمع و دى اخر مرة اشوفهم - للاسف -لانى اتبرعت بيهم لحديقة الحيوان بالجيزة
هههههههههههههههههههه للصبحاقتباس:
وافاجأ ان الكورة المستخدمة هى سلحفتى الغلبانة (حمالة اسية )
وبعد كده عرفت انهم رموها فى بلاعة علها تتحول الى نينجا:donatello::donatello: