أحيانا عندما أضع مفتاح العربية في الكونتاكت واديره لتشغيل العربية لا يتحرك المفتاح وبالتالى لاتدور العربية وبعد عدة محاولات والانتظار ثم البدء من جديد تعمل
فما سبب هذه المشكلة وما الحل
عرض للطباعة
أحيانا عندما أضع مفتاح العربية في الكونتاكت واديره لتشغيل العربية لا يتحرك المفتاح وبالتالى لاتدور العربية وبعد عدة محاولات والانتظار ثم البدء من جديد تعمل
فما سبب هذه المشكلة وما الحل
حرك الدركسيون ببساطه مع التشغيل
بالنسبة للوجان ، فانت لو حاولت تدور ومادارتش من أول مرة (المارش لف بس مادارتش) ، فمش هينفع المفتاح يدور تانى غير لما تلفه كله لورا من وضع البدء ، ده طبيعى فى لوجان وعربيات تانية كتير.
ده اذا كنت أنا فهمت قصدك طبعاً.
المفتاح ما بيلفش أصلا وحاولت أحرك الدريكسيون كان جامد فى الاتجاهين يعنى يتحرك سنه ويقف ما يتحركش
ولكنها دارت بعد محاولات
وبعد ما قفلت وفتحت السنتر لوك وبعدين سيبتها شويه وبعدين المفتاح لف ودارت فمش عارف ايه السبب فى اللى حصل ده رغم انى كنت لسه راكن العربية قبل حوالى ربع ساعة وما كانش فيه أي مشكله فى التشغيل السابق للعربية
بس عموما سأحاول أعمل بالحل الذي قلته
رغم إن العربية في الغالب المفتاح يلف وبتدور على طول بدون مشاكل بس موضوع عدم تحرك المفتاح حدث مؤخرا مرتين فقط
واضح إن الدركسيون بيصادف وجوده على وضع lock فبالتالي بيعوق حركة دوران المفتاح و ده
طبيعي في أي عربية .
ياباشا اللى بيحصل دة نتيجة لانك بتحرك الدركسيون بعد اما تبطل العربية ودة مكتوب فى الكتالوج انك من المفضل انك تعمل كدة علشان تقفل عمود الاستيرينج وتقريبا الموضوع دة بيمنع السرقة والحل انك وانت بتدور تلف الدركسيون سنة صغيرة فى نفس الوقت
الف شكر ياجماعه وإن شاء الله هجرب وأقول لكم
ردود ممتازة ووصف جميل من وحوش رينو
المفتاح ما بيدورش فى حالتين ...
1-العربية لسة اساسا ما درتش ...و تيجى تدو ما دورش .. دة بسبب تعشيقة الدركسيون
تعمل ايه..؟... تحط المفتاح وانت بتدور لف الدركسيون براحة يمين او شمال...
2-والعربية دايرة ولو بطلت لاي سبب .. تيجي تدرو وبعدين لوا ستنيت شوية بعد اول تكة وايدك متعلقة او مترردة تلاقى المفتاح اتعشق ...
تعمل اية ؟..ترجع المفتاح تانى لوضع البداية .. وبعدين تدور ها
ملحوظة هامة للغاية
فى كلتى الحالتين او الحالات لم تيجى تدور ....
-تدور اول تكة وتنتظر لما لمبة البنزين تطفى _أرجوكم_دول 3 ثوانى ... وبعدين تدور تكة التانية تكة التشغيل نفسه...
لو انت دورت على طول التكتين مع بعد ... انت كدة بتحرق البساتم ... وبتقصف عمر الماتور الافتراضى...
فاحذروا يا اخونى الاستعجال فى النقطة دة
اللهم بلغت...
مش هقدر اقول نص كلمة بعد اللي اتقال ده و ارجوكم اسمعوا كلام ابو ادم
واحشني و الله يا ابو ادم :Y_hi_3[1]:
ابو ادم جاب من الاخر بس انا ساعات تبطل منى ورايا طابور عربيات فبكون عايز ادور علطول وساعات مش بستنى لمبه البنزين تقفل