السلام عليكم ورحمة الله وبركاته
شكرا ليك يا اخي رفعت معنوياتياقتباس:
الفايل شغال وزى الفل ونشكرك على هذا المجهود
عرض للطباعة
السلام عليكم ورحمة الله وبركاته
شكرا ليك يا اخي رفعت معنوياتياقتباس:
الفايل شغال وزى الفل ونشكرك على هذا المجهود
[OVERLINE]
معلش يا باشا حملت الاكسيلاية excel بتاعة الجنوط اللي حضرتك عملتها وممتازة بس عندي استفسار هو العربية عندي لانوس 1 مقاس الكاوتش p175 /70 r13 انا عارف المقاس اللي مكتوب في االاكسلاية بس العربية عندي حاسس انها واطية لما واحد يركب ورا لازم تحك في المطبات العالية وعايز اركب جنوط بدل الطاسة بعد اذنك تقولي ينفع ازود عن المقاس المكتوب ولو ينفع ممكن تقولي المقاس المظبوط ولو فية انواع كويسة وتتكلف كام وشكرا علي الرد مقدما
[/OVERLINE]
مشكووووووووووووور على المرور
السلام عليكم ورحمة الله وبركاته
بصراحه انا خبرتي في موضوع الجنوط كلها عن طريق السمع بس هقول لحضرتك اللي انا عارفه
انا معايا لانوس 2 وفيها نفس الكاوتش بتاعك وبيحصل معايا نفس اللي بيحصل معاك وحاولت اوصل لحل المشكله ولقيت ان فيه كذا حل للمشكله بس كل حل ليه السلبيات بتاعته
هقول لحضرتك الحلول والسلبيات وحضرتك تختار اللي يناسبك بس الاول لازم حضرتك تتاكد ان مفيش عندك اي مشاكل في العفشه ممكن تكون السبب يعني ممكن تكون السوست عندك انضغطت وعايزه تتغير مثلا
1- ممكن تركب مقاس كاوتش اكبر مثلا 13*185/70 بس ده ممكن يخلي العجله تحك في الرفرف مع مطبات الهوا وهيخلي عدادات السرعه والكيلومتر اقل من الحقيقي وممكن يقلل ثبات العربيه مع السرعات العاليه
2-ممكن تركب علايات فوق السوست الخلفيه وده هيخلي العربيه عاليه عن الارض وبرده هيقلل من ثبات العربيه
3-ممكن تركب ورا سوست انشف من السوست الاصليه للعربيه بس السوست دي هتخلي مطب العربيه ناشف وممكن تاثر علي شاسيه العربيه
4- ممكن تركب صدامات في المساعدين اللي ورا وده هيخلي مطب العربيه ناشف شويه
5-ممكن تركب جنوط اكبر وتحافظ علي القطر الخارجي للكاوتش وده مش هيعلي العربيه بس هيقلل نسبه انضغاط الكاوتش لان ارتفاع الكاوتش هيكون اقل من الاصلي يعني مثلا 14*185/60 وده تاثيره مشهيكون كبير وهخلي مطب العربيه انشف من الاول
وبصراحه اظن ان الحل الانسب (لو كنت مبيركبش معاك ناس باستمرار في العربيه) هو الحل رقم 4 اتمني اني اكون افدتك وان الكلام اللي انا فاهمو ميكونش غلط ولو حد عنده معلومه يا ريت ميبخلش علينا بيها ولو في اي استفسار انا تحت امرك
شكرا علي الرد يا باشا انا كنت شفت مشاركة رد فيها المهندس محمد ممدوح ان فية اختيارين يا اما 15/50/195 او185/60/14بس موضوع يضر العفشة ولا لأ الله اعلم
السلام عليكم ورحمة الله وبركاته
طبعا كل واحد ممكن يكون رايه صح وممكن يكون غلط بس انا هحاول اتكلم في نقطتين الاولي هي العلاقه بين المساعد ووزن الجنط انا عاوز اقول ان المساعد مثبت مع جسم العربيه من جهه ومن الجهه الاخري مثبت مع العجله واللي انا اعرفه ان وظيفته هي تخميد الحركه اللي هتحصل لما العجله تطلع مطب او تنزل في حفره يعني هيمتص الحركه علشان لما توصل لجسم العربيه هتبقي حركه ناعمه يعني اقل حركه ممكنه
العربيه لما تطلع مطب العجله بتطلع لفوق طيب ايه اللي بيخللي العجله بعد المطب ترجع لمكانها تاني هو اكيد مش المساعد انما السوسته اللي موجوده مع المساعد هي اللي بترد العجله مكانها تاني
طيب المساعد ده او السوسته لما هتيجي ترد العجله لتحت هتاثر بقوتين متضادتين الاولي هتزق العجله لتحت والثانيه هترفع العربيه لفوق طيب ايهما سيتحرك اولا طبعا العجله بالجنط بتاعها هتتحرك لتحت الاول مهما كان وزنها لان اكيد وزن العربيه علي السوسته اكبر من وزن الجنط بالعجله وبعد ما العجله تصد في الارض تبدا السوسته تصد العربيه في مكانها ومتخليهاش تنزل لتحت تاني يعني اللي انا عاوز اقوله ان اذا كانت السوسته قادره علي انها ترفع العربيه لفوق فهل ممكن انها متقدرش انها تزق العجله والجنط لتحت مهما كان وزنهم دي نقطه
اما النقطه الثانيه لو كان مقاس الجنط لما يكبر مبياثرش علي العفشه امال ليه الشركات الكبيره لما بتنزل عربيتين نفس الموديل بس واحده بجنوط سبور كبيره والثانيه بجنوط حديد صغيره بتزل العربيه اللي فيها جنوط اسبور كبيره فيها عفشه رياضيه ومتقولش ان دي فانتازيا منهم لا هو عارف ان مقاس الجنط الكبير معاه ارتفاع الكاوتش بيقل وبالتالي مطب العربيه بيبقي ناشف وبالتالي العفشه بتبوظ بسرعه فبيركب لها عفشه رياضيه علشان تعوض فرق ارتفاع الكوتش
اتمني اني اكون وفقت في توضيح وجهت نظري من غير ما اكون اسات لحد وشكرا ليكم
انا مقولتش ان السوستة مش حتقدر تزق الجنط.. انا قلت ان وزن الجنط حيخللى رد فعل السوستة ابطاء لان الجنط الاتقل عندة قصور ذات اكبر بالتالى حيحتاج قوة اكبر عشان يتحرك بنفس السرعة... و بما ان السوستة مبقتش اقوى فا رد فعل العفشة حيبقى ابطاء بسبب الوزن الزائد
الكلام منطقى بالنسبة لرد الفعل فى المطبات... بس مفيش عربية بتنزل ستوك بعفشة رياضية عشان فيها جنوط سبوراقتباس:
اما النقطه الثانيه لو كان مقاس الجنط لما يكبر مبياثرش علي العفشه امال ليه الشركات الكبيره لما بتنزل عربيتين نفس الموديل بس واحده بجنوط سبور كبيره والثانيه بجنوط حديد صغيره بتزل العربيه اللي فيها جنوط اسبور كبيره فيها عفشه رياضيه ومتقولش ان دي فانتازيا منهم لا هو عارف ان مقاس الجنط الكبير معاه ارتفاع الكاوتش بيقل وبالتالي مطب العربيه بيبقي ناشف وبالتالي العفشه بتبوظ بسرعه فبيركب لها عفشه رياضيه علشان تعوض فرق ارتفاع الكوتش
اولا العفشة الرياضية المقصود بيها السوست الابكس او H&R و ما الى ذلك... مش اى سوستة انشف او اتخن تبقى رياضية... يعنى الBMW اللى بينزل فيها مكنة 6 سلندر فيها سوست انشف من اللى بينزل فيها مكنة 4... هل معنى كدة ان الBMW ال6 سلندر فيها عفشة رياضية؟؟؟ طبعا لا
نفس الكلام ينطبق على باقى العربيات... يعنى اللانوس ال 1600 سوستها انشف من ال 1500 عشان فرق المكنة فقط و الدليل ان سوست ورا هى هى بالرغم من ان ال1600 بتنزل بجنط 14... و النوبيرا بتنزل بنفس السوست للجنوط ال14 و ال15... و اعتقد نفس الكلام بينطبق على باقى العربيات
السوست الرياضية هدفها تحسين ثبات العربية و رفع قدرتها على المناورة و دة بيحصلل من خلال تقليل تمايل جسم العربية و تخفيض مركز ثقلها بالتالى السوست السبور بتبقى انشف و اقصر من الاصلية و دة بيبقى باين فى العربية اللى نزل منها نسخ رياضية... و طبها طالما هدفنا زيادة الاداء و القدرة على المناورة يبقى لازم كاوتش اعرض و جنط اكبر... اذا الموضوع بداء بالعفشة و انتهى بالجنط مش العكس...
الجنط الاكبر وسيلة مش غاية... و العفشة الرياضية وسيلة لنفس الغاية و هى الاداء الاعلى و الافضل
يا باشا وجهة نظرك واضحة تماما و كلامك ليس فيه اى اسائة بالعكس... دا كلام محترم من رجل محترماقتباس:
اتمني اني اكون وفقت في توضيح وجهت نظري من غير ما اكون اسات لحد وشكرا ليكم
MMamdouh
السلام عليكم ورحمة الله وبركاته
شكرا ليك يا باشا علي الرد بتاعك وانا بحب المناقشات الفنيه لان في الاخر كل الناس بتستفيد منهااقتباس:
يا باشا وجهة نظرك واضحة تماما و كلامك ليس فيه اى اسائة بالعكس... دا كلام محترم من رجل محترم
بس انا قصدي ان انا لما اركب جنط مقاسه اكبر من الجنط الاصلي ب 2 بوصه مثلا يبقي اكيد مطب العربيه هينشف شويه عن الاول بسبب ان ارتفاع الكاوتش ( الجزء اللي بينضغط في المطبات ) هيقل 1بوصه وبالتالي يا اما اغير حاجه في العفشه يا اما استحمل العربيه علي وضعها الجديد
بالضبط دة اللى بيحصل و غالبا بتلاقى اللى بيركب جنط كبير بيبقى حريص جدا فى المطبات عشان العربية بتبقى انشف لما تاخد المطب نتيجة قلة بروفايل الكاوتش اللى كان بيمتص جزء من الصدمة بتاعت المطب
MMamdouh