مساعدة فى معرفة سبب الأعراض دى فى ميجان ( لخبراء العفشة)
الأول لازم أعترفلكو بحاجة مطلعة عينى من زمان
أنا موسوس فى كل ما يتعلق بالعربية
ثانياً التعديلاتاللى فى العربية
1- مساعدين كونى من اللى بتتظبط ناشف أو عادى و بقالهم سنتين بنفس الظبطة من غير ما ألعب فيهم ( أنشف حاجة )
2- كاوتش كونتيننتال R15 205/60 ( أعرض من الأصلى 195\65 ) من غير جنوط و عاملين حوالى 27000 كم
ثالثاُ الأعراض
وأنا ماشى على سرعة 100 فيما فوق بحس أن العربية لما بعدي فوق أى حاجة بارزة زى شوية أسفلت زيادة أو مفصلات كوبرى من العلية شوية العربية بتروح ساعات شمال وساعات يمين زى ما أكون أنا بكرك الدركسيون مع أنى ماسكه و متبت فيه. كمان لما أكون ماشى و ناحية من العجل تحتيها أسفات متأكل و بفرمل العربية بتحدف ناحية الأسفلت المتأكل أزيد من الطبيعى لدرجة أنى بحس انى مش متحكم فيها لحد ما الأسفلت يتعدل.
روحت التوكيل اكتر من مرة وكل ما هو بايظ أو حتى مش 100\100 تم تغييره والحمد لله مكانش فى غير بطاحة مساعد و شمعدان ملووح من مطب والأتنين اتغيروا والزاوابا مظبوطة فى التوكيل و ضغظ الهواء ف الكاوتش و ما فيش حاجة بايظة تانى.
روحت برضه ل Car Boys لأنى عارفهم من زمان و كمان هما اللى بيركبو الكونى لما تشتريه من أسلام مشهور, المهندس خالد طلع جرب معايا بس هو ممشيش بسرعة جرب فى حدود ال 80 او 90 وقالى العفشة ممتازة مع العلم انه معاه ميجان برضه
أسف للأطالة بس بجد هتجنن قريب من الموضوع ده.
حد عنده اقتراحات؟
هل ممكن يكون الظبطة يتاعت مساعد أو اكتر اتغيرت شوية مع الوقت او من مطب من المطبات العظيمة اللى عندنا؟
