عرض للطباعة
يا جماعه انا غيرت الماستر والفرامل بقت 10/10 بس العربية كانت محملة و قافشة المهم رحت لواحد راح حاطط زيت على السيرفو مكنش عليه الكاوتش بتاعه وباظ الاصلى بتاعها
جبت واحد جديد ب 140 وجبت مواسير وحطيت اكتر من 4 علب زيت وافك واركب ومفيش فرامل نهائى واجى اخد الهواء الفرامل تعلى معايا - ادور واطلع الاقى الفرامل راحت خالص
ايه العمل انا احترت
انا خايف اوديها لميكانيكى ينصب عليا والعربية متتصلحش
انا جايب العربية دى بروح بيها الشغل بقالى اكتر من اسبوعين راكنها انا تعبت والله
ممكن فيه مكان بيخلي نظام الفرامل بياخد هوا والاحتمال الاكبر جاب لك اجل السرفو روح لخبير في الفرامل عندكم يعني غير اللي اتعاملت معاه وربنا يوفقك للاصلح
ان شاء الله هروح لواحد متخصص فرامل
محمد باشا فريد
عامل اية انى عربية اللى مضيقاق كدة
بص يا باشا فى واحد بتاع فرامل اسمة البلبيسى كويس
بص كدة فى الصورة دى ومعلش مش فاكر اسم الشارع دة اية
هتمشي على الوصفة دى هتلاقية على ايدك الشمال قرب اخر الشارع جنب قهوة
ونصيحة متجبش علبة زيت الفرامل اللى لونها اصفر علشان دى بتبوظ الكاوتش بتاع الماستر
هات العلبة الفرنساوى اسمها تقريبا بندكس وهى علبة صفيح لونها احمر فى اسود فى ابيض
http://www6.0zz0.com/2010/01/15/04/202978055.jpg
وان شاء الله تكون حاجة بسيطة
يابشمهندس مصطفي عفوا الرجل من الاسماعيلية وعربيتة مفيهاش فرامل وعاوزة تتصلح وطبعا جزاك الله خيرا علي مجهودك
ان شاء الله تكون حاجه بسيطه
ايوه يا مصطفى باشا انا واحد وصفهولى برضه اسمه ابراهيم تقريبا وده متخصص فرامل ومكانه فى اخر البحرى تمام هو ده؟ ولا قصدك على امتداد شارع المدارس من عند السنترال كده؟
العربية ال128 هى اللى بعافية شوية
انا كنت حاطط فيها العلبة الصفيح دى بس اتدلقت وجبت الصفرا
لا مش من عند السنترال
انت هتمشي من البحرى لغاية اخرة هتقطع الثلاثينى هتلف وترجع وتخش اول يمين هتمشي على طول لغاية قرب اخر الشارع هتلاقى قهوة على الشمال وهتلاقى الراجل دة جنبها هو اسمة البلبيسي
والف سلامة على العربية ياباشا ولو احتجت حاجة انا معاك
شكرا يا استاذ وليد على التنبية انا عارف انة من اسماعيلية وبوصفلة على واحد هناكاقتباس:
المشاركة الأصلية كتبت بواسطة waelfarid
انا مقيم فى القاهرة والاسماعيلية
البلبيسي في الاسماعيلية على حد معرفتي هما اتنين و عموما ده اسم العيلة و اغلبهم شغال في موضوع الفرامل و الدبرياج
الي مشروح ممكن تمشي من بعد السنترال في اتجاه عز الدين و البلبسة و عند مدرسة الزراعة تدخل يمين ده على حد ما اذكر التاني بعد موقف الحكر و انت طالع على طريق عز الدين برده بعد الموقف بشوية على الشمال و لو سلت عليه و انت عند الموقف الف مين يدلك
المشكلة ممكن تكون من السيرفو الطقية فوتت او اويل سيه ضرب
و ممكن يكون الماستر الجديد مضروب و ممكن يبقي كل الموضوع ظبط هواء و ان شاء الله خير
الله دا الناس بتوع اسماعلية طلعوا كتير اهماقتباس:
المشاركة الأصلية كتبت بواسطة ayabooy
لالالالا احنا لازم نتقابل فى نص السنة ان شاء الله
انا اعرف اللى هو فى الوصفة دى انما بصراحة التانى لاء
معلش اعذروني يا جماعة انا لقيت كلمة الدائري افتكرت العنوان في القاهرة لاني من دمنهور ومااعرفش حاجة في الاسماعيلية ونتمني لصاحب الموضوع التوفيق في حل مشكلة الفرامل في اقرب وقت وياريت يبقي يقول لنا اصل المشكلة علشان الكل يستفيد بإذن الله
طيب اخبار التيل والطنابير ايه؟؟
التيل جديد والطنابير سليمة
المشكلة ان بعد كل اللى عملته الفرامل ورا بس اللى شغاله بس ضعيفه
ممكن يكون الماستر الجديد بايظ فعلا؟
طيب الزيت بينقص او بيرشح علي العجلات؟اقتباس:
المشاركة الأصلية كتبت بواسطة محمد فريد
بيبقي فيه خرطوم من الكبوت مرورا بالصالون(تحت الموكيت) لغاية العجل الخلفي
شوفه اخباره ايه ممكن يكون عايز يتغير
لا خالص مفيش ترشيح زيت على العجل الحمد لله
هشوف حكاية المواسير اللى تحت الفرش دى همشى وراها واشوف
والزيت مش هقدر احكم انه بينقص ولا لا لانى مبشيش بالعربية الايام دى فاكيد مش بينقص
بس ايه حكاية الزيت اللى بياكل اويل سيل الخزن؟
انا اقصد زيت الفراملاقتباس:
المشاركة الأصلية كتبت بواسطة محمد فريد
نوعه ايه؟(خللي بالك لازم يكون متبرشم مش المصري الاصفر لأنه سيء)
احسن نوع لوكهويد انجليزي ثم بندكس فرنسي
شوف كده ناقص ولا لأ
مش عارف تقصد ايه بأويل سيل الخزن
لو كنت في القاهرة او الجيزة كنت جيت معاك عند الميكانيكي اللي عمللي الفرامل بس واضح ان حضرتك من الاسماعيلية
ربنا معاك انا عارف مشكلة الفرامل دي بتبقي غلسة وبتقلق
الله يكون فى عونك ويسهلك وتتحل مشكلة الفرامل دى
انا كنت زيك كده بردو مساتر وسيرفو وغيرت المساتر العمومى والخلفيين واشتغلت ولسه مغير سيرفو وشكله مضروب ((صينى ))
انا عربيتى 127
ربنا معاك
اقتباس:
المشاركة الأصلية كتبت بواسطة tabeb
اعتقد قصدة بأويل سيل الخزان دة
اللى هوة جلد الماستر والخزن
طيب يا محمد باشا وصلت لاية
اولا انا مش عارف أشكركم ازاى على التعاون الجميل ده وكلنا قلبنا على بعض بس ده مش جديد على نايل موتورز واهله الكرام
انا رحت بالعربية النهاردة الشغل وفيها نسبة فرامل وبقعد اكاركلها كام مرة بتقف بس طبعا بعد مدة
المشكلة انى برجع من الشغل الساعه 2 فاكيد الميكانيكى هيقولى تعالى بدرى وانا مش باجز الا يوم الجمعة والسبت
هشوف بكره كده ان شاء الله بعد الشغل واقولكم على الاخبار
زيت الفرامل مش بينقص
طالما بتكارك كذا مرة كدة يبقى فى هواء فى الفرامل ودة سهل ساحبة
بس انت كنت بتقول ان الفرامل بتبقى تمام وبعد كدة بتزل فى دى كدة مممكن تكون حاجة فى السيرفوا
أنا عندى نفس مشكلتك و دخت و سمعت أتر من تشخيص أشى ماستر سيرفو زيت و حاجات كتير بس هى الدواسة محجرة شوية تحت رجلى أنا بصراحة خايف أسلم دقنى لميكانيكى لحسن أضيع شوية الفرامل الى عندى غير الى هكوعه من شراء قطع غيار مضروبة و مصنعية لشوية ..........!
خصوصا بعد الى بتحكيه ده
لو السيرفو بايظ تلاقي بدال الفرامل عالي و محججر معاك لما تدوس عليه يعني مابينزلش مع دوسة رجلك و مابيفرملش العربية.
لو الماستر الفرعي اللي راكب على الديسكات او الطنابير بايظ حتلاقي فرامل ضعيفة قليلا و فقدان كمية الزيت داخل خزنة زيت الفرامل مع الوقت. لو تيال الفرامل وحشة حتلاقيها مكونة تراب كربونى لازق علي الجنوط وممكن تلاقيها مخربشة الديسكات و عاملة ريجة دائرية في الديسك و معناه انها حتاكل الديسكات و تعمل فيها عالي و واطي علي سطح الديسك و حتحس بيها كويس مع الفرامل حتلاقي دردرة.وحلها تركب تيل اصلي مش مضروب
و اخر سبب هو تأكل المادة المبطنة لتيل الفرامل وبالتالي ثمك تيل الفرامل حينخفض و بدال الفرامل حيوطى شوية والفرامل حتضعف معاك و تبان اكتر و انت بتجري علي 80 كم/س
كلام كله جميل ومعلومات قيمة من احسن اعضاء فى المنتدى
والحمد لله الفرامل بقت تمام
انا رحت النهارده لبتاع الفرامل اللى دلتونى عليه وهو اسمه محمود او محمد البلبيسى وحصل الاتى:-
فك الماستر وطلع دراع السيرفو الخارجى وربط صامولته وركبه واخد هواء وفى زيت كتير خرج المهم الفرامل بقت تمام
نيجى بقى لحكاية القفشة قالى انا بظبطلغك الزغاد اللى طالع منه خرطوم للمكنة وجبت ازازة زيت بندكس وملئ لى العلبة والحمد لله
المهم الحمد لله خلصت على خير ودلوقتى انا مطمن
شكرا لرجال نايل موتورز من غيركم لا كنت رحت ولا جيت
اقتباس:
المشاركة الأصلية كتبت بواسطة محمد فريد
مبروك:vctry:
برضه متنساش تتابع مستوي زيت الفرامل وتبص علي العجل كل فترة للاطمئنان وان شاء الله ما تتكررش تاني وربنا يستر طريقك
تحياتي
العفو يا باشا واى حاجة انا تحت امركاقتباس:
المشاركة الأصلية كتبت بواسطة محمد فريد
وكمان متنساش فترة كدة وتعدى علية ياخدلك هوا الفرامل مرة كمان وخلاص على كدة
ربنا يخليك يا باشااقتباس:
المشاركة الأصلية كتبت بواسطة tabeb
باذن الله يا باشمهندس مصطفى الف شكراقتباس:
المشاركة الأصلية كتبت بواسطة eng_mostafa_89