حد شاف حريق الوراق (مستودع انابيب بوتاجاز)
بسم الله الرحمن الرحيم
نزلت انهارده على الساعة 12 الظهر اجيب فطار لقيت عربيات اسعاف ومطافى كتير والمحافظ ومدير امن الجيزة والدنيا مقلوبة لقيت واحد صاحبى شاددنى من ايدى تعالا يا ابنى مستودع الانابيب بتاع شارع عشرة ضرب ومولع وقنابل شغالة قولت اروح اتفرج وانا على مسافة 150 متر تقريبا اسمع صوت بوووووم والارض بتتهز وكل حاجة بتتهز الله الله الله الله قربت شوية وبوووووووووم واحدة تانية اتضح ان الحلوين لسه جايبين 200 انبوبة ولسه منزلينهم وان تقريبا بنزلوهم بأهمال شديد جدا زى ما كأن جايب عربية نقل كبيرة رمل وبترمى الرمل طبعا انا واقف مرعووووووووووووووب جدا :ask: وابص الاقى سواق انا اعرفه شكلا كده معدى بالصدفة وراح 3 انابيب ضربو مرة واحدة طبعا طار بتاع 30 متر من شدة ضغط الهوا وراح لبس فى الحائط بتاع الجامع جرينا عليه طبعا ستر ربنا انه كان لسه عايش بس مش قادر يملك نفسه من الخضة حطينا فى عربية الاسعاف والمصيبة الكبرى ان المياه منقطعة بقالها حوالى 5 ساعات طبعا الميه مش جايبة اى نتيجة فى الموضوع العربيات تفضى وتروح تملا من نهر النيل مباشرة وترجع تانى لحد ما عربية واحدة بس ملاينة المادة اللى فى الطفاية بتاعت الحريق (تقريبا رغوية او بودرة) هى دى اللى جابت نتيجة بسيطة والموقف اللى نسانى كل ده ان فى انبوبة طارت وكانت خلاص هتلبس فى مأذنة الجامع والكل قال انها داخلة فى المأذنة ومرة واحدة راحت مغيرة اتجاها الى الشمال سبحان الله سبحان الله فعلا منظر غريب غريب مهما وصفت مش قادر اوضوحهلكم ان الانبوبة كأنها عملت (درفت فى الهوا) جيت اصور كل ده بضرب ايدى فى جيبى ما لاقيتش الموبيل اتضح ان انا ناسيه فى البيت بس لاقيت صحابى مصورين بعض المقاطع وانا روحت تانى على المغرب لاقيت واحد صاحبى مصور ما بعد الحريق بقى من امن مركزى وشرطة والانابيب المضروبة وكل ده الفيديو YouTube - ‫ط.ط±ظٹظ‚ ط§ظ„ظˆط±ط§ظ‚ 2010‬‎
وربنا يسترها علينا وعليكم
اخوكم يوسف
