حصريا:مقارنه شامله بين Golf 6 TSI 160HP vs Bravo T-Jet 150HP

**yoko** · 15-01-2010 05:33 PM

المشاركة الأصلية كتبت بواسطة ghazy12

يا استاذي اسمك ما جاش كتير ولا حاجه, احنا بنقول يوكو ليه رأي تاني, بس...

الفكره اللي بتكلم فيها انك لو عايز تحافظ على الموتور و التربو خليك في 95 (بعيدا عن سعره)...

بالنسبه للسعر, فعلا كتير, و انا بعمل زيك مش أقل من 2500كم في الشهر (أقل واجب)
بس حفاظا على الموتور, هضطر احطلها 95 غصب عني, ده لو معايا جولف او برافو او لينيا........

بس هي وجهات نظر مش أكتر, و الاختلاف في الرأي لا يفسد للود قضيه

الخوف بس ان البنزين 92 يكون ليه تأثير سلبي على المدى البعيد, و ده اللي يخليني احط 95

و طبعا رأيك يحترم و كل واحد أدرى بظروفه, و انت مجرب بنفسك الاتنين

أنا بهزر إنت صدقت ولا إيه وأستاذي إيه دي كمان ده أنا ٢١ سنه بس
والتوكيل في مصر والشركة الأم قالوا إن مفيش مشكله من البنزين ال٩٢ لإن فيها حساس تسقيف فمش هيضر الموتور
وهي وجهات نظر

**slim_shika** · 15-01-2010 06:05 PM

Fiat Bravo
أسباب اختياري ملهاش دعوة بمين الأسرع (مش سباق) , أو فيها تكنولوجيا من مكوك فضائي ,
البرافو عربية كده تحسها جميلة , ليها شخصية , تقعد جوه تحس إن العربية معموله علشانك إنت , كلامي مش عملي بس لو هفكر أجيب عربية فوق ال-150 هختار البرافو بدون منافس....
وتقيمي للموضوع 5 نجوم , موضوع فوق المتميز, مشكور جدا يا دكتور غازي..

**SeiffoZ** · 15-01-2010 06:11 PM

إنتم ناسيين حاجة ...

البرافو هتنزل 2010 Facelift ليها و هيغيروا الإنتيريور و أوبشن جديدة .. .

و الMulti air كمان هيولع الدنيا ...

وقتها الجولف لازم تخاف

**ghazy12** · 15-01-2010 07:05 PM

المشاركة الأصلية كتبت بواسطة gemino

احنا نسينا حاجة مهمة فى المقارنة دى و هى ان الجولف الجير بتاعها dsg يعنى نقل اسرع من الايد البشرية بدرجة ملحوظة
و التانية هى السوبر شارجر
و شكرا على المقارنة يا هندسة

شكراا يا باشا على مرورك الكريم...

المشاركة الأصلية كتبت بواسطة kareemhisham

مشاء الله مقارنة اكتر من ممتازة .. و الصور جميلة جدا ..

البرافو لا يستهان بها طبعا ..

و لكن الجولف هي اهم سيارة لدى فولكس فاجن .. ففولكس فاجن بتحط فيها الافضل في الفئة دي ..

بصراحة انا ميال اكتر للجولف .. لاني بحسها عربية صح .. خامات ممتازة و اداء ممتاز ..

اما البرافو .. ففيات اهتمت بالناحية الجمالية اكتر و لكن تكنولوجيا الاداء مش متطورة ..

زاى الالفاروميو 8c .. لما جيريمي كلاركسون عمل عليها review .. قال انها لا تمت للسوبر كارز بصلة .. لا في الاداء ولا في جودة التقفيل ..

و لكن عمرك ما تمل من النظر اليها .. فهي فعلا السيارة الاجمل في التاريخ ..

فالجولف و البرافو .. زاى الالفاروميو 8c و الاودي r8 ..

كلامك و وجهة نظرك مميزه فعلا...

شكراا يا كريم باشا على مرورك الكريم...

المشاركة الأصلية كتبت بواسطة slim_shika

fiat bravo
أسباب اختياري ملهاش دعوة بمين الأسرع (مش سباق) , أو فيها تكنولوجيا من مكوك فضائي ,
البرافو عربية كده تحسها جميلة , ليها شخصية , تقعد جوه تحس إن العربية معموله علشانك إنت , كلامي مش عملي بس لو هفكر أجيب عربية فوق ال-150 هختار البرافو بدون منافس....
وتقيمي للموضوع 5 نجوم , موضوع فوق المتميز, مشكور جدا يا دكتور غازي..:s_thum1[1]:

رأيك يحترم طبعا...

بس مش معنى اننا نناقش مين (هتجمع) أسرع يبقى ده سباق و مكوك فضائي..!!!
من ضمن الاختبارات الهامه (التســارع من 0-100كم) و ده ليه علاقه بمدى سرعة استجابة الجير بوكس و الموتور

الموضوع مش جري و خلاص, و يا رب تكون فهمت وجهة نظري يا باشا...

و شكراا على مرورك الكريم يا باشا و تقييمك...

المشاركة الأصلية كتبت بواسطة seiffoz

إنتم ناسيين حاجة ...

البرافو هتنزل 2010 facelift ليها و هيغيروا الإنتيريور و أوبشن جديدة .. .

و الmulti air كمان هيولع الدنيا ...

وقتها الجولف لازم تخاف :e_braces[1]:

ممكن لما تنزل نشوف هتزيد ايه و هتقل ايه عن المنافس (جولف6)...

و شكراا على مرورك الكريم...

**Evo** · 15-01-2010 08:12 PM

موضوع رائع

الجولف اكيد تربح المقارنة مع تقديري للبرافو

في حاجة بقى غايظاني من فيات

عمله العربية التحفة دي وفي الاخر تعليق خلفي مش مستقل

المفروض إنها ذات أداء رياضي _نسبيا على الاقل
-0-100 في 8 ثواني دول كتير -

تقوموا تحطو فيها نظام تعليق عقيم زي ده

أنا بسميه '' الكنبة''

**yoko** · 15-01-2010 08:17 PM

المشاركة الأصلية كتبت بواسطة evo

موضوع رائع

الجولف اكيد تربح المقارنة مع تقديري للبرافو

في حاجة بقى غايظاني من فيات

عمله العربية التحفة دي وفي الاخر تعليق خلفي مش مستقل

المفروض إنها ذات أداء رياضي _نسبيا على الاقل
-0-100 في 8 ثواني دول كتير -

تقوموا تحطو فيها نظام تعليق عقيم زي ده

أنا بسميه '' الكنبة''

دي منظومة يا إيفو تعالا إركب العربيه عندي وجيب ٢٠٠ وكل غرز زي ما إنت عاوز هي عيبها الوحيد إن في المطبات لو أخدها على سرعة عاليه فوق ال٣٠ يعني هتحس بالهبدة وظهرك ممكن يوجعك سنة غير كده مفيش وعمرها ما عومت بسبب حفرة