كانوا بيصلحوا الشارع اللى تحت البيت روحت ركنت اول الشارع فوجئت بسرقة غطاء العربية اعمل اية علشان مايتسرقش طبعا الله هو خير حافظا
والحمد لله انها جاءت فى الغطاء مش فى حاجة تانى
عرض للطباعة
كانوا بيصلحوا الشارع اللى تحت البيت روحت ركنت اول الشارع فوجئت بسرقة غطاء العربية اعمل اية علشان مايتسرقش طبعا الله هو خير حافظا
والحمد لله انها جاءت فى الغطاء مش فى حاجة تانى
تجيب غطا تانى وعلية بوية او اسبراى رش
تكتب عليه رقم العربية وشوية شخابيط
بقعة زيت على الكبوت
ممكن تحشر حته منه فى الباب وفيه ناس كانت بتلف زلطة او خشب فيه وتقفل عليه
ازنق حتة منة في بابين عكس بعض مع وضع زلطه في البابين و ربنا يعوض عليك
افكار ممتازة
انا رأيى انك ماتجبش واحد غالى عشان بيتسرق لكن لو واحد رخيص مستجييييل يبصولو
عادى انا فى العيد الكبير اللى قبل الفات كنت عند والدى فى سموحة بالأسكندريه وغطيت العربيه امام البيت يعنى بشوفها من البلكونه وانت عارف بعد الدبح والأكل يحلى النوم وبعد ما صحيت لم أجد الغطاء تمنيت ان كنت شوفته
يالا الحمد لله وأشتريت واحد تانى ومستنى يتسرق هوه كمان فى العيد القادم
عل فكره العيد اللى فات استنبت الحرامى عشان يسرق الغطا ولكنه يمكن راحت عليه نوووووووووووووووومه
بلاش حكايه الزلطه هات حته قماشه ولكلكها واحشرها في الغطاء واقفل عليها الباب وادعيلي
حلول ممتازة
حتي ده بيتسرق فاضل ايه بس
لا حول ولا قوه الا بالله
حشره ف الابواب والكبوت وبكدا مش ح يتسرق
كنت بشوف واحد جنب بيتنا كان بيغطي العربية و بيلف الغطا بنوع كده من انواع القماش و فيه قفل
انا إتسرق منى كذا غطا و الحمد لله
عشان المنطقة عندنا هادية بالليل
المهم انا توصلت لطريقة بإذن الله تكون فعالة
لو حضرتك بتشترى الغطا الووتر بروف هتلاقى الشنطة بتاعته ليها أيد قماش بس قوية
فك الإيدين دول بالمقص و خيط كل واحدة فى طرف الغطا من ورا و من قدام بخيط يكون قوى و سميك
و غطى العربية و إربط الحبل فى الجنش من الأمام و الخلف كويس و بكده هتصعب المهمة على اللى عايز يخطفه و يجرى
الطريقة دى جابت فايدة معايا فى محاولة سرقة للغطا الأخير لقيت الغطا واقع على الأرض جنب العربية و مربوط فى العربية من ورا و من قدام
هى شغلانة شوية لما تيجى تغطى العربية بس هنعمل إيه ... نتعب شوية و نوفر تمن غطا كل شوية
و الله المستعان
هتعمل زي ما شركة توب كفر ايجيبت بتعمل في اغطية السيارات اللي بتعملها
هتعمل حزام زي أحزمة الشنط كده بعرض الغطاء مرتين
وبعدين هتعمله سوكت بلاستيك زي بتاع الشنطة برضه
وهتخيطه في سقف الغطاء من عند الأبواب الأمامية
ولما هتغطي العربيه هتدخل الطرف ده من الباب اليمين والطرف الثاني من الباب الشمال وتشبكهم في بعض من داخل العربيه وتقفل وخلاص وانسى بقه
ومتنسانيش من الدعاء
متهيألي الزلطه اريح انا عن نفسي باعمل كده
والله الموضوع دا كان تايه عن بالى انا لسه جايب غطى جديد وبغطى العربيه فى اماكن هاديه وفاضيه احتمال فعلا يجى يوم ويعدى حرامى الغطيان ويشيله اما ابقى اتخذ نصايحكم :]
بالنسبه للناس اللى قالت فكرة الحبل وربطه ببعض فدا مش حل طبعا لان باى موس او مقص هيقصه ويشيل الغطا برضه
الفكره الكويسه فعلا انه وضع قطع من القطاء فى الابواب والكبوت
هيمسك الغطا جامد ومستحيل يعرف الحرامى يسرقه سليم ولما يلاقيه هيتقطع يبقى ممنوش فايده انه هيبيعه فهيسيبه مكانه
الحزام ده بيبقى متخيط من داخل الغطاء وليس خارجه
وبيبقى متخيط في السقف فقط مش على الجوانب كمان
ودي صورة
http://img398.imageshack.us/img398/3499/dsc00146bj9.jpg
متابع باهتمام