رنجات الجنوط

**ahmedyehia515** · 15-01-2010 08:31 PM

مساء الخير على أجمد منتدى فى الشبكة كلها،

بكل بساطة انا اشتريت طقم جنوط سبور من ييجى 3 شهور و الراجل و هوه بيركبه كان بيركب حاجة كده زى الرنجات بتاعت الكشافات بس بتكون بلاستيك. صورتها فى الموقع ده
http://www.justforwheels.com/images/how4.jpg

اللى هى بين الكاوتش و الطنبورة و مكتوب عليها Hub centric ring

و الحياة كانت حلوة و الجنوط قدت العربية شكل أحسن، غيرت الكاوتشات بعدها و بعدين من كام يوم كوتش اتخرم و كنت بغيره لقين ان الرينج ده مش موجود، رحت بصيت عليهم واحد واحد،مفيش ولا واحد منهم موجود. دلوقتى انا متأكد انهم وقعوا اثناء ما غيرت الكاوتشات عشان ده المرة الةحيدة اللى الجنوط اتشالت من العربية و التاثير الوحيد انى لما بعدى ال120 بحش برعشة بسيطة فى الدركسيون و الميكانيكى قاللى انو ده بسبب ان الجنوط تقيلة على العفشة.

أنا بصراحة مجبتش السرعة قدى اول ما ركبت الجنوط عشان كانت كل مشاويرى جوه البلد بس دلوقتى بقى فى سفر و بقيت أعدى ال100.

سؤالى بقه ، هل فهلاً عدم وجود الرنجات ده هى اللى بيخلى الدركسيون يرعش على السرعات الكبيرة ؟؟؟؟

**MohamedGafar** · 15-01-2010 10:21 PM

طبعاً. الرينجات بتتخرط عند واحد خراط جنب ناصر يونس بتاع الدوكو اللى فى الحرفيين. ال 4 ب 80 جنيه تقريباً وإنت وشطارتك فى الفصال.

تحياتي.

**homos99** · 15-01-2010 11:37 PM

المشاركة الأصلية كتبت بواسطة ahmedyehia515

مساء الخير على أجمد منتدى فى الشبكة كلها،

بكل بساطة انا اشتريت طقم جنوط سبور من ييجى 3 شهور و الراجل و هوه بيركبه كان بيركب حاجة كده زى الرنجات بتاعت الكشافات بس بتكون بلاستيك. صورتها فى الموقع ده
http://www.justforwheels.com/images/how4.jpg

اللى هى بين الكاوتش و الطنبورة و مكتوب عليها hub centric ring

و الحياة كانت حلوة و الجنوط قدت العربية شكل أحسن، غيرت الكاوتشات بعدها و بعدين من كام يوم كوتش اتخرم و كنت بغيره لقين ان الرينج ده مش موجود، رحت بصيت عليهم واحد واحد،مفيش ولا واحد منهم موجود. دلوقتى انا متأكد انهم وقعوا اثناء ما غيرت الكاوتشات عشان ده المرة الةحيدة اللى الجنوط اتشالت من العربية و التاثير الوحيد انى لما بعدى ال120 بحش برعشة بسيطة فى الدركسيون و الميكانيكى قاللى انو ده بسبب ان الجنوط تقيلة على العفشة.

أنا بصراحة مجبتش السرعة قدى اول ما ركبت الجنوط عشان كانت كل مشاويرى جوه البلد بس دلوقتى بقى فى سفر و بقيت أعدى ال100.

سؤالى بقه ، هل فهلاً عدم وجود الرنجات ده هى اللى بيخلى الدركسيون يرعش على السرعات الكبيرة ؟؟؟؟

معلش اييه الرنجات دى وبتكون فيين ياريت لو فييه صور

**Abdm** · 16-01-2010 12:13 AM

المشاركة الأصلية كتبت بواسطة homos99

معلش اييه الرنجات دى وبتكون فيين ياريت لو فييه صور

حضرتك الرنجات الآستاذ كاتب الموضوع واضع الينك بتاع الصورة فى أول صفحة ومكتوب عليها فى جو الصورة اللى هى بين الكاوتش و الطنبورة و مكتوب عليها Hub centric ring

**dr_ashrof** · 16-01-2010 12:55 AM

بص ياباشا هو اكيد طبعا الحرامي اللي غير الكاوتش قلب الرنجات وطبعا العربية من غير رنجات هتترعش للصبح حتى لو عملتلها اجدع ترصيص فالحل انك هتروح عند اي خراط وتخلي اي حد يفكلك اي عجلة من الاربعة قدامه وهو هياخد المقاسات وهيعملك رنجات معدن مش بلاستيك وهتظبط كل حاجة انشاء الله.
انا كنت عامل ال4 بحوالي 50 جنيه تقريبا.

**ahmedyehia515** · 16-01-2010 08:41 AM

المشاركة الأصلية كتبت بواسطة mohamedgafar

طبعاً. الرينجات بتتخرط عند واحد خراط جنب ناصر يونس بتاع الدوكو اللى فى الحرفيين. ال 4 ب 80 جنيه تقريباً وإنت وشطارتك فى الفصال.

تحياتي.

100000 شكر على الدر بس مفبش حد قريب من مصر الجديدية أو مدينة نصر عشان موضوع الحرفيين ده صعب عليا شوية ؟؟؟؟

**m000dy** · 16-01-2010 10:36 AM

ياوننا مش الرينجات دى ى الطاسات اللى بتبقى بالوان دى وبتشوفها من ورا الجنط
لو هى فالاتنين ب 25 جنيه عند اى حد
ليه الخرط والحوارات

**MohamedGafar** · 16-01-2010 12:07 PM

المشاركة الأصلية كتبت بواسطة m000dy

ياوننا مش الرينجات دى ى الطاسات اللى بتبقى بالوان دى وبتشوفها من ورا الجنط
لو هى فالاتنين ب 25 جنيه عند اى حد
ليه الخرط والحوارات

لأ. دي عبارة عن زي (جوان) بس من البلاستيك أو الألومنيوم عشان تملأ الفراغ اللى بين صرة العجلة والطنبورة.

تحياتي.

**Honda_lover** · 16-01-2010 11:44 PM

المشاركة الأصلية كتبت بواسطة ahmedyehia515

مساء الخير على أجمد منتدى فى الشبكة كلها،

بكل بساطة انا اشتريت طقم جنوط سبور من ييجى 3 شهور و الراجل و هوه بيركبه كان بيركب حاجة كده زى الرنجات بتاعت الكشافات بس بتكون بلاستيك. صورتها فى الموقع ده
http://www.justforwheels.com/images/how4.jpg

اللى هى بين الكاوتش و الطنبورة و مكتوب عليها hub centric ring

و الحياة كانت حلوة و الجنوط قدت العربية شكل أحسن، غيرت الكاوتشات بعدها و بعدين من كام يوم كوتش اتخرم و كنت بغيره لقين ان الرينج ده مش موجود، رحت بصيت عليهم واحد واحد،مفيش ولا واحد منهم موجود. دلوقتى انا متأكد انهم وقعوا اثناء ما غيرت الكاوتشات عشان ده المرة الةحيدة اللى الجنوط اتشالت من العربية و التاثير الوحيد انى لما بعدى ال120 بحش برعشة بسيطة فى الدركسيون و الميكانيكى قاللى انو ده بسبب ان الجنوط تقيلة على العفشة.

أنا بصراحة مجبتش السرعة قدى اول ما ركبت الجنوط عشان كانت كل مشاويرى جوه البلد بس دلوقتى بقى فى سفر و بقيت أعدى ال100.

سؤالى بقه ، هل فهلاً عدم وجود الرنجات ده هى اللى بيخلى الدركسيون يرعش على السرعات الكبيرة ؟؟؟؟

خلي الخراط يعملهملك المونيوم احسن وهتعيش معاك بس لازم تجيب واحدة معاك من العادية اللي هي بلاستيك عشان الخراط يخرطلك عليها