الموضوع: لملاك الصنى..ما مدى راحة الكراسى الأمامية وما أداء الجير الأوتوماتيك؟

جزاك الله خيرا على إهتمامك بالرد وربنا يبعد عنك كل سوء

الكراسى الامامية مريحة جدا
اما الفتيس فالتسارع للعربية اكتر من رائع بس بتحس بالنقلات بتاعتة وبخاصة النقلة الاولى لكن بعد كدة لو انت مش مركز فى الموضوع ده مش حتحس بيها خالص

المشاركة الأصلية كتبت بواسطة alrabeh

أعزائى وإخوانى السلام عليكم ورحمة الله وبركاته
فيه أسئلة هامة بالنسبة لى ومش حأقدر أجاوب عليهم حتى لو جربت وقعدت فى العربية فى أى معرض أو مع أى صديق لأن مدة التجربة بتكون صغيرة جدا والمهم بالطبع الإستخدام اليومى المتكرر هو اللى يخليك تقدر تبنى رأى صحيح.
عاوز أعرف ما مدى راحة الكراسى الأمامية ومقارنتها بالسيارات التى تنتمى الى نفس الفئة (يعنى هل مريحة ترضيك خاصة مع القيادة لفترات طويلة فى شوارعنا المزدحمة أم تجعلك تندم على إختيار الصنى خاصة ان فى الأول والآخر العربية ركوبة) .

السؤال الثانى اللى اشتروا مانيوال هل تمنوا تغيير العربية بأوتوماتيك
ولا اللى معاهم اوتوماتيك مش مبسوطين من أداؤه وتسارعه وعاوزين يرجعوا للمانيوال


هل يوجد أسعار لقطع غيارها برة التوكيل وهل انتشرت زى قطع غيار اللانسر

أنا داخل ان شاء الرحمن على الشراء ورأيكم هام لى جدا
وجزاكم الله خيرا

Sitting in the car is good or lets say is more than good, compared to lancer or Toyota corolla,

but in fact it is not so bad as U may think.

It has some problems concerning small space for the passengers sitting in the back, but it is not so bad

Also, Its fuel consumption is about 220 Km for 20 liters inside city and with A/C on all time and with agressive driving,

ON the high way, its about 285 Km/ 20 liters on an average speed of 120 Km/hr and A/C on all time
el3aks for the speed, ana momken asou2ha manual,

1 then 2 then D with O/D off then after 7ar2, ageed O/D on, wkeda tshaghalha manual ,

kaman elkick down bta3aha 3aneef, lghayet 170 Km/hr byshtaghal
Go On...

Rbna ywafa2ak ISA

كلام محترم وممتاز أقل شئ أقوله لحضراتكم
ياريت لو حد يزود معلوماتنا يتفضل

المشاركة الأصلية كتبت بواسطة ahmadalaaeldin

السلام عليكم
انا هتكلم من تجربتي الشخصية
بالنسبة للكراسي الأمامية فهي تأخد 85% من الراحة يعني انا رحت بيها اسكندرية اكثر من مرة وماحستش بمشاكل منها وانا بقارن 85% مثلا بالنسبة للتويوتا
تعديل وضع الكرسي والظهر والقاعدة الخاصة بالكرسي هيفرقوا جدا في تحيقي راحتك على الكرسي.
الفيتس الأوتوماتيك اكثر من رائع تسارع جيد جدا (علما اني من اول ما سقت من 10 سنين وانا باسوق اوتوماتيك)
النقلات مش ناعمة مثل الفتايس الحديثة واقصد مش ناعمة انك بتحس بالنقلة وده انا شايف انه لا يعيب السيارة ابدا
استجابة للإنطلاق من الثبات ممتازة , تسارع جيد جدا واداء ممتاز على السرعات العالية


عموما انا رأي في الصني انها افضل قيمة سيارة في الفئة ديه في مصر بالنسبة لسعرها
حاجة ثانية سيارة عملية جدا وتوكل محترم جدا
اما عيوبها انها تنتمي لتكنولوجيا 7 سنوات ماضية,ضيق الكنبة الخلفية بالنسبة للركاب طوال القامة,استهلاك البنزين اعلى بسيط من مثيلتها في السيارات الياباني,عزل الصوت بها ينتمي انفس التكنولوجيا الغير حديثة

انا حبيت اقولك عيوبها واعددهالك علما ان من وجهة نظري وإستخدامي انا لا اعاني منها شيئا
والله الموفق ولا تنسى الإستخارة والتوكل على الله

وانا ليس لدي خبرة في موضوع قطع الغيار الخاصة بالسيارة الصني والأخوة في المنتدى يفيجوك بإذن الله

جزانا الله وإياكم

ده هو الكلام المظبوط في الصني من ناحية العيوب والمميزات