الموضوع: هايبر ماركت على طريق اسكندرية الزراعي...اصله ناقص زحمة!!!!!!

المشاركة الأصلية كتبت بواسطة hanyhanyhany

يا جماعة محافظ القليوبية سيادة المستشار عدلي حسين رجل قضاء وقانون وقبل كل ذلك انسان محترم جدا وكل دي اشاعات ضدة هو عمرة ما يمد ايده لمستثمر يعمل له فيلا وكلام من دة هو حول مدينة بنها لمدينة من الطراز الاول واصلح الكثير في المحافظه ككل واهل الحافظة انفسهم يشهدون بهذا وعمل الكثير من الانجازات والمنشات وتنسيق المدن ولا يسعني المجال هنا لذكرها رغم علمي بها ورؤيتها بكامل جمالها ورونقها واللتي لا ينكرها الا جاحد وناقم وفعلا لقد خسرت محافظة المنوفية المحافظة الغير محظوظة هذا الرجل لانه ابى ان يرضخ لترهات من رئيس مجلس الشعب والشورى الاسبق ودعوا الايام تثبت كفاءته و ونشاطه اخلاصه ....

جاحد وناقم مين يا أستاذ هانى؟
إحنا ممكن نقول برضه جاهل وغيرها على اللى مش عارف اللى فى بنها بالذات من فوضى وسوء إدارة
إحنا أهل المحافظة وبنقول لحضرتك مافيش أثر جيد نهائيا للفترة السابقة ومش عارف سبب التمديد ولا شفنا لا إنجازات ولا منشآت ولا تنسيق ولا أى إشاعات من اللى كان أهل المنوفية بيتغنوا بيها ، ولو مافيش فى عاصمة المحافظة هيبقى حال غيرها من المدن والقرى إيه؟

وحضرتك بتقول لا داعى لذكرها رغم علمى بها ... ياريت تنورنا باللى تعرفه ومانعرفوش بجد

المشاركة الأصلية كتبت بواسطة hanyhanyhany

مش من بنها بس بعدي عليها يمكن اسبوعيا ورأيي انها ازرهرت وصارت منسقه وكثيرة المباني الخدميه و اجمل مما كانت عليه قبل هذا الرجل

تقصد مكتبة سوزان مبارك وللا إيه؟
المبانى الخدمية هى هى
السجل المدنى بترابه
الشهر العقارى شقة
الضرايب نفس المكان
المديريات هى هى
المستشفيات هى هى بالعكس قضى على مستشفى "أول مايو" الشهيرة ومانع حلها وسايبها مقفولة من أكتر من سنة لحد ما اتهلبت تماما
وإشارة مرور بنها الرئيسية اللى جمب بيته منتهى منتهى منتهى الفوضى وبدون إى إشارات ولا حتى ام 3 تعريفة
ومشاكل عربيات السوزوكى عالجها بزيادة المصاريف اللازمة للترخيص علشان يدخل فلوس أكتر مش بمنعها ، بنها فيها جيوش نمل سوزوكى فان مبهدلة كل الناس
اللى زاد فى بنها مبانى للمحاكم بعيد عن بعضها ومساحة شاسعة كانت تصلح لأغراض رهيبة تم تخصيصها لمزيد من المحاكم!!!!!!!!
وموقف جديد يئن الناس منه فلا هو قضى على المواقف داخل المدينة ولا هو قدم خدمة جيدة بل أضاف معاناة للناس لمجرد الوصول للموقف
وشكرا

حسبي الله ونعم الوكيل في القرارات غير المدروسة

ومن ضمن إنجازات سيادته برضه إنه بقاله 10 سنين "يعني من بعد ما مسك المحافظة بسنتين تقريباً" بيقول هانعمل نفق للطريق الزراعي يعدي ميدان المؤسسة عشان يحل الأزمة في المنطقة دي ولغاية دلوقتي مافيش أي حاجة، كل سنة يقول لك الدراسات خلصت والسنة دي هانشتغل فيه!!