مشكلة ب بلوف اللانوس + الدينامو
السلام عليكم ورحمة الله وبركاته
قررت انى أفوق العربية شوية و\أعمل كذا حاجة من ضمنها انى اظبط الموتور وده اللى عملته
أولا روحت لبنزينة شل اللى فى الهرم وعملت كشف على الموتور (50 جنية) وقست الكبس والحمد لله طلع كبس الموتور كويس والغريبة انهم قالوا لى تقريبا العربية عاملة كام كيلو متر - المهم المشاكل اللى فى الموتور كالتالى وده من الكشف - صوت بالبلوف - صوت بالدينامو
بصراحة انا كنت عارف موضوع صوت الدينامو لكن البلوف ديه جديده شوية !!!!!
المهم وانا بغير الزيت استخدمت oil flash وبرضو صوت الموتور عالى
وانا فى البنزينة المهندس هناك قال لى التالى
الموتور عندك صوته عالى (وديه حقيقه) بسبب البلوف وديه مشكلة متداوله وعادية فى اللانوس وديه هاتسبب لك برجلة شوية فى موتور العربية وهاتخلى العربية تعلى وتوطى منك اوقات بالاضافة انها هاتاكل معاك بنزين (وده بالظبط اللى حاصل معايه)
بعد الرغى ده كله برجاء توضيح ايه هيه البلوف - وبتعمل ايه - هل ده جزء بيتصلح ولا بيتنظف ولا ايه بالظبط - هل البلوف ديه بتستبدل - برجاء التوضيح مع الاسعار
نيجى للمشكلة التانية الخاصة بالصوت برضو - صوت بلية الدينامو
الدينامو عندى عامل صوت - روحت لكذا واحد كهربائى علشان يغير البلى بتاعه لكن كلهم قالوا انه هايبوظ منهم - المهم روحت لواحد بتاع قطع غيار مستعمله عن طريق زميلنا واخويا الاستاذ اكرم اللى فعلا انا عامل له صداع مفزع - واللى بالمناسبة اكتشفت انى بتعامل معاه من زمان - وجربنا 3 دينامو من اللى عنده وطلعوا كلهم بايظين - 4 ساعات ضاعت هدر وفى الاخر ركبنا القديم تانى واللى زود الطين بله ان الصوت زاد اكتر - ده غير المصناعية
السؤال حد يعرف كهربائى يعرف يغير بلى الدينامو من غير ما يبوظه ولا يبوظ الشحن بتاعه
دينامو لانوس جديد يعمل كاااااااااااااااااااااااا ااااام وهل فيه جديد اصلا
صيانة عادية يمكن تفيد اى حد
سير دينامو 30 جنية
فلتر هواء 30 جنية
فلتر بنزين 20 جنية
تيل فرامل 40 جنية
فلتر زيت 15 جنية
تغيير زيت فيسكو 120 جنية بالاكرامية
اعتذر على الاطاله