ميتسوبيشى لانسر2007 -1300cc

ارجو افادتى انا من عشاق السيارات الانسر و قد اشتريت سيارتى فى فبراير 2007 و لكن تعرضت لحادثتين و صدقونى لم اكن انا المخطىء مرة من الخلف من سيارة نصف نقل فاضررت لتغيير الاكصدام الخلفى ومرة اخرى من اسبوعين ازت بوسة من اتوبيس ميكروباص نقل عام من الجهى اليمنى فانكسرت المراة من القاعدة و بعض التطبيق فى الباب الايمن .
فانصحونى .هل ابيع السيارة و اجيب جاجة تانية صاجها اقوى بعض الشىء وتكون فى حدود 85000جم .
وايضا لااحبذ السيارات الكورى او الصينى او الماليزى بأنواعها . ام اظل كما انا على اساس انها سيارة يابانى و عائلية .
بعض الزملاء نصحوا بالسيارة بيجو بارس 405 الجديدة على ان البيجو صاجة قوى و 1600cc-
وهيكون موتور بيجو 307 ا
ارجو افادتى من الاخر لانى محتار:rolleyes:

أكيد الانسر أفضل من البيجو الأيرانى بكتير

اشكرك جدا على رايك . لانى كنت مذبذب فى رأئى

انا عارف ومجرب شعور ان عربيتك تتخبط وهيا جديدة
تحس انك مخنوق من العربية وعاوز تخلص منها وتشترى عربية جديدة حتى لو كانت نفس الموديل
بس نصيحة بلاش لانك مش ضامن ان العربية الجديدة ميحصلش فيها نفس اللى حاصل عندك دلوقتى
انا معك ان البيجو فعلا صاجه اقوى
بس لو اتعرض لنفس الخبطة بتاعة الاوتوبيس كان حيحصل فيه نفس اللى حصل معاك دلوقتى
استعيذ بالله من الشيطان الرجيم و احمد ربنا انها جات على اد كدا

الحمدللة و الشكر للة على كل شىء
اشكرك جدا جدا ياابوحميد باشا و الحمد للة انها جت على اد كدة

علشان لما تخبط في اتوبيس وما يعلمش علي السيارة ....يبقي لازم تكون مصفحة مش صاجها جامد...
والعربية الوحيدة ايلي سواقين المكروباص....والنص نقل بيعملولها حساب...(وعن تجربة) هي العربية اللادااا....
بس طبعا زي مانت وكل الناس عارفة ان اللادا ركوبتها مش زي اللانسر ولا حتي اي شيء من الجديد....

توكل علي الله....واستعيذ بالله ...من السواقين ....وابقي اكثر من الصدقات ...وفي ناس كتير اكدت علي ان الانسان لما ربنا ينعم علية بشيء من نعيم الدنيا ....مال او ذرية او سعه في الدار او سعه في الرزق...انة يذبح (مثل الاضحية) ابتغاء مرضاة الله....لادخال السرور علي من حولة من الفقراء....وايضا لكف الاذي....
"الصدقة تكف الاذي .....وتطفيء غضب الرب"...

وربنا يكفيك شر الطريق...

ولا تبيع ولا حاجة كلنا فى الاول كده انا جبت صنى زيرو 2007 وواحد خبطلى الاكصدام وزعلت شوية وخلاص اتعودت على كده طلع حاجة لله وصدقنى ده عادى جدا مش انت بس كلنا كده قول الحمد لله وحاول تستنى شوية على العربية وهيه كده وبعدين صلحها

يا عم ولا تبيع و لا حاجة خالص خليك فى اللانسر

مش معنى عربية حضرتك خبطت تقوم تبعها وخليك مع الانسر ونصيحة بجد اخوية متبعهاش دى عربية العمر الطويل ان شاء الله وكمان لو كل واحد عربيتة اتخبطت وحب يبعها زى حضرتك يبقى بجد هتصحى الصبح هتلاقى عربيات مصر كلها اتباعت

نادر باشا انا من رأى الاخوه الافاضل خليك فى الانسر و ربنا يباركلك فيها و يحفظهالك وانا حصلى زى اللى حصلك بالضبط و دخل فيها واحد متخلف من الجنب الشمال و بوظلى الرفرف و اضطريت اعمله على البارد بس باين و الحمدلله على كل حال (احنا فى مصر والعربيه معرضه لاى حاجه حتى لو كانت واقفه فى امانه الله تحت العماره او فى جراج او حتى فوق الرصيف )
انتا ماشوفتش الفيديو بتاع العربيه الانوس اللى كانت راكنه قدام جامعه عين شمس و كانوا البهوات بتوع الحى بيشيلوا ونش بتاع الاسفلت ووقع على العربيه و بهدلها وهيا واقفه والله صاحب العربيه الله يكون فى عونه لو حلف ميت يمين ان العربيه ماعملتش حادثه و انه مش الغلطان و انها اتدمرت وهيا واقفه محدش كان هيصدقه

ربنا يسترها معانا كلنا و يكفينا شر الطريق

أنا من رأى الأخوة وخليك فى اللانسر