-
مطلوب تسعير لانوس 2007
السلام عليكم . انا قدامى عربيه لانوس 2007 هاف اوبشن(الفاضيه) عامله 75000 الف كم و السبب فى عدد ال كم الكتير ان صاحبها كان بيسافر بيها دائما علشان شغله , فابريقه بالخارج و الداخل الحاله العامه ممتازه و صاحبها دام الاهتمام بها و الصيانه دائما قبل ميعادها بس خارج التوكيل , انا اعرف العربيه جيدا لانها بتاعه جارى فارجوا النصيحه و هل عدد ال كم الكتير مشكله ??? و ايه الطريقه المثلى فى الكشف على العربيه لان فى ناس قالو اكشف عليها فى التوكيل ( اللى فى شارع التحرير) او ارفعها فى بنزينه شل اللى جنب الخزان فى الهرم و هل ده يغنى عن انى اخذها التوكيل , منتظر راى خبراء المنتدى
-
بيتهيالى من 51 الى 53 الف لانها فعلا ماشيه كتيييييييير اوى وهاف اوبشن.بالنسبه لموضوع الكشف عليها فكل اللى حضرتك ذكرته عن اماكن الكشف مظبوطه.واحسن حاجه فى الموضوع انك عارف العربيه كويس .وده لوحده يعتبر نص الكشف
-
تقريبا 49\50 الف لو نفس الموصفات دي
-
لو ال75 على طرق سفر يبقى متخافش منها
MMamdouh
-
أدام خط سيرها معروف اشتريها حتي لوغالية وفي اعتقادي انها تعمل من52
-53ألف جم
-
الف شكر لكل الاعضاء المحترمين اللى افادونى بالرد و ياريت بس اعرف صيانه ال 80 الف بتكون عباره عن ايه و الاسعار فى التوكيل ان امكن لان ان شاء الله لو حصل نصيب و اشتريتها هاعمل صيانتها فى التوكيل
-
اولا الراجل دخل معاك بصدق كان ممكن يقلل من العداد بس هو سفر يعنى رايح يخلص شغل وراجل وده اكيد العفشه تمااام والعربيه من تحت ان شاء الله هتكون تمام حاول تتكلم معاه فى 50 الى 52 بس عشان توصل لكدا ابدا ب 49 وربنا يوفقك
Content Relevant URLs by
vBSEO 3.6.0 PL2