بص هو الاسهل بالنسبه ليك هو لحام الخوابير :E_braces[1]:
على فكره لسه عارف معلومه امبارح طازه من واحد بتاع كاوتش الخابور الواحد بيعمل منه اربع خوابير بيقطعه بالطول وبالعرض ياعنى الخابور اللى بيركب بيكون ربع خابور :I_angr1[1]:
عرض للطباعة
ياباشاا ولا هقدر اعمله حاجه واي حد هيجي يتكلم هيوقلي ايه اثباتك ع كدة والفردة بتعتك فيها 10 خوابير
مش هتعرف تاخد حق ولا باطل معه للاسف؟
حسيبي الله ونعما الوكيل فيها ومش مسامحه فيهم بجد ويدخلو عليه بالخراب والمرض؟
بخصوص حضرتك ممكن تجيب فردة استعامل نضيفه وتركبهااا
الراجل ده مبتعلمش ده لسه معلمين عليه علقة موت
والشرطةعاملت فيلم وضحايا من الطرفين
ووقف شارع السودان لتعدد الهجمات على المحل
وقالك جزائريين هما اللى اقتحموا المحل
اول مرة لا الكهرباء ولا الماس الكهربائى يُتهم
وعظيمة يا مصر يا ارض اللواء ولا الحوجة للشرتة
انا بعد ما اتلسعت مرتين كده اتعلمت ... اخر مره كنت واقف فى العباسية بازود هوا .. الصنايعى قاللى الفردة نايمة... قلتله ايوة مريحة شوية عندها مشوار بعد الظهر ... وسبتة ومشيت:khd:.
99,9 من بتوع الكاوتش بيعملوا كدا ام عن طريق لبس الدبل الملحوم فيها ابرة او عن طريق بلف تيوبلس و الى هوا بيستخدموا فى فك و ربط الابر و بيركب فى نهايتة ابر رفيعة جدا و هوا بيطبطب على العجلة يروح مدخل الابر دة
ياما الواحد اضحك عليه في الموضوع دة
ودلوقتي لما بزود هواء بقف على ايده عجله عجله ، وفيه كام واحد بتعامل معاهم موثوق فيهم
طب ايه رايكم كل واحد يكتب عنوان واسم محل الكاوتش اللي بعمل طريقه النصب دي واهي برضه اكيد هتساعد
صنايعية أغبيا لا ينظرون إلا تحت رجليهم
حضرتك حرام يخرم الكاوتش ويبوزه وكمان ياخد فلوس على كده
انت لازم تحاول تاخد فلوسك دى تعتبر سرقة ونصب وبعدين حاول وصمم ان هو اللى خرمها وهو هيخاف تعمله شوشرة قدام الناس اللى واقفة ولو معرفتش تاخد الفلوس قول له ان انت هتعرف تاخد حقق وهو هيخاف منك
انا مش قادر انسى الموضوع ولازم اخد حقى منه انا اخدت الفلوس بس لازم اخد فردة كاوتش جديدة بدل اللى بوزها
اية ياعم الحج هو انت قطاع ارزاق ولا اية
اليكم مفأجاة العيار الثقيل
زجاج السيارات لا يخرم الاطار ولكن يسبب قطع فى المداس فقط ومش هيعمل تسريب هوا
الكلام ده من بتاع الكاوتش بتاعى
حد عنده تاكيد او نفى
انه أكل السحت يا سادة............
نار في بطون أكليه دنيا و أخرة.........
اللهم أغننا بحلالك عن حرامك........و أهدي كل لص نصاب معوم الضمير.....
لا حول ولا قوه إلا بالله
انا حصل معى نفس الموقف دا بس كانو 5 خوابير بس كنت فى المعمورة فى اسكندرية كنت نازل مصر بعد اسبوع مصيف وزى اى حد قبل ما يسافر يمون ويزود هواء
المهم عديت على البنزينه اللى ادام باب المعمورة الرئيسى اللى ادام سكة القطار
المهم صباح الخير صباح النور توصل بالسلامه ياباشا زود التلات عجلات عادى وجيه عند الرابعه قالى ياباشا انت مسافر صح قولتله ايون قالى لا الفردة دى مش هتكمل معك سالته عن جهل منى ليه خير قالى تعالى شوف بنفسك وكان معه زجاجات الصبون عشان الهواء يعمل رغوة المهم شفت الهو اللى طالع بس استغربت قولت انا راكن امبارح ومزود وكانت 100 فل و10 المهم قالى 5*7=35 وكل سنه وانت طيب وتوصل مصر بالسلامة
وانا بحسن نية اديته اللى طالبه بس طول الطريق عمال اسال نفسى 5اخرام مرة واحده من غير مقدمة او اى حاجة استعوضت ربنا فى الفلوس وقولت لو هو اللى عمل كدة مش مسمحوه فى الفلوس وحسبى الله ونعم الوكيل فيه
انا بفكر افتح محل كوتش دة مكسبة كتيييييييييييير اوى والشعب بتعنا طيب اووووووووووووووى وهعمل الخبور 2 جنية فى عشرة 20 جنية للعربية كدة كويس ولا نقلل
كويس اهو برضة الواحد لما يروحلة يتنصب علية بمذاجة بدل ما حد غريب ينصب علينا يعنى نكون زباينوة و نقولة انصب علينا براحة لو سمحت مشيهم 32 خابور بدل 35 بعد اذنك !!!!!!!!!!:ma(30):
المال الحرام مبينفعش
قل حسبنا الله ونعم الوكيل
جزاك الله خيرا أنا ساكن قريب من شارع السودان وعرفته ومش هتعامل معاه
وكويس إنك رجعت وخد فلوسك منه
ههههههههههههههههههههههههه عالم مبرشمه مش لاقي حاجه يعملها يشتغل بتاع كاوتش يخرم العربيات ويلحم تاني
والموضوع بدا في الانتشار بشكل رهيب انا بزود في اون ذا ران او امارات مصر وعندي بتاع الكاوتش بتاعي غير كده شكرا
وياما حصل معايا ومع اصدقائي المواضيع دي بس الواحد بيتعلم دلوقتي لو شفت كاوتش نايم بدون تفاهم فك يا استاذ وركب الاستبن واخده واروح للراجل بتاعي فعلا امين جدا
وبيشتغل ب ميه بس مش ميا وصابون وخوابير او لحام كله ب 5 جنيه
مره نزلت من البيت لقيت فرده نايمه على الاخر عندي بتاع كاوتش على ناصيه شارعي روحتله طلعلي مسمار من العجله وبعد المسمار اخرام كتير اوي لالا ياباشا دي يا هتاخد خوابير كتير يا اما تركب داخلي قولتله شكرا انا عايزك تركب الاستبن ياباشا مش هينفع لا ركب الاستبن جه يركب الاستبن استعبط قالي مش راكب على السره قولتله شيل الرنج بتاع الجنط الاسبور والاستبن هيركب وكان بيبصلي بصات الي هو انت ازاي تفلت من ايدي
المفاجاه الكبري روحت لبتاع الكاوتش بتاعي لقيت الفرده سليمه ميا ميا
حصلت معايا مرتين وكل مرة يقولي انتا مشيت علي ازاز ويطلعلي 7 خروم الله يهديهم ويبطلو نصب
النهارده و أنا واقف على ناصية شارع سوريا شوفت الفيلم ده كله لايف...:U_thin1[1]:
واحد واقف قبل المحل لابس عباية بنى و رايح جاى يوقف العربيات يقولهم العجلة نايمة...:rfds:
ويشاورهم على بتاع الكوتش علشان يروحوا يزودوا العجلة...فى ناس نفضت و فى واحد راكب تويوتا كورولا
وقع و راح...خرج أتنين من المحل كل واحد فى ناحية بيبصوا على العجل....
و بعد فترة لاقيتهم نازلين خوابير فى العجلة الشمال قدام و اليمين ورا...للأسف معرفتش أعمل إيه......:U_thin1[1]:
المهم يا جماعة لازم نعمل حاجة بالإضافة لتحذير الناس ممكن الواحد يعمل محضر مثلاً أو فى مكان لشكاوى النصب....مش عارف...:_Alshmokh08[1]:
احنا نلم الرجاله بقا وبالشوم ونغدغ المحل هههههههههههههههههه
بس نسيب واحد منهم عايش علشان يحذر باقى النصابين وبكده نقضى على الظاهره دى
كنت أطلب له النجدة
فى موضوع الكاوتش لازم تتعامل مع حد معرفه وثقه , وده اسمه تفتيح شغل بلغة بتوع الكاوتش ومنتشر بشدة وعلى أعلى المستويات
حصل معايا الموضوع دة بس علي اسوأ ودفعت 250 وكان في بنزينه وكنت لسه جايب الكاوتش مبقلهوش 3 ايام وكان نوعه بيرل 6000 وداخل ازود هوا الواد قلي اباشا العجله دية لازم ينكشف عليها علشان الهوا 15 قلتله اكشف وفك العجله ونفخها علي الآخر وجاب قزازه فيها ميه وصابون وقعد يعدلي الأخرام اللي في الفرده حوالي 7 اخرام وهات ياخوابير بس المرة دية اختلف نوع الخابور ياباني ب12 جنيه وده كانت اول فرده وانا مش واخد بالي كان في صبي صغير كان بيشوفلي بقيه الهوا علي باقي العجلات واتاريه بيخرم بأبره وقالي العجل كله ناقص قوي ماعدا العجله اللي انا واقف ناحيتها وطبعا فكهم وهات ياخوابير وبعد عملية الخوبره حسابي طلع 250 بالمصنعيه والشاي بتاعهم اللي يطفحوة سم ينزل يقطع مصرينهم ان شاء الله وطبعا في كل فردة من التلاتة اتحط 7 او 8 خوابير في كل فردة خلصت مشواري اللي مقعدش ساعة وانا راجع لقيت واحد بيشاورلي في عربية جنب مني وبيقولي الفردة اللي ورا نايمه فركنت من حظي الحلو قدام واحد بتاع كاوتش غلبان وعارف ربنا فك الفردة وبص وقالي ايه دة يابيه العجله مش نافعه الخوابير معظمها جنب بعضيها وكسرت السلوك اللي جوة قلت يانهار اسود دة عملي ال3 فرد كده قالي انا هاعملك دية استبن وهابصلك علي ال2 الباقين لقاهم زيها قلتله ركبلي الأستبن بس وسيب الفرد دية زي ماهي بصراحة كنت خايف ليكون بيشتغلني فاتصلت بواحد صاحبي ظابط في جهاز امني حساس وقلتله علي اللي حصل قلي طب عدي عليه ان رايح الشغل دلوقتي عديت عليه خدته ورحنا لولاد 0000 قلتله الواد ده اللي عمل معايه النصبه فراح ندهله واول ماجه قله فك الفردتين دول قله خير هو فيهم حاجه قاله قالوا فكهم بس وانا هاقولك هب راحوا جايبين رفعتين وفكين الفرد وطلعتلهم الفرده اللي باظت قاله عندك كاوتش جديد 14 بريدجستون انا فهمت علي طول صاحبي في دماغه ايه المهم قالة مجود ياباشا بس غالي قاله مش مشكله عامل كام قاله 550 للفردة البنزينه دية في الدقي قدام الشيراتون اكيد عرفتوها بعدين صاحبي قاله ولا اقلك غيرلي ال4 فرد كدة يبقي حسابنا 2300 بالمصنعيه صح الواد فرح قال صح ياباشا المهم مكنش عندهم غير اتنين فقالي استريحوا يابشوات عقبال مانجيب الفردتين التانين من محل قريب منا راح قله أطلبنا شاي من الكوفي شوب بتاعكم والمشاريب عليكم ولاانتم بخله راح جري علشان يجيب الشاي قله ده انتم هاتشيلوا مشرييب قعدت اضحك طبعا اكيد انتم عرفتوا هوه في دماغه ايه المهم مفيش ربع ساعه وجابوا الفردتيين التانيين وهما بيركبوها عمل تليفون حوالي 15 ثانيه مدة المكالمه المهم راحوا مليين الكاوتش نتروجين وميه ميه راح قاله خد الكاوتش القديم ليك مش عايزينه الواد قعد يشكره وكان ناقص انه ينحني ليه نيجي لآحلي حته انا كنت مستنيها قاله حسابك كام فرد الصنايعي وقاله زي ماانت قلت الأول ولا انت بخيل وبترجع في كلامك قاله لأ انا مبرجعش في كلامي وهاتخده بزياده وحط صحبي ايده في جيب الجاكت والتاني فرحان ومستني الفلوس راح مطلع ايدة( وبصراحه هيه مش ايد زي ايد البشر)وراح طاخ بعزم مافيه بالقلم علي خلقته انا اتهيألي ساعتها ان في كاوتش فرقع الواد وقع علي جنبة من القلم الأول وهب اداله التاني الواد اغمي عليه فعلا وجم عمال البنزينه وهب جت عربية نجدة اللي كان طالبها ونزلوا وفضوا الأشتباك اللي كان هايروح فيه بقية العمال بتوع الكاوتش راح طبعا معرف ظابط النجده شخصيتة وعلي اللي عملوه في العربيه بعد ماالواد فوئوه وعرفوه غلطته واتاري كان معمول فيه محضر بسبب نفس الموضوع وصاحبي مصمم وفي دماغه الف فردة كاوتش انه لازم يخده معاة وبعد توسلات الصنايعه اللي معاه ليه سابه وكفايه عليه انه هايتحمل تمن الفرد الجديده واخدنا 250 اللي دفعتهم وسابنلهم ال3 فرد اللي بوظهم واخدنا ال2 السلام اديته واحدة لعربيته وانا اخدت واحده للأستبن بس واحنا ماشيين كنت هموت علي نفسي من الضحك قالي دول صنف مايجيش الا بالطرقعه لاحول ولاقوة الا بالله هو الواحد لازم يكون له ظهر علشان محدش يشتغله
نصيحه اخويه لوجه الله تعالي اوعوا تعملوا خوابير في الكاوتش بتاعكم لأنه هايبوظ الكاوتش في اسرع وقت واوعوا تعملوا الكاوتش في بنزينه واللي يقولك اكشفلك علي العجل قوله معلش انا مستعجل زوده وهبقي اعدي عليك وانا راجع تعمله وطنشه وروح اعمله عند واحد بتاع كاوتش عادي وخليك واقف علي ايده احسن احنا خلاص بقينا في زمن قلة الضمير بقة السمه المنتشره فيه حسبي الله ونعم الوكيل
برضة فى بنزينة اللى فى بعد موقف العاشر اللى بعد نزلة الدائرى على طول وانت رايح العبور او الشروق بنزينة شل اول مرة دخلت امون وكان فى واحد واقف قالى ياباشا عندانا عرض على المنديل قولتلة شكرا قلى طب فى عرض على الملمع قولتلة شكرا قلى طب فى عرض على الصبون قولتلة شكرا قلى طب العجلة اللى على اليمين قدام مريحة ادخل اكشف عليها جوة ودة كان اول يوم مغير فى الفردتين اللى قدام سيبتة و مشيت وكل ما ادخل مع اخويا او ابويا لازم واحد يقول الكلمتين دول عالم حرمية
ومرة العربية بتاعت والدى كانت العجلة مريحة فاولدى قال لاخويا روح شوف فيها اية راح عمالها ورجع قال لابويا الراجل خد 50 جنية منهم لله