الموضوع: محتاج اعرف تاثير بنزين 80 على سيارة نيو اكسنت 2010

المشاركة الأصلية كتبت بواسطة ahmedadel88

واكون جايب سرعة الفتيس على كام

أكيد الخامس !! عالفكرة 11 لتر عمله معايا بظبط 130 كيلو أنا حسبتها بال التريب كمبيوتر اللي في ال عربية

المشاركة الأصلية كتبت بواسطة ahmedadel88

ممكن ايميل حضرتك علشان استعلم منك على حاجات خاصة بالعربية

أنا بعته ل حضرتك في رسالة خاصة

بجد السرعه لما تثبتها على 90 فى طريق سقر او مساقه كبيره والله الاستهلاك هيتغير 360 درجه هتلاقى العربيه بتعمل معاك الضعف فى الصفحيه بدون مبالغه وربنا يعينك

وبالنسبه لموضوع 80 ده بلاش منه خالص وراى لو قفلت معاك خالص خليها غاز احسن

المشاركة الأصلية كتبت بواسطة mahamedaraby

بجد السرعه لما تثبتها على 90 فى طريق سقر او مساقه كبيره والله الاستهلاك هيتغير 360 درجه هتلاقى العربيه بتعمل معاك الضعف فى الصفحيه بدون مبالغه وربنا يعينك

وبالنسبه لموضوع 80 ده بلاش منه خالص وراى لو قفلت معاك خالص خليها غاز احسن

أتفق مع الاستاذ محمد كليا
وربنا يعين حضرتك
ولو أتزنقت فعلا حولها غاز أفضل من بنزين 80
مع الوضع فى الاعتبار ان الغاز تركيب ب 5000 تقريبا
مش فاكر
يعنى بردو فلوس كتيره و لحظيه

بص يا باشا البنزين ال 80 دة هيبوظلك العربية و هتلاقي العربية استهلاكها الضعف يعني كأنك ما عملتش حاجة غير انك بوظت العربية بس

انت تمون 92 مش 90 عشان ال 92 هيتحرق اقل منم 90 و دة عن تجربة لان كل ما الاوكتان بيهعلى العربية بتبقى مستريحة و اقل دوسة بنزين تحركها كويسلكن ال 90 هيخليها تبقى تقيلة شوية و فيها سنة كركرة دة بتعمل هدر في البنزين
انا مجرب الموضوع عندي في الالنترا و حرمت احط 90 دة تاني و كانت التفويلة بفضل 600 كيلو ال 90 عمل معايا 450 تخيل

تاني حاجة خلى ضغط الاطارات مثلا على30 او 32 على حسب ما هو مكتوب عند باب السواق

تالت حاجة هنمسي دايما على الخامس و مش هنجري بالعربية كتير يعني مثلا تثبت رجلك على 90
او في منزل او منحدر تمور العربية و تسيبها تمشي لوحدها
يعني من الاخر حاول تقلل من دوسك على البنزين و اعمل حسابك ان كل دوسة بفلوس

و لو انت واقف في الزحمة و شايف انك هتقف اكثر من 7 ثواني تبطل العربية لان البنزين المستهلك من دوارة العربية =وقوف 7 ثواني

و لما الاشارة تفتح دوس بالراحة على البنزين ما تنطلقش مرة واحدة

امشي دايما ورا التريلات عشان دة بيقلل مقاومة الهوا بس دة لو قلبك جامد

و اخر حاجة طبعا تمون من بنزينة نضيفة عشان البنزين المغشوش كتير

مع تحياتي

د/عبدالرحمن محمد

بص يا باشا انا روحت المنصورة من كام يوم وركبت مع سائق تاكسي راكب نيو اكسنت فسألتة علي اداء العربية علي اساس انة اكتر واحد بيمشي بيها قالي العربية موديل 2008 والله اكبر عاملة 175 الف كيلو ومشيها ببنزين 80 هو كان بيحط 92 في الاول وبعدين قلب 80 وقالي السحب معاة كويس والعربية زي الفل بس هو تقريبا لما يمشي جوة البلد بيحط 80 ولما يطلع علي الطريق بيحط 92 بس دة طبعا اختراع وانا منصحكش بية لان التاكسي كدة كدة بخلص علي العربية في 3 او 4 سنين يعني العربية عاملة معها 175 الف في سنتين يبقي فاضل اية