عملت صيانة 1000 وفى أسوأ مكان محمد زكى القطاميه
انا الحمد لله عملت صيانه 1000 واتصلت احجز فى ابو رواش قالولى مفيش مكان وانا طبعا كنت عايز السبت بس مكنش هينفع يوم تانى فالبنت قالتلى روح محمد زكى القطاميه ومن غير حجز هناك تدخل قولت مش مشكله المهم اهو يوم اجازتى
روحت ولقيت اولا وانا داخل تحس عصابه وشويه ناس شكلهم مش ادمى بالمره
دخلت للمكتب بتاع الصيانه وقولتلهم صياه الالف وقالولى وكيل ولا خليجى قولتلهم خليجى كانى شتمتهم ط ل سمحت رخصه العربيه قولتلها اتفضلى
قالتلى تكلفه الصيانه حوالى 350 جنيه وغسيل الفوم للموتور 30 جنيه قولت ياعم مش مشكله
لقيت واحد كان داخل معايا نفس القصه بالزبط وصيانه الالف وكل حاجه ولقيته دافع 489 جنيه بيقولى ايه ده ازاى قولتله هى مش قايلالك 350 وغسيل موتور 30 قالى اه ولقيت الفاتوره طالعه بالمبلغ ده فطبعا الزبون اتلسع 489 وكمان مش عاجبهم يقولو انا اصلا مبندخلش خليجى
طبعا قمه قله الادب
المهم انا دخلت لقيت نفس القصه اتارى الفرق ده كله مصنعيه قولتلها انا مبدفعش مصنعيه حد واللى عايزه تعمليه اعمليه علشان لما تقولو كلمه تبقو ادها وتحترمو الناس كويس وتقولى السعر بالزط
واحد قالى عايز تدفع كام قولتلها اللى احنا اتفقنا عليه من بدايه الكلام 380 ودفعتهم وطبعا الهانم مش عاجبها وقالبه وشها طبعا تولع متهمنيش
بس حبيت اقولكم صباح النصب العلنى وفاتورتى طالعه ب 489 ودافع 380 وواحد هناك قالها انا زميلى جه هنا من كام يوم وكان خليجى برضه ودفع 280 اتفضلو الى بيحصل فينا
انا حبيت بس احكى تجربه حصلت ليا النهارده علشان اى واحد يتجنب شغل النصب والافلام بتاعتهم ديه