سبحان الله مع اني معرفش ان الموضوع ده معمول في عربيات لعبه
بس لو بصيت على ردي في الموضوع هتلاقيني قلت الفكره دي وكنت مطبقها في مركب
بس الفكره دي مش في كل العربيات لاني امتلكت منها كتير وكلهم كان التوجيه بالعجل الامامي :b4_048:
عاجل جدااا جدااا :جائنا البيان التالى
احم احم احم بما انى كنت فى صراع ضخم مع الفضول والفضول كسب وقالى اتصل وشوف الاسعار قلت ماشى
فجبت الرقم من الموقع وياريتنى ما جبتة
اتصلت عليهم
انا :الووو
هو: ايوة يا فندم
انا :محل هوبى ...
هو : تمام يا فندم
انا : عندى فكرة عن تصميم عربية بريموت كنترول وموتورها بنزين ف ممكن اعرف عنوان المحل علشان عاوز شوية حاجات
هو : ادانى العنوان بس ماكتبتهوش
انا : طيب ممكن اخد لمحة عن تكوين العربيات دى واية الى هاحتاجة ومتوسط اسعارة قبل ما اجى
هوة : تحب تعرف اية ؟
انا : نبداء بالريموت كنترول
هو: عندى الريموت من شركة cctech (تقريبا ) الموجود حاليا فى السوق الريموت الديجيتال اما الانالوج دة اتشال من فترة
واسعارة بتبتدى من 2400 : 4550 للديجيتال
انا : (قلت فى بالى اكيد لو قلتلهم على الاسعار دى فى المنتدى هايموتونى) حبيت اعمل فيها عمو الناصح وقلتلة طيب 2400 دة ويكون جاهز للتركيب
هو : اة بس لازم يكون عندك جهاز ريسيفر فى العربية علشان يستقبل الاشارت ...
انا : اة ما انا عندى الريسيفر دة (بس الى عندى بتاع تلفزيون وبيستقبل قناة روتانا سينما ههههههههه) قلتلة طيب لو حبيت اجدد الريسيفر اسعارة كام دلوقتى ؟؟ (الراجل كان حاسس ان الى بيكلمة واحد من سوق الخضار )
قالى : على حسب الموديل بتاع الريموت وترددة والاسعار عموما تبتدى من 800 ج : 2000 على حسب العمليات الى بيعملها
قلتلة : كويس اوى طيب والمواتير النيترو؟
قالى : الموجود حاليا 22 سى سى و 28 سى سى ودة ب 700 ودة ب 1200
تحب تستفسر عن حاجة تانى؟؟ (وكان بايت على صوتة احساس الغدر والخيانة وانة كان عاوز يقفل فى وشى الاول ههههههههه)
انا لا شكرااااا طيب حضرتكوا فاتحيين النهاردة لحد الساعة كام ؟
قالى انا فاتح لحد الساعة 11
ورحت قفلت فى وشة مرة واحدة ههههههههههههه
طيب على كدة الواحد يجيبلة 128 نظيفة اوفر من العربية دى صح ههههههه
طبعا بعد الاتصال دة انا هاتصل النهاردة بعمرو واقولة الغى فكرة المحل دة خالص ههههههههههه
كان فية واحد هنا فى المنتدى هوة الى قالنا على فكرة العربية دى واول حرف من اسمة eng.o.... عرفتوه هههههههههههه يلا بينا نكسر دماغة
رأيكوا اية بعد الكلام دة ... نشتريها كهربا وجاهزة الى ب 50 ج احسن صصح ههههههههههه
مش عاوزم تفقدوا الامل ....الموتور ممن موتور ماكينه جزالنجيلة ... في منها حاجات صغيرة عشان الجناين الصغيرة و الفلل
التوجيه ممكن نستخدم عربية بريموت عادية موتورها قدام و وراء يلف دراكسيون العربية الكبيرة
شكرا لييييييييك وبجد فكرة موتور جز النجيلة دة حلوو بس ماحدش يعرف قوتة كام سىسى واسعارة كاماقتباس:
مش عاوزم تفقدوا الامل ....الموتور ممن موتور ماكينه جزالنجيلة ... في منها حاجات صغيرة عشان الجناين الصغيرة و الفلل
التوجيه ممكن نستخدم عربية بريموت عادية موتورها قدام و وراء يلف دراكسيون العربية الكبيرة
باسعار الحاجات فى مصر احنا كبيرنا نتفرج عليها
زمان من سنوات طويلة كانت مشترك فى نوادى الطيران
وكانت مخصصة لعمل نماذج الطائرات باستخدم المحركات دى
والريموت كنترول والسيرفو المختلفة لكامل العمليات وكانت مجانية
على حساب النوادى ايام ما كانت الحكومة بتصرف شوية على دعم الانشطة
http://www.rcxray.com/images/nt18mt-...MT-RTR-7-L.jpg
http://www.china-manufacturer-genera...gine-sg340.jpg
الموتور ده 11 حصان تقريبا 280 سى سى
سعره جديد حوالى 1100
الموتور ده سعره على موقع الشركة 280 دولار
بس شحنه بكام وجمركه كام الله اعلم ؟!!!!!!!
شكرا ليك ا احمد بس برضة زى ما غزالى قال الموتور دة ماينفعش لانة قوى جداااا (الموتور الطبيعى فى حدود ال25 سى سى بس واحنا هانعملها حاجة خارقة باننا نحط موتور من 40 :50 سى سى ) ودة 280 سى سى حاجاة ضخمة جدااااا موتور الموتوسيكلات الصينى فية منة 50 وفية 90 سى سى ياريت لو حد يعرف سعر الموتور ال 50 سىسى دة جديد هايبقى كويس اوى بس شكرا على مساعدتك