طبعا دى الصيانة التانية اللى بعملها فى التوكيل بعد صيانة ال5000
اللى كانت بالنسبة لى العذاب بعينه :8954[1]:من حجز ما اتأكدش لوقت طويل على الفاضى لمشاكل مع الفنيين عشان يظبطوا الحاجات اللى بشتكى منها
بس برده الواحد لما يلاقى حاجة كويسة و يقضى يوم جميل زى اللى أنا قضيته فى صيانة ال10000 :B4_033:لازم برده يدى الناس حقها و يقول الاختلاف والحاجات الحلوة اللى شافها مش هنقضيها طول عمرنا شكاوى و نسيب حق الناس لما يتعاملوا باحترافية و احترام
كنت حاجز أصلا يوم السبت 9 يناير بس تعبت و روحت المستشفى يومها من غير حتى ما أعتذر عن الحجز:36_1_31:
المهم اتصلت يوم الأحد من الشغل و حجزت يوم الاتنين و الحمد لله على الرغم إنه كان تانى يوم إلا إنى حجزت بسلاسة غير طبيعية و اعتذرت طبعا عن اليوم اللى ما روحتش فيه و أكدت مرة تانية على الحاجات اللى عايزة تتراجع و خلصت المكالمة على كده:B4_564:
تانى يوم كنت بستعد كالعادة لرحلة اليوم الكامل فى التوكيل
جهزت شنطة السفر و اللاب توب و كتاب و جرنال أقرأ فيه عشان أنوع و ما أزهأش من القعدة:36_1_37[1]:
وصلت التوكيل حوالى الساعة عشرة:B4_048: و أنا كان معادى أصلا 10:30 بس ماكانش فيه وقتها غير عربية واحدة فدخلت عربيتى علطول
قابلت المهندسة إيمان و لقت اسمى فى الجدول المرة دى الحمد لله
و راجعنا مع بعض تانى الحاجات اللى عايز أراجع عليها مع الصيانة و كانت
1- الفتيس بيعض شوية خصوصا فى التانى
2- المالتى فنكشن بيعلق
3- الباركينج سينسور بيعلق
و سألتها إذا كان عندهم زيت 10000 بدل من زيت 5000 و طلع موجود بس قاللتى إنه هيزود تكلفة الصيانة 200 جنيه
بس أنا قلت أريح بالنسبة لى و أحسن و وافقت:satelite:
المهم أنا كنت فاكر كالعادة الساعة 4 مثلا أبتدى أسأل على العربية فدخلت الاستراحة بتاعتهم و قعدت أقرأ شوية فى الكتاب اللى معايا لحد ما الساعة جت 11:coffee2: فكنت زهقت و قلت أروح أتمشى فى كارفور و أفطر بالمرة:3mla:
و فعلا لميت حاجتى و رحت كارفور و فطرت و قعدت أتمشى شوية فى محلات دندى مول و كارفور لحد ما تعبت و قلت فى نفسى ما بدل ما أرجع المشوار ده كله تانى أجيب لنفسى غداء بالمرة لأنى أكيد لسه قاعد :11:
و ما كدبتش خبر و دخلت على أون ذا ران و جبت سندوتش و أنا راجع لقيت الموبيل رن و المهندسة إيمان بتتكلم و بتقولى خلاص العربية خلصت و حضرتك تقدر تيجى تستلمها
بصراحة أنا اتسمرت فى مكانى :O_stupid[1]:
خلصت إيه دى لسة الساعة ما جاتش 1:00
و أنا لسه ما فتحتش اللاب توب بتاعى و لا بصيت فى الجرنال و لسه كمان جايب غدا عشان القعدة يعنى أرجعه مثلا ولا أعمل إيه:eee:
المهم 5 دقايق و كنت عندها بتشرحلى إيه اللى اتعمل فى العربية كانت الصيانة و تربيط العفشة و اتشحم الفتيس
و بالنسبة للباركينج سينسور طلع الكنترول بتاعه عايز يتغير و للأسف مش متوافر دلوقتى و أبقى على اتصال بيهم لما ييجى نغيره:E_braces[1]:
بس ما جابوش سيرة المالتى فانكشن و أنا ما افتكرتش أسأل عليه بصراحة
دفعت الحساب و كان 500 جنيه مقسمة كالتالى:
1- زيت 10000 ب 266 جنيه
2- فلتر زيت ب 45 جنيه
3- مصنعيات 143 جنيه
4- ضريبة 45 جنيه
و طلعلى تقرير نهائى بيفيد الكشف على كل حاجة تانية فى العربية زى الميه و و زيت الفرامل و البطارية و حالة السيور و كل حاجة بيتبص عليها فى العربية و مكتوب فى آخره إنه محتاج الكنترول يونيت بتاع الباركينج سينسور عشان يتغير أول ما يتوافر فى التوكيل
انطباعى بعد الصيانة حسيت بصراحة إنى راكب عربية تانية
صوت الموتور لأول مرة بعد ما أطلع من صيانة ألاقيه أنعم و أهدى مش عارف إيه السبب المرة دى يمكن عشان زيت 10000 الله أعلم
العربية ناعمة كمان معايا أوى مش صوت الموتور بس و الفتيس أحسن كتير و تربيط العفشة حسسنى إن العربية ملمومة كده و بصراحة افتكرت اليوم اللى اشترتها فيه :colsmil:
ميرسى للناس بتوع التوكيل كلهم على المعاملة الجميلة و الوقت القياسى اللى خلصت فيه العربية و أخص بالشكر المهندسة إيمان الإنسانة الجميلة الذوق اللى الواحد بيبقى مبسوط لمجرد إنه بيتعامل مع شخصية زيها
و المهندس أيمن اللى مافيش مرة بقابله فيها فى التوكيل إلا و بيطمن على العربية و الشغل فيها حتى لو ما فيهاش حاجة يعملهالها
و الفنى اللى سلمنى العربية الحقيقة مش متذكر اسمه بس هو إنسان برده قمة فى الذوق و الاحترام