افتتاح محور القاهرة العرضى الجديد الخميس المقبل

استغرق 5 سنوات ونصف

افتتاح محور القاهرة العرضى الجديد الخميس المقبل

تعليق علي الموضوع إرسال لصديق طباعة الصفحة
http://www.egynews.net/wps/wcm/conne...pg?MOD=AJPERES
عبد العظيم وزير
كتبت: هيام فايز
أكد الدكتور عبد العظيم وزير محافظ القاهرة ان طريق المحور العرضى الجديد الذى سيتم إفتتاحه الخميس المقبل هو أول محور لنقل الحركة المرورية من وسط القاهرة للشمال ويعد من الإنجازات المهمة للقضاء على الإختناق المرورى بالعاصمة.
وقال وزير فى إتصال هاتفى لبرنامج صباح الخير يا مصر بالتليفزيون المصرى السبت ان المشروع يتكلف‏123‏ مليون جنيه وسيربط كورنيش النيل منطقة أغاخان ويخترق حى الساحل والزاوية الحمراء وحدائق القبة ليصل بطريق الفنجرى ومدينة نصر دون المرور بمنطقة وسط البلد مشيراً الى أن الطريق الجديد أستغرق انشائه 5 سنوات ونصف.
وأوضح المحافظ أن إنشاء هذا المحور تطلب تنفيذ مشروعين عملاقين بأماكن كثيفة السكان لتحقيق سيولة المرور‏,‏ وذلك بإقامة كوبري سكة الوايلي بالزاوية الحمراء بطول‏750‏ مترا‏,‏ حيث يمتد من شارع منشية الجمل بالزاوية حتي شارع سكة الوايلي بحدائق القبة بتكاليف‏64‏ مليون جنيه‏,‏ بخلاف‏18‏ مليونا لتنفيذ محاور مرورية جديدة وإنشاء شبكة متكاملة للمرافق‏,‏ تم تحويلها بما يتلاءم والمنشآت الخاصة بالكوبري‏.‏
وتابع أنه تم انشاء محور السواح /المطرية وتم نقل الترماى للتغلب على الزحام وجارى العمل بمحور ثالث بالمرج لنقل الحركة من الطريق الدائرى الى كوبرى مسطرد وذلك لتحقيق مزيد من السيولة المرورية فى النقل بأنواعه نظرا للزيادة الكبيرة فى عدد السيارات والزيادة المرتقبة فى الفترة المقبلة.
وعن نقل المقابر التى توجد على طريق صلاح سالم الى المدن الجديدة - قال وزير أن مسألة نقل مقابر الغفير والأزهر والمجاورين والإمام الشافعي وباب الوزير والقرافة الشرقية للمسلمين وباب النصر وقايتباي إلي مناطق إسكان جديدة قيد الدراسها ويتم بحثها من عدة جوانب على رأسها الجانب الإنسانى.
وتابع انه يمكن استغلال المكان الحالي للمقابر في زيادة المساحة الخضراء وتهذيب المنطقة وتجميلها والحد من الزحف العمراني علي اماكن وجود المقابر بالاضافة الي الحفاظ علي المقابر الاثرية‏.

اخيرا..دول كانوا معذبين الناس لمدة خمس سنين..المهم يمشي على خير وما يبقاش في مواقف ميكروباصات في المحور والدنيا تقف

والله حد يبعت يقول لسياده المحافظ ان الكوبرى اتعمل على اكمل وجه علشان معاليه هيعدى من عليه يوم الافتتاح

بس مازالت الطرق اللى تحت الكوبرى مليانه بلاعات وحفر واسفلت زى الزفت من اثر الشغل وده برده طريق مهم ولكن للأسف هو مش هيمشى من عليه

حسبى الله ونعم الوكيل فيهم , ونفس اعرف مشروع ايه اللى عملاق , ده وصله كوبرى وكوبرى تانى 750 متر بقالنا فيهم 5 سنين ونص وفى الاخر خلص طلصقه

وال 18 مليون اللى اتصرفت على الطريق دى كلها راحت فى اسفلت تم تكسيره بعدها بأسبوع علشان بتوع الصرف والكهرباء محدش قالهم ان هيبقى فى اسفلت جديد هنا , سكه الوايلى اللى هيمشى فيه دلوقتى هيلاقيه كله حفر وبلاعات واسفلت مكسر بعد ما اتسفلت تانى

فالحين بس يدهنوا العواميد ويرسموا الطريق وينضفوا كمان المبانى اللى على الطريق علشان رئيس الوزراء يشوفها جميله لكن اللى هيمشى فى طريق غير بتاع المحافظ يخبط دماغه فى الحيط

مجبش سيرة عن الكوبري الي في شارع السودان عند جامعة القاهرة

الكوبري بقالوا كتير قوي بيتعمل و برغم كدة ما تعرفش الي موجود ده منازل و لا مطالع
يعني رايح فين و جاي منين الله اعلم

اقتباس:

---

المشاركة الأصلية كتبت بواسطة أبـو آســـــر

مجبش سيرة عن الكوبري الي في شارع السودان عند جامعة القاهرة

الكوبري بقالوا كتير قوي بيتعمل و برغم كدة ما تعرفش الي موجود ده منازل و لا مطالع
يعني رايح فين و جاي منين الله اعلم

---

ده تقريبا جاي من الدائري(الهرم - المرج) حتى جامعة القاهرة....

ويسمى محور صفط والله اعلم

بالمناسبة يا شباب...حد عنده خريطة توضح المحور اللي هيفتتحوه ده...

ولو من جوجل ايرث...اهو برضه نتخيله...جايز ينفعنا في مشوار ولا حاجة

اقتباس:

---

المشاركة الأصلية كتبت بواسطة asbeats

ده تقريبا جاي من الدائري(الهرم - المرج) حتى جامعة القاهرة....

ويسمى محور صفط والله اعلم

---

ليه مطلع من الدائرى من الاتجاهين
وليه منزل لاتجاه الى امبابة ومحور 26 يوليو

ليه منزل على شارع السودان المتجه الى فيصل
وباقى المطالع مش عارفها

هوة باختصار كوبرى يربط بين الدائرى وشارع السودان
عبر المشى فى شارع صفط اللبن
يعنى بديل لنزول منزل صفط فى الدائرى وتطلع كوبرى ثروت
وكذلك العكس

لو لم اكن غير قاهريا لوددت اكن اكن كذالك

اقتباس:

---

المشاركة الأصلية كتبت بواسطة asbeats

بالمناسبة يا شباب...حد عنده خريطة توضح المحور اللي هيفتتحوه ده...

ولو من جوجل ايرث...اهو برضه نتخيله...جايز ينفعنا في مشوار ولا حاجة

---

اتفضل يا باشا شرح تفصيلى للطريق

http://www.nilemotors.net/Nile/11855...post3872286618

اقتباس:

---

المشاركة الأصلية كتبت بواسطة ahmed0nouh

اتفضل يا باشا شرح تفصيلى للطريق

http://www.nilemotors.net/nile/11855...post3872286618

---

الف شكر ليك يا باشا...ربنا يبارك فيك

إيه ده مش فاهم .. يعني ده يفيد اللي جي منين و رايح فين !

عمااااااار يا مصر
خبر حلو ياباشا شكرا ل حضرتك

اقتباس:

---

المشاركة الأصلية كتبت بواسطة motorizer

إيه ده مش فاهم .. يعني ده يفيد اللي جي منين و رايح فين !

---

+11111111وانا كمااااااااااااااااان

اقتباس:

---

المشاركة الأصلية كتبت بواسطة asbeats

الف شكر ليك يا باشا...ربنا يبارك فيك

---

العفو يا باشا ربنا يكرمك

اقتباس:

---

المشاركة الأصلية كتبت بواسطة MoToRiZeR

إيه ده مش فاهم .. يعني ده يفيد اللي جي منين و رايح فين !

---

اقتباس:

---

المشاركة الأصلية كتبت بواسطة rockana9112007

+11111111وانا كمااااااااااااااااان

---

هيفيد اللى جاى من الكورنيش فى الخلفاوى وعايز يروح مدينه نصر او حدائق القبه , وهيفيد مستخدمى شارع بورسعيد فى الاتجاه للكورنيش ومدينه نصر وهيفض ازمه الزحام فى منطقه الزاويه الحمراء وحدائق القبه

والعكس اللى جاى من الاوتوستراد وعايز يروح الكورنيش او شارع شبرا او شارع احمد حلمى او المؤسسه او مسطرد

ده موضوع فيه توضيح لخط سير المحور ده

http://www.nilemotors.net/nile/11855...post3872286618

يارب يفيد ناس كتيره وخصوصا اللى بيتوهوا زيي

يااااااه !!! مش هستفيد بيه خالص !!! :d
بس مبروك للناس التخلص من العذاب

و الله انا هقول حاجة و الشهادة لله انا اساسا فى شارع سكة الوايلى و الشهادة لله الشغل كان زى الزفت يعنى سفلتوا و كسروا عشان البلاعات و عملوها وحشة بردو رجعوا كسروا البلاعات تانى دا غير 5 سنين معاناة دا غير بقى التحدى الاكبر هيبقى انهم يقنوا الناس انها تشيل عربيتها من جنب الرصيف اللى فى نص الشارع و التحدى الاكبر هيبقى فى الركنة لان الناس اللى فى الوايلى و شارع عشرة شايفين ان الحتة دى منورة فبالتالى بييجوا يركنوا هنا و احنا نتحول عشان الركنة دا كدة و لسة مفتحوش الكوبرى امال لما يتفتح هيعملوا فينا اية؟؟؟؟؟؟؟؟؟؟؟؟؟؟؟؟؟؟؟؟؟؟ دا التحدى بقا

اقتباس:

---

المشاركة الأصلية كتبت بواسطة asbeats

ده تقريبا جاي من الدائري(الهرم - المرج) حتى جامعة القاهرة....

ويسمى محور صفط والله اعلم

---

+111111
هو فعلا كده

اقتباس:

---

المشاركة الأصلية كتبت بواسطة lanos_power

و اللة انا هقول حاجة و الشهادة للة انا اساسا فى شارع سكة الوايلى و الشهادة للة الشغل كان زى الزفت يعنى سفلتوا و كسروا عشان البلاعات و عملوها وحشة بردو رجعوا كسروا البلاعات تانى دا غير 5 سنين معاناة دا غير بقى التحدى الاكبر هيبقى انهم يقنوا الناس انها تشيل عربيتها من جنب الرصيف اللى فى نص الشارع و التحدى الاكبر هيبقى فى الركنة لان الناس اللى فى الوايلى و شارع عشرة شايفين ان الحتة دى منورة فبالتالى بييجوا يركنوا هنا و احنا نتحول عشان الركنة دا كدة و لسة مفتحوش الكوبرى امال لما يتفتح هيعملوا فينا اية؟؟؟؟؟؟؟؟؟؟؟؟؟؟؟؟؟؟؟؟؟؟ دا التحدى بقا

---

ده اللى انا بقوله

اولا الشارع لسه متكسر كله برغم ان الافتتاح اخر الاسبوع وده لإن المرافق كسرت الشارع بعد ما اتسفلت علشان تقريبا محدش قالهم ان الشارع هيتسفلت او محدش فيهم كان فاضى يجى يشتغل وهو لسه مكسر او الاحتمال الاكبر انهم بيحبوا يحفروا على نضافه

ثانيا الشارع كان فى ايدهم يوسعوه فى وسط هيصه التكسير وخلافه لكن برده اتعمل ضيق وهنشوف فيه زى ما بيحصل فى الشارع بتاع قسم الحدائق لو حضرتك تعرفه , الناس بتركن على الجنبين ويبقى الشارع حاره واحده بس ممكن ببساطه يوقفها سواق ميكروباص بيحمل او بينزل زباين

الملف اللى قصاد شارع الخليج المصرى اللى عند محل سيد حنفى بقى جراج عمومى للعربيات النقل اللى بتقف هناك وخلاص بقت الحته دى بتقف حتى قبل فتح الكوبرى

فالحين بس يظبطوا الكوبرى ومنشيه الجمل قوى علشان المحافظ لكن باقى الطريق مش مهم

الكوبرى دة هيحل ازمة كبيرة جدا فى المرور

اقتباس:

---

اقتباسhttp://www.nilemotors.net/nile/image...-top-right.gifhttp://www.nilemotors.net/nile/image...ot-by-left.gifالمشاركة الأصلية كتبت بواسطة lanos_powerhttp://www.nilemotors.net/nile/image...t-by-right.gifhttp://www.nilemotors.net/nile/image...p-right-10.gifو اللة انا هقول حاجة و الشهادة للة انا اساسا فى شارع سكة الوايلى و الشهادة للة الشغل كان زى الزفت يعنى سفلتوا و كسروا عشان البلاعات و عملوها وحشة بردو رجعوا كسروا البلاعات تانى دا غير 5 سنين معاناة دا غير بقى التحدى الاكبر هيبقى انهم يقنوا الناس انها تشيل عربيتها من جنب الرصيف اللى فى نص الشارع و التحدى الاكبر هيبقى فى الركنة لان الناس اللى فى الوايلى و شارع عشرة شايفين ان الحتة دى منورة فبالتالى بييجوا يركنوا هنا و احنا نتحول عشان الركنة دا كدة و لسة مفتحوش الكوبرى امال لما يتفتح هيعملوا فينا اية؟؟؟؟؟؟؟؟؟؟؟؟؟؟؟؟؟؟؟؟؟؟ دا التحدى بقا http://www.nilemotors.net/nile/image...t-bot-left.gifhttp://www.nilemotors.net/nile/image...-bot-right.gif
ده اللى انا بقوله

اولا الشارع لسه متكسر كله برغم ان الافتتاح اخر الاسبوع وده لإن المرافق كسرت الشارع بعد ما اتسفلت علشان تقريبا محدش قالهم ان الشارع هيتسفلت او محدش فيهم كان فاضى يجى يشتغل وهو لسه مكسر او الاحتمال الاكبر انهم بيحبوا يحفروا على نضافه

ثانيا الشارع كان فى ايدهم يوسعوه فى وسط هيصه التكسير وخلافه لكن برده اتعمل ضيق وهنشوف فيه زى ما بيحصل فى الشارع بتاع قسم الحدائق لو حضرتك تعرفه , الناس بتركن على الجنبين ويبقى الشارع حاره واحده بس ممكن ببساطه يوقفها سواق ميكروباص بيحمل او بينزل زباين

الملف اللى قصاد شارع الخليج المصرى اللى عند محل سيد حنفى بقى جراج عمومى للعربيات النقل اللى بتقف هناك وخلاص بقت الحته دى بتقف حتى قبل فتح الكوبرى

فالحين بس يظبطوا الكوبرى ومنشيه الجمل قوى علشان المحافظ لكن باقى الطريق مش مهم

---

و فى كمان مشكلة ممكن تعمل ازمة جديدة و هى التقاطع اللى هيحصل بين الناس اللى هتبقى طالعة الكوبرى من ميدان الحدايق و مثلا رايحة مدينة نصر و اللى هيبقى واخد الكوبرى الجديد من سكة الوايلى و عاوز يروح العباسية هيبقى مقص مميت خصوصا ان احنا و الحمد لله ثقافة السواقة عندنا صفر خصوصا الاشارات

اقتباس:

---

المشاركة الأصلية كتبت بواسطة أبـو آســـــر

مجبش سيرة عن الكوبري الي في شارع السودان عند جامعة القاهرة

الكوبري بقالوا كتير قوي بيتعمل و برغم كدة ما تعرفش الي موجود ده منازل و لا مطالع
يعني رايح فين و جاي منين الله اعلم

---

اهو البتاع ده انا ساكن جنبه -مدينه اعضاء هيئة التدريس- نفسي اعرف منين بيودي على فين :shyy:

معلومات مفيده
شكرا جزيلا

اقتباس:

---

المشاركة الأصلية كتبت بواسطة أبـو آســـــر

مجبش سيرة عن الكوبري الي في شارع السودان عند جامعة القاهرة

الكوبري بقالوا كتير قوي بيتعمل و برغم كدة ما تعرفش الي موجود ده منازل و لا مطالع
يعني رايح فين و جاي منين الله اعلم

---

ده بسببه قفلت مركز الصيانه :rfds: وهو جاى من اكتوبر الى الجيزه كبديل لمحور 6 اكتوبر

اقتباس:

---

المشاركة الأصلية كتبت بواسطة mohamedezat

ده بسببه قفلت مركز الصيانه :rfds: وهو جاى من اكتوبر الى الجيزه كبديل لمحور 6 اكتوبر

---

اول مرة اعرف انك قفلت المركز...ده كان ما شاء الله شغال كويس...وليك زباينك...

على العموم...ربنا يرزقك بما هو افضل ان شاء الله عشان انت انسان خدوم وتستاهل كل خير

اقتباس:

---

المشاركة الأصلية كتبت بواسطة asbeats

اول مرة اعرف انك قفلت المركز...ده كان ما شاء الله شغال كويس...وليك زباينك...

على العموم...ربنا يرزقك بما هو افضل ان شاء الله عشان انت انسان خدوم وتستاهل كل خير

---

ربنا يخليك يادكتور وانت اخبارك ايه واخبار الاوبل عامله معاك ايه ؟؟؟؟؟؟؟

موضوع ان المركز يتقفل ده كان شىء هايحصل اجلا ام عاجلا بالرغم من انه كان ناجح بس كل اللى استفادته بجد هو معرفه ناس كتير جدا وناس فعلا قمه فى الاحترام وماكنتش مهتم بنجاح الموضوع لاسباب خاصه وكنت باثبت لبعض الاشخاص حاجه وربنا وقفنى وقدرت اثبت انى كنت على بينه
رغم ان الموضوع ده كلفنى جدا :049:الا انى مرتاح البال وخرجت من مود كان تقيل اوى اوى اوى عليا

اقتباس:

---

المشاركة الأصلية كتبت بواسطة mohamedezat

ربنا يخليك يادكتور وانت اخبارك ايه واخبار الاوبل عامله معاك ايه ؟؟؟؟؟؟؟

موضوع ان المركز يتقفل ده كان شىء هايحصل اجلا ام عاجلا بالرغم من انه كان ناجح بس كل اللى استفادته بجد هو معرفه ناس كتير جدا وناس فعلا قمه فى الاحترام وماكنتش مهتم بنجاح الموضوع لاسباب خاصه وكنت باثبت لبعض الاشخاص حاجه وربنا وقفنى وقدرت اثبت انى كنت على بينه
رغم ان الموضوع ده كلفنى جدا :049:الا انى مرتاح البال وخرجت من مود كان تقيل اوى اوى اوى عليا

---

ولا يهمك خيرها في غيرها...والدنيا كده...لازم مكسب وخسارة...

انا تمام الحمد لله...والأوبل بتسلم عليك :)

ربنا يديم المعروف يا باشمهندس...ويارب نسمع عنك كل خير ان شاء الله