السلام عليكم ورحمه الله وبركاته.....
إذيكوا يا شباب ...وحشتونى جدا...........
هحكيلكوا على تجربه عملتها بالفعل.......
لكن شويه مقدمات الاول.........
كل ما كنت اروح أفول العربيه بنزين كنت بمشى وانا عندى إحساس بالمراره......انا بفول العربيه تقريبا 6 مرات فى الشهر......كل مره ب 75 جنيه يعنى بدفع كل شهر......450 جنيه بنزين فقط...بدون اى مصروفات اخرى......
طبعا حاجه تنرفز وتوجع........
طبعا أنا بستخدم كل النصايح الخاصه بتحقيق الاستهلاك الامثل للبنزين...لكن كل ده مش هيمنع ان لتر البنزين ب 185 قرش......:I_angr1[1]:...
ففكرت مع نفسى كده......
يا سلام لو كان الفيرنا فيها فيشه أوكتان زى اللانوس وكنت حولتها لل 80 زى إخوانا فى منتدى الدايو بقياده اللواء محمد بيك ممدوح....
كانت النتيجه وبسؤال الاكثر منى خبره ودرايه....أن الفيرنا لا يوجد بها فيشه أوكتان......
طب أحولها غاز,,,!!!!!
لقيت بحسبه بسيطه انى مش هستفيد من تحويل العربيه غاز.....يعنى مش هسترد قيمه التحويل الا بعد ما يقرب من 5 سنوات......يكون الدنيا إتغيرت والعربيات بتمشى بعصير القصب زى ما كانو بيقولولنا زمان فى حصه العلوم ان على سنه 2000 العربيات هتمشى بمولاس القصب.............بقينا 2010 ولا شوفنا الهوا...
المهم.......
فكرت فى حاجه بلاحظها......
الفيرنا نوعين.....
1600 سى سى بمحرك 2 كامه علويه ويعتبر نفس محرك الماتريكس والالنترا الشكل القديم.....
1500 سى سى وهى أخر جيل من مواتير الاكسنت ويعتبر نفس موتور الاكسنت......
طب انا عربيتى 1500
وبمراقبه طابور ال80 نجد أن به عدد لا بأس به من سيارات الاكسنت الملاكى والتاكسى.....
مما سبق...نجد أن الفيرنا ال 1500 ممكن تمشى بالبنزين ال80......زيها زى كل تاكسى الاسماعيليه وكتير من ملاكى وتاكسى القاهره.....
على طول إفتكرت تجربه أخونا شنوده مع بنزين 80 فى عربيته اللانوس....
لانوس 2008 وبنزيين 80
ومع ذلك مجاليش قلب إنى أجرب.......
لغايه ما فى يوم كنت عندى شغل فى العاشر من رمضان وطالع بعد كده على اسماعيليه......
وقولت أفول العربيه ...دخلت بنزينه مصر للبترول وفوجئت انها فاضيه تماما وان العامل بيسألنى عايز 80 ولا 90؟
بصراحه...
قولت مبدهاش بقى.......نتوكل على الله ونجرب والمشوار هيخلص معظم التانك فلو مضبطش ابقى برضو جربت.......
قولت للعامل حط ب 30 جنيه بنزين 80 ......وهكمل الباقى 90....(مكنش عندهم 92 أصلا )
فعلا العامل نفز اللى قولتله عليه....بس كان فى مشكله صغننه.......
العربيه فولت بال 30 جنيه والبنزين بيقع على الارض....
يا نهار ابيض....دنا كده 80 صرف مش مخلوط لا ب 90 ولا 92...يارب استر.........
المفاجأه بقى ان العربيه ظبطت........
مفيش يرجله ولا تصقيف ولا اى مشاكل من اى نوع..........
انا مكتبتش الموضوع ده غير لما كملت حوالى 6000 كيلو بالبنزين ال 80 وتاكدت انه مش عامل مشاكل ولا فى فلتر ولا فى موتور ولا فى رشاشات ولا اى حاجه من دى لغايه دلوقتى والحمد لله.....
طبعا فى ملاحظات على إستخدام ال البنزين ال 80 هقولهالكم لما أعرف رأيكم فى التجربه دى.......
دمتم سالمين.....