ازيكو يا جماعة انا معايا بيكانتو 2008 رمادى انا مظبطها من جوة قصى يعنى فرش وحركات بس كنت عاوز اظبطها من برة بحيث يكون شكلها اروش بس يعنى فى المعقول وياريت تقولولى على المحل الى اظبطها عندة وشكرا يا جماعة مقدما
عرض للطباعة
ازيكو يا جماعة انا معايا بيكانتو 2008 رمادى انا مظبطها من جوة قصى يعنى فرش وحركات بس كنت عاوز اظبطها من برة بحيث يكون شكلها اروش بس يعنى فى المعقول وياريت تقولولى على المحل الى اظبطها عندة وشكرا يا جماعة مقدما
متااااااااااااابع :rfds:
انت منين يا باشا
الهرم يا ريت بقى تورونا الافكار الجهنمية بتاعت الاعضاء
اية متابعة بس مفيش افكار
انا هقول رأيي المتواضع وأمرى لله,,,,أولا لازم تحدد ميزانيتك,,,,
بص يا سيدى لازم تاخد بالك من حاجة مش لازم تعمل حجات كتير من برة,,,يعنى ممكن تركب سبويلر من فوق هيكون شديد وكمان ممكن تركب كساحات فيبر على الأقصدام نفسه ومن رأيي بلاش تلعب فى الاقصدام وخليه فابريكا وتركب {دى في} وديل للشكمان يكون simple,,مش لازم يكون كبير ,,,,,,وتركب عتب وطبعا جنط رياضى مقاس 14{دا طبعا لو معندكش جنوط فيها او كانوا 13} متزودش عشان العفشة وفيه كتير يليق على العربية وممكن تركب رينج كبيير فى الفانوس الامامى هيكون تحفة ومن الخلف شفاف غامق على الدايرة اللى فى الفنوس اللخلفى الأحمر من فوق بتاعت الفرامل بس,,,دا من وجهت نظرى بالنسبة للأسعار انا معرفش أوى الأسعار بس ممكن كل اللى قولته تقريبا فى حدود3500 ودا شامل طقم جنوط بالكاوتش ,,,, وبردو انته وذوقك وتعمل اللى يراياحك دا من وجهت نظرى طبعا والأماكن أعتقد ان انا قرأت لأحد الاعضاء عن الاماكن وهنقلهملك ,,, لقتهم الحمد لله
أنا فكرت اعمل موضوع نجمع فيه عناوين و اسماء محلات وورش تعديل السيارات فى موضوع واحد.
*الفايبر:
-سيد حواجب فى الحرفيين (اخر الشارع اللى امام مركز سمير على بتاع السمكره)
-بسام (فى اول الحرفيين ,م.كريم منير عارف مكانه أكثر)
*الفوانيس:
-ال عمار (تعديل و تصليح الفوانيس و تنظيفها و تلميعها و عمل وشوش وامكانية توفير وشوش أصليه,اخر الشارع اللى موجود امام مركز سمير على)
-الفنجرى (عند المسجد الكبير اللى فى الحرفيين ) برضه بيعملو نفس شغل ال عمار بس متعاملتش معاهم باد بلود هوعارفهم.
*تعديلات مواتير وعفشات وسست:
-عادل وجدى(عنده كبوت كاربون للانسر و السيفيك و شبك امامى وجميع انواع العدادات و بوجيهات و فلاتر هواء وممكن يجيبلك اى حاجه من بره مصر واكصدامات لانسر وغيره كثير و سست لتسقيط الكار)برضه فى الشارع اللى قدام سمير على.
*الشكمانات:
-وليد مطراوي عرفت من ناس كثير انه جامد جدا بس انا معملتش حاجه عنده
=========================
* نيجى بقى للمحلات اللى بتبيع اكسسوارات و زينون وفلاتر و فوانيس متعدله جاهزه لبعض العربيات زى السيفيك و اللانسر و الجولف و الجيتا و البورا وشبك امامى و لمبات ليدات:
---------------------
- وليد عوض فى المهندسين شارع جامعة الدول جانب المالكى
-هاى لاين 26 شارع دمشق
-ارابكوم (غنى عن التعريف)
-pimp my ride اخر شارع حسنين هيكل خلف جاد
-محل فى محطة بنزين وطنيه عند مسجد السلام الحى العاشر
-اوبشنز فى الاسماعيليه بتاع واحد اسمه نادر و بيعدل تعديلات كامله فى الربيات لامبو دورس و كل شئ. رقمه 0105061155 معرفش مكانه بصراحه.
*الجنوط:
-ارابكوم
-وليد عوض
- اشرفكو الحى السابع
-محلات شارع احمد سعيد
*استيكرز:
-ابراهيم شارع دمشق (فيميه و استيكرز واكسسوارات تانيه كثير جدا) .
ودى صور كيا بيكانتو الجديدة ممكن حاجة تعجبك وبالذات الجنوط ممكن تعجبك
http://i969.photobucket.com/albums/a...Moprning-6.jpg
http://i969.photobucket.com/albums/a...Moprning-3.jpg
الكلام دة كلو جميييل
وخلي شغلك كلو سيمبل وسيبك من التنفيخ وكدة
الجنط ال 15 فااجر عليها واحد صاحبي مركبة
واعمل شبكو عموولة اللي هيا بتكون سلك
وزينون وشوية ليدان في الاشارات
والدنيا هاتكون مية مية
http://carphotos.cardomain.com/ride_...0018_large.jpg
http://carphotos.cardomain.com/ride_...0013_large.jpg
http://carphotos.cardomain.com/ride_...0016_large.jpg
http://carphotos.cardomain.com/ride_...0015_large.jpg
http://memimage.cardomain.com/ride_i...0010_large.jpg
http://memimage.cardomain.com/ride_i...0033_large.jpg
http://memimage.cardomain.com/ride_i...0013_large.jpg
ودة بعض التظبيطات
http://carphotos.cardomain.com/ride_...0005_large.jpg
http://carphotos.cardomain.com/ride_...0004_large.jpg
http://carphotos.cardomain.com/ride_...0010_large.jpg
http://carphotos.cardomain.com/ride_...0003_large.jpg
http://carphotos.cardomain.com/ride_...0001_large.jpg
http://carphotos.cardomain.com/ride_...0008_large.jpg
متشكر يا جماعة على مساعدتكم وربنا يخليكو