الموضوع: ازاى اروح وسط البلد من مدينة العبور الشباب الحى الاول عند النادى

يعني حضرتك قصدك مواصلات و لا بالسيارة

و ياريت حضرتك توضح نادي ايه

لأن النادي اللي اعرفه حاليا موجود في الحي الثاني و ليس الاول

لو حضرتك تقصد مواصلات فانت ممكن تاخد اى حاجه لموقف العاشر ومن هناك هتلاقى ميكروباصات بتروح رمسيس هتنزل فى رمسيس قدام محطه مصر تاخد المترو لحد الاسعاف ( هم محطتين بس مش كتير)

ولو بالعربيه فا ده موضوع كبير ومشوار طويل شوية

هحاول اوصفلك على اد ما انا فاكر

حضرتك هتخرج من العبور لحد موقف العاشر برضه (مش عارف طريقها ازاى) المهم اول ما تخرج وتوصل لموقف العاشر هتكمل على طووول هتلاقى كوبرى هتطلعه وتنزل تمشى شوية كتير لحد ما توصل الكلية الحربيه هتلاقيها فى وشك تدخل شمال وتمشى شوية تانى وبعدي يمين على ما اعتقد لحد ما توصل العباسيه ومنها تاخد كوبرى اكتوبر وده هينزلك مكان ما انت عايز اسعاف او تحرير


ملحوظه:ـ
انا مش متأكد اوى من طريقك بالسياره لكن مواصلات انا متاكد منها
لانه مش طريقى خالص ومروحتهوش غير مره واحده بس

شكرا جدا للرد أنا اقصد نادى النورس او النادى الاجتماعى وكمان اقصد الذهاب بالمواصلات وبعدين انا سمعت ان فيه مواصلة من المرج الجديدة للعبور مباشرة بس مش عارفة صحة هذا الكلام

ن فيه مواصلة من المرج الجديدة للعبور مباشرة بس مش عارفة صحة هذا الكلام

فيه اتوبيس 35 و 35 شرطة

35 شرطة افضل لأنه مباشر من المرج الجديدة الي العبور

و فيه اتوبيسات تانية بس هما دول اللي اعرفهم

الاتوبيسات دي بجوار المترو مباشرة في المرج الجديدة