الموضوع: محمد ناجى جدو هو الوريث الشرعى لمحمود الخطيب بلا منازع

والله الاعب ده يفرح بجد .. بجانب انه لاعب كويس و تصويباته احترافية و دقيقة فهو ايضا شكله محترم و متدين و بجد ربنا ييوفقه و يباركله ليكون سبب في رفع مكانة الإسلام اولا و العرب و الصريين ثانيا

اعتقد فارق المهارات الفردية كبير جدا لصالح الخطيب طبعا

الخطيب ؟!! مره واحده كده ؟؟
طبعا مفيش كلام ان جدو كفااااااااءه جدا بكل المقاييس و عمل شغل معملوش التخين بس لسه قدامه كتيييييييييييير جداااااااااااااااااا عشان نقارنه بالخطيب ,, مجرد مقارنه ( ده مش تقليل اطلاقا من جدو بالعكس انا بحب الراجل ده جدا و شكله ابن ناس اوى و محترم الصراحه )
بعيدا بقى عن الخطيب و جدو ..احنا فينا عيب جامد كمشجعين ,, اللى بيجيب اجوان بيبقى نجم النجوم و معشوق الجماهير
الماتش اللى بعده مبقاش كويس كله بيقلب عليه ( الا القله القليله )
انا شايف اننا (مننجموش ) لأن الكلام ده كبير عليه دلوقتى وبيكبر مسؤوليته قدام نفسه و اعتقد بيخض اللاعب نفسه و ممكن يكون بيضيع تركيزه ,, و لكن طبعا اداؤه يستحق الإشاده و لكن فى المعقول ,, بلاش مبالغه بالأيجاب او السلب
عشان محدش يفهمنى غلط انا اقصد انه ممتاز وفوق الممتاز كمان و لكن النجاح فى كام ماتش ورا بعض مش كل حاجه ,, الثبات على المستوى هو المطلوب و ده اللى الناس معلقه امالها على جدو انه يعمله فى الفتره الجايه , وفعلا ربنا يوفقه و يوفق منتخبنا يارب
يارب يكون قصدى وصل :)

انا بقول بلاش نضغط علي اللعيب ونجيب أجله بدري بدري عشان ميشلش فوق طاقته .. ودة حصل كتير مع ابو تريكة وياما لعب وهو مصاب بسبب القصة دي وبغض النظر عن اهلاوي وزملكاوي والكلام اللي ملوش اي صنف اللازمة حاليا احنا بنتكلم عن مواهب مصريه كروية نفتخر بيها عشان بتمتعنا

اللاعب 25 سنة تقريبا او 26 يعني اعتقد عدي مرحله النضج الكروي وكل الي هناخده منه حاليا اظهار لما عنده مثقل بالخبرات فقط لا غير انما يتطور دي صعبه شوية بالعكس المفترض هيبقي في منحني تنازلي مش تصاعدي له .. برضه كمثال محمد ابو تريكة لما راح الاهلي فنفس السن ومعتقدش حد فينا يختلف عن ان لو ابو تريكة كنا اكتشفناه بدري وهو 19 سنة مثلا وظهر في المنتخبات بتاعتنا كان هيبقي ايه الحال

وانا معجب بيه بمحمد ناجي جدا وفعلا بتفق معاكم انا انبهرت بيه مع الاتحاد وهو لعيب سريع جدا وحماسي وبيحب الكورة لمجرد الكورة مش لاسباب تانية وياريت يفضل كدة عشان نستمتع بيه وهو نفسه يحترف بره قبل اي حاجه وربنا يوفقه لانه انسان بسيط واهله كمان ناس بسيطه اوي وشكله يستاهل كل خير

[youtube]http://www.youtube.com/watch?v=ksWByznJ6tY[/youtube]

علي فكرة مش معني إنه شاط الكورة و هو باصص في الأرض إنها جت معاه كدة .. اللي بيلعب كورة يعرف إن دي مواقف بتحصل كتير و بتحتاج إحساس بالمكان اللي إنت فيه مش أكتر.

و في الجون بتاع إمبارح قلشت منه في الإستلام فعلاَ بس رد فعله كان هايل و عدل جسمه بسرعة و شاط .. يعني زبط نفسه عالقلشة و دي مش سهلة خالص علي فكرة.

انا شايفه مشروع لعيب جامد و يا ريت فعلاَ مننجموش أوي عشان ميتخضش و ميتجننش .. و أعتقد جماهير الأهلي لن تنسي خالد بيبو اللي الناس طلعته فوق في السما إتجنن و بقي لعيب درجة تالتة.

المشاركة الأصلية كتبت بواسطة ahmed4000

الراجل ده خلاص اتحرق قبل ميبدا
وبكرة تلاقى الاهلى والزمالك بيدفعوا فيه كام مليون وبعدين تلاقى العروض جاية من بره بالملايين وتلاقي النجومية كلته ونسى الكورة وفاضى للخناقات (سيناريو نص النجوم اللىب دأوا بقوة وانتهوا)

نفسى اعرف سعادتك جايب الكلام ده منين وعلى اى اساس؟
والتانى اللى بيقول انه الكورة كانت قلشة منه وشاطها فى الارض
ياحبايبى يا غاليين الراجل ده هداف الاتحاد وجايب اهداف كتيرة بنفس الطريقة واحسن من كدة كمان بس عشان مجهول بالنسبة ليكم بتقولوا كده
خشوا على اليوتيوب وشوفوا اهدافه وبعدين اتكلموا
ثانيا هو عمره 26 سنة وهذا العمر هو قمة النضج للاعب الكورة ويبدا بعدها مرحلة الابداع والعطاء طبقا للدراسات المعمول بها فى عالم الرياضة موش شبل صغير عنده 16 سنة عشان نصبر عليه شوية والمهم ان البطولة اظهرته للعالم كله وغالبا هيحترف ولا تقولى اهلى ولا زمالك.