كنت عايز اعرف لو حولت نيو اكسنت 2010 لغاز هيحصل اية
كنت عايز اعرف لو حولت نيو اكسنت 2010 لغاز هيحصل اية
فى موضوع كامل عن الغاز فى السيارات الحديثة .حاول تعمل search
هو مفيش ردود لية
حرام عليك الغاز يخنق العربية ويدمر الشنطة وتحس انك راكب كارو
فين الردود
بص ياباشا انا بعمل في شركه (كار جاس) ودي اول شركه تحويل السيارات للعمل بالغاز الطبيعي
اولا مواتير الهيونداي من احسن المواتير في التحويل للعمل بالغاز
ثانيا اسطوانه الغاز وزنها حوالي 60 كيلو يعني شخص صغير الحجم معاك في العربيه
الاول كان موضوع التحويل كان بيقلل سحب العربيه حوالي 10/ في المئه
وده علشان الغاز كان بيدخل للموتور عن طريق الهواء الداخل للموتور وكان بتظبط يدوي
لاكن دلوقتي احنا بنعتمد علي احدث نظام في تحويل الغاز وده عن طريق سنسور او حساس بيركب في خرطوم دخول الغاز للموتور وبيكون موصل بكمبيوتر السياره يعني حقن الغاز بيتم عن طريق كمبيوتر السياره زي البنزين بظبط
والغاز بقي بيخش علي المنافول علي طول زي البنزين
والغاز موفر جدا اللتر ب45 قرش وبيعمل نفس لتر البنزين
انا عندي نصيحه ليك
لو انت بتسافر كتير او بتعمل مشوير كتير يوميا حول غاز ومتخفش
اما لو مشويرك عاديه يعني من الشغل للبيت وفسحه بسيطه مش حتحس بتوفير الغاز
علي فكره احنا متعقدين مع غبور في تحويل السيارات بتاعت التاكسي الابيض والتحويل بيتعمل عنده في المصنع
وبرضه الاسبرنزا والشيفورليه ايضا بيتحولو غاز بس عن طريق شركات اخري
ممكن تقولى تفاصيل اكثر عن النظام الجديد الذى تقول انة بيحافظ على الموتور وتكلفة تحويل السيارة لغاز وما هو المقدار الذى تستهلكة السيارة داخل البلد لكل 100 كيلو
محدش عايز يرد لية
انا مقلتش بيحافظ علي الموتور لان مفيش حاجه اصلا بتبوظ
الي كنت بشرحه ان الغاز كان بيدخل الموتور عن طريق خرطوم داخل في للوصله الي بين العلبه بتاعت الفلتر وبين جهاز الانجكشن ويوجد في نص الخرطوم محبس ويتم ظبط دخول الغاز يدوي ودي بترجع لحساسيه الفني
لاكن دلوقتي المحبس ده بقي سنسور حساس وموصل بالكمبيوتر الخاص بالسياره يعني الكمبيوتر هو الي بيتحكم في نسبه دخول الغاز وده طبعا ادق من الظبط اليدوي ويوفر في استهلاك الغاز
ويخلي الموتور سحبه احسن لانه بيلاقي كميه الغاز الي بيحتجها بظبط
بنسبه للاستهلاك ال100 كيلو يستهلكو 10 متر مكعب غاز
وال10 متر غاز بيعملو 4.50 جنيه
تكلفه التحويل 5000 كاش لو تقسيط 135 قسط شهري لمده 48 شهر بدون مقدم يعمل اجمالي 6400
يعني بزياده 1400 جنيه
اي استفار انا تحت امرك