معلش عندي سؤال يعني ايه تفضل علي rpm عالي لحد ما العربية تفصل؟؟؟ تفصل ازاي يعني؟؟؟
عرض للطباعة
معلش عندي سؤال يعني ايه تفضل علي rpm عالي لحد ما العربية تفصل؟؟؟ تفصل ازاي يعني؟؟؟
يعني تفضل ضاغط على دواسة البنزين بالتدريج لغاية لما تلاقي صوت الموتور بيقطع
تفصل يعني الrpm يعدي الريدزون وتبدي العربيه تقطع بس ده خطر جدا على الموتور
يعني هي لو فصلت في الحالة دي تحتاج تدورها تاني من الكونتاكت ولا ايه ؟؟ معلش يا جماعة اعذروني بس اصلي مش فاهم و عمري مشوفتها بتحصل
هو يظهر انت قريتها مش سمعتها :)
هى تفص-صل بتشديد الصاد
هى طبعا كصوت...موسيقى :)
لكن زى مقالك يوكو خطر جدا على المتور
الا لو حاجه كده جباره زى مواتير اللمبروجينى والفيرارى
ممكن تجرب مره عشان تفهم اللى حيحصل .. لكن بلاش تجربها كتير عشان الحوار دا غلط عالماتور
دور العربيه .. على وضع الموور .. دوس بنزين بالراحه وسيب الدواسه .. دوس بنزين بس اجمد شويه مالدوسه اللى قبلها وسيب الدواسه .. دوس بقى بنزين وخلى عينك عالاربى ام rpm واول لما يوصل عند 7 مثلا حيبدء صوت الماتور يعمل كدا ( فووووووووو تا تا تا تا فووووووو تا تا ) بس الصوت مش حيبقى تفصيل بالمعنى يعنى الا لو انت مركب ديفيل بقى ساعتها ممكن تسمع التفصيل على حق ومش اى ديفيل كمان ..
متجربهاش كتير يا باشا . كفايا مره واحده
شكرااا علي الإيضاح يا يوكو باشااااا
:M_yes[1]: هو فعلا انا قريتها فمفهمتش ايه ده ف قولت اسأل رجالة المنتدي اللي عمرهم ما خذلوني في اي سؤال سألته
شكراااا علي اهتمامك يا باشا بجد انتو ناس محترمة اوييييييييييييي
انا فهمت موضوع تاني خالص :36_1_35[2]:. هقولكوا عليه برده للافاده .
اول ما العربيه تدور الصبح بيبقي الار بي ام عالي(حوالي 1500 لفه/دقيقه) لحد ما العربيه تسخن (حوالي 30 ثانيه) وبعدين بلف الايديال كونترول ( المسؤل عن رفع السلانسيه) بيفصل وينزل السلانسيه للمعدل الطبيعي (900 لفه/دقيقه)