سؤال عن الجنوط

**egyptweed1** · 17-01-2010 02:54 AM

انا معايا سيفيك 92 عفشة عادية فيها جنوط 15 ينفع اركب 16 كاوتش رفيع ولا يبقى فيه ضرر ؟؟ والجنوط الكورى احسن ولا التايوانى ؟؟

**M_Nabil** · 17-01-2010 03:27 AM

هو من ناحية ينفع فاهو ينفع 16 و 17 كمان مميزاتة يدى ثبات أكثر وشكل أفضل لكن على حساب التسارع واستهلاك البنزين والعفشه ده لو كان وزنه ثقيل (لو خفيف الوضع يختلف) ده غير ان الراحة بتقل بسبب الكوتش الرفيع وبيكون عرضه للكسر و انعواج الشفه اكثر من الـ 15 لو بتمشى في شوارع مش مرصوفة كويس ومن عيوب الكوتش الرفيع مع مطب محترم الكوتش بيعمل بلونه و من ناحية الصنع بيكون تايوانى وماليزى وصينى انما الكورى معداش عليا قبل كدة

**egyptweed1** · 17-01-2010 11:16 AM

شكرا لردحضرتك بس هوا فى كاوتش بيخلى حجم ال 16 زى ال 15 لو كدة بيبقى بردو فى تأثير على العفشة أو لازم عفشة سبور؟؟؟

**mr_sameh** · 17-01-2010 11:29 AM

ممكن تجيب كوتش مقاس صغير

**egyptweed1** · 17-01-2010 11:31 AM

وده يخلى مفيش تأثيرر على العفشة؟؟

**egyptweed1** · 17-01-2010 03:48 PM

و محدش يعرف ايه الجنوط الكورى دى حلوة ولا لأ؟

**M_Nabil** · 17-01-2010 03:54 PM

المشاركة الأصلية كتبت بواسطة egyptweed1

شكرا لردحضرتك بس هوا فى كاوتش بيخلى حجم ال 16 زى ال 15 لو كدة بيبقى بردو فى تأثير على العفشة أو لازم عفشة سبور؟؟؟

مش فاهم المقصود بالضبط قصدك ان الكوتش اللى يركب على الـ 16 يكون نفس ارتفاع الكوتش اللى راكب على الـ 15 ميكونش رفيع قوى يعنى ولا تقصد حاجه ثانية؟ المشكلة في الحالة دى قراءة عداد السرعة بتختلف معك والثبات ممكن يقل عشان الموضوع نسبة وتناسب مابين مقاس الجنط والكوتش اللى راكب عليه والشىء الاساسى اللى بيأثر على العفشه هو وزن الجنط المقاسات الصح اللى تركب عندك للـ 15 و 16
15/55/195 أو 205/50/15
16/45/205 أو 215/40/16

وعن نفسى مركب 205/50/15

**egyptweed1** · 17-01-2010 03:58 PM

اصل وانا بتفرج لقيت جنط 16 بالكاوتش فى نفس الحجم بتاع ال 15 اللى عندى بس الكاوتش مش رفيع اوى زى ماحضرتك بتقول و حضرتك متعرفش ايه الجنوط الكورى دى زى الصينى ولا ايه؟؟ ومعلش هى الجنوط ال 16 دى هتنشف العفشة ؟؟

**M_Nabil** · 17-01-2010 04:16 PM

المشاركة الأصلية كتبت بواسطة egyptweed1

اصل وانا بتفرج لقيت جنط 16 بالكاوتش فى نفس الحجم بتاع ال 15 اللى عندى بس الكاوتش مش رفيع اوى زى ماحضرتك بتقول و حضرتك متعرفش ايه الجنوط الكورى دى زى الصينى ولا ايه؟؟ ومعلش هى الجنوط ال 16 دى هتنشف العفشة ؟؟

شوف المقاسات اللى كتبتها في المشاركة السابقة وقارنها بالجنط اللى اتفرجت عليه لو نفس المقاسات يبقى تمام غير كدة يبقى مش مضبوط والصراحة مش عارف الجنوط الكورى بس لو هيا صناعة كورى فعلاً ومكتوب عليها هتكون كويسة وأحسن من الصينى و الـ 16 هينشف العفشه شويه طبعاً