الموضوع: االبريليناس fsv نزلت مصر واسعارها

المشاركة الأصلية كتبت بواسطة shiko85

استفسار صغير بخصوص السعر
fsv
98900 f/o a/t 1600cc 2010

من فضلك ايه مواصافات و كماليات الفئه دى ؟

بصراحه سعرها غااااااااااااااااااااااال ي جدا ومبالغ فيها ....

على فكره انا عايز اقول حاجه بس من غير محدش يزعل او يفهم كلامى غلط
العربيات البرليانس اتباعت و بتمن مبالغ فيه علشان هى تحت رعايه البافاريه ليس اكتر يعنى هى مش عربيات خرافه ولا وهم بالعكس فى ناس كتير اشتكت منها و فى عربيات تانيه كتير احسن و بنفس السعر و ممكن اقل كمان و فى عربيات صينى تانيه افضل منها بس للأسف مش واخده حقها و بصراحه لو كانت البرليانس نزله لوحدها زى باقى العربيات الصينى يعنى من غير البافاريه مكنتش هتنتشر, على فكره انا والدى كان عايز يشترى اسبلندور و انا كنت من اشد المعارضين (علشان كان لينا تجربه انا و اخويا مع عربيه جيلى فروته ) و بصراحه انا كنت مستحرم فيها ال 100,000 و كنت مصمم انه ميجبهاش و شفنا عربيات كتير احسن منها بس هو كانت عجباه الأسبلندور جدا و رحنا عبد الهادى اوتومتيف و شفناها و رغم من بعض العيوب الظاهره و الواضحه كان مقتنع بيها بس الحمد لله مجبهاش و السبب هو الشنطه بتاعتها هى كبيره جدا بس دخول صعب عكس الجالينا و رحنا المصريه و شفنا عربيات تانيه و بردوا لما شاف الأسبلندور رجع فى كلامه و قال هاشتريها على فكره هى شكلها مبهر بس مش اكتر و واحد فالمصريه قاله ان فى ناس كتير جابت العربيات البرليانس علشان يبقوا مع اصحاب ال bmw فقط
يعنى من الأخر كده حلم ال bmw ضاع فا نلحق اللى فاضل منه و فى ناس فاكره ان برليانس هى bmw فالصين

المشاركة الأصلية كتبت بواسطة abdullah_yousof

بصراحة أنا شايف ان عربية زي الجالك b15 لا تقل عن fsv بل ممكن أفضل في التصميم ونفس الامكانيات تقريبا وب 70 ألف جنيه
والقريبه منها اسبرانزا m11 ودي توكيلها معروف ومشهور وب 75 ألف
وعندك ال BYD f3 متجربة وكله بيشكر فيها وان كان عيبها توكيلها وعامله 67 ألف بعد ماكانت 63 ألف للتجميع المصري بس كانت بحوالي 73 لما كانت مستوردة كامله من الصين

انا اتفق معاك 100%, فعلا فى عربيات كتير افضل من البرليانس عموما او حتى فى نفس المستوى و ارخص
بس انا مازلت مش فاهم ليه حضرتكم معترضين على تمن الـــfsv على الرغم ان الفرق بنها و بين الـــ frv كام الف بس مش اكتر, يعنى كان من باب اولى تعترضوا على الــ frv و فى حاجه تانيه الـ fsv هى الــ splendor , فالأعلان كان مكتوب splendor frv hatchback طبعا دى الــ frv وsplendor frv seden و دى الــ fsv, يعنى الــ fsv هى splendor و نازله ارخص و كمان لسه عارضين splendor للبيع و اللى مش مصدق يدخل على كونتك و يشوف الأسبلندور 2009 فقط, يبقى لو انتوا موافقين على الأسبلندور 2009 ب 99.900 يعنى 100.000 يبقى ازاى معترضين على الـــ fsv اللى هى 2010 شكل افضل بمراحل و تلافى مشكله الشنطه و تكنولوجيا افضل ؟؟!!
و كمان انتوا ناسين الجالينا تمنها مبالغ فيه قوى كانت نازله زمان (قبل التخفيض) بــ 145 و 155 و 165 و حاليا 134.900 و 146.900 و 152.900, تمن سوناتا و اوكتافيا و فيكترا و سيفيك و كرولا و عربيات كتير انا شايف انها افضل من الجالينا
على فكره انا مش ضد البرليانس بس انا شايف ان تمنها مبالغ فيه