انا خلاص تعبت من المشكلة دى
السلام عليكم يا اهالى نايل موتورز
أنا معلش عندى مشكلة وكل لما احلها يحصل شيء تانى فى عربيتى الفيورا
من فترة كنت كاتب موضوع عن مشكلتى عن السيرفو والكربراتير, ان بتاع الكربراتير قالى إن السيرفو في مشكلة انه بيسحب هوا او بيعلى الموتور جامد او حاجة زى كده ,, المهم انه قالى لازم تصلح السيرفو الأول او تغيره وبعد كده اظبطلك الكربيراتير المهم روحت لكذا ميكانيكي قالى ما دام لما بتدوس فرامل والعربية مش بتبرجل او ترجرج او الموتور يتلخبط يبقى السيرفو مفهوش حاجة ده عيب كربيراتير ................
المهم من زهقى روحت لميكانيكي تاني وقالى هات كربيراتير تانى ... وروحت دورت لاقيت بالصدفة واحد عنده كربيراتيرجديد للفيورا اسمه وايبر وفعلا جديد جديد وعمل 600ج بالعافيه ( مرضيتش اجيب مستعمل من زهقي ) ووديتهوله وطبعا القديم الى كان فيها كان الى معاها العربية قبلى كان مخترع فيها وموفق ليها حاجات كتير فمركبش الفلتر بتاع الهوا على الكربيراتير لانه كان متعدل فطبعا ركبهولى مؤقت لحد ما اجيب واحد تانى (انا مش عارف اسمه كده صح فلتر الهوا ولا هيه الطاسة الى فوق الكربيراتير الى فيها الفلتر )
المهم بعد ما ركبه الموتور متظبطش وطلع فعلا عيب سيرفو كمان بجانب الكربيراتير
روحت دورت لاقيت سيرفو صينى جديد وقالولى انه ممتاز؟؟؟ طبعا مكنش اودامى غيره خدته وركبه العربية بقت فل و 100 100 الموتور بقى كويس ومبقاش فيه ريحة بنزين والصوت بقى واطى والسحب كان حلو
المهم ........: والاهم بقى ...:
سيبته وروحت بيها مشوار للكهربائى يظبط حاجات فيها وانا في نص الطريق العربية بدأت تقفش ولاقيت الفرامل بتمسك على العجل ( قافشة) بتمشي بالعافية وبدال الفرامل نشف اوى فكملت بالعافية لحد الكهربائى لانه كان قرب خلاص طبعا لاقيت العجل الامامى مولع من السخونية
المهم شوفت ميكانيكي جنب الكهربائى فشاف السيرفو ففك الماستر وطلع حاجة اسمها الصوبع بتاع السيرفو وقفل او ربط على الصاموله الى فيه فاتظبطت وفكت العربية تانى !!!!!!
وقولت خلاص الحمد لله اتحلت .... وجيت اطلع الصبح النهاردة حسيت انها بطيئة شوية لما وصلت الشغل لاقيت العجلة الشمال الامامية سخنة مولعه بردو !!!!!!!!!!!!!!!!11
قولولى اعمل ايه انا تعبت يا جماعة بجد نفسي اعرف الحل زهقت منها خلااااااااااااااااااااااا اااااااص
الى عنده حل ياريت يساعدنى قبل ما اروح بكرة للميكانيكي ويارب تتحل
واسف على الاطالة انا عارف انه موضوع طوووويل بس انا حبيت اشرحه بالتفصيل علشان الصورة توصل للجميع وشكرا على صبركم
