أقرأ كده الكلام الحلو ده معايا
كمان بص لعى الشنب و الرادياتير و صاجة الفرن... ول العربية واخدة فى الوش غالبا الحاجات دى مترجعش زى ما كانت الا لو اتغيرت بجديد نوفى
كمان قارن الكيلومترات بحالة العربية... يعنى مينفعش عربية تكون عاملة 40 او 50 الف و تلاقى الكتابة اتمسحت من على دراع المساحات و النور و الطارة شققت و كاوتش البدالات متاكل... دى كدة معدية 100 الف مستريح
طبعا اختبار المكنة و الفتيس و العفشة ضرورى بس مش ازمة... حتى لو اخدت عربية عفشتها وحشة حتغيرها و تضبط الدنيا المهم ان الحالة دى تنعكس على سعر العربية لكن متعتبرش عيب خطير يمنعك من شرائها
برضة ارفع العربية فى محطة و بص عليها من تحت و شوف اثار لحامات و خلافة عشان فيه ناس عفريت ممكن يغيروا نص و ميبانش معاك اى حاجة فى الحوض ولا فى الصدر
mmamdouh
المفضلات