اخيرا اشتريت اللادا 2107 مو97 بس انا معرفش اى حاجة فى العربيات ممكن تقولولى ايه الى اكشف علية و امتى؟:fun_36_3_4[1]:
عرض للطباعة
اخيرا اشتريت اللادا 2107 مو97 بس انا معرفش اى حاجة فى العربيات ممكن تقولولى ايه الى اكشف علية و امتى؟:fun_36_3_4[1]:
وديها لعفشجى يفصص العربيه ويشوف البيض والمقصات لانها اخطر حاجه فى اللادا
لو فى بارومه مفيش مشاكل خليها عالصيف
وربنا يباركلك فيها يا رب وواحده واحده وانت ماشى ومتخليش حد يعصبك خالص
اهم شىء العفشة و الفرامل اولا....ثم اى شىء بعد........
دفعت فيها كام .....؟؟
28 الف الا ربع
كتير جدا
انا شارى 2105 95 ب22500جم وحاسس انه اتنصب عليا
العفشة والفرامل وظبط الهواء ومياه الريدياتير وجميع الزيوت وكمان زيت الكورونا
اتاكد من الزيت انة جديد ومستواه مظبوط والماء بتاع الردياتير و زيت الفرامل والدبرياج وروح لحد بتاع ظبط زواية خلية يبصلك على العفشة واحنا معاك فى منتدى لادا اسال زى متحب وطمنا
زيت الفرامل و الدبرياجو الكورونا اشوفةعند مين يعنى عند واحد بتاع غيار زيت و يكون نوعه ايه؟:shyy:
زيت الدبرياج والفرامل اسمة زيت باكن وبيتباع عند بتوع الاكسسوارات وممكن تسال بتاع الاكسسوارات عن طريقة اضافتة وكيفية معرفة اذا كان الزيت عايز يتزود ولا لا
اما بالنسبة لزيت الكرونة فدة بيتغير عند نفس الراجل البتغير عندو زيت المحرك وهو بيزود زيت الكرونة فقط وبيقولك زودة كام كيلو وبكام كيلو زيت الكرونة ومصنعية تغييرة والاسعار تتفاوت من بنزينة لاخرى
وعادتا المفروض الميكانيكى هو البيشوف زيت الفرامل والدبرياج وقت مبتروحلو يبص على المحرك ويقولك محتاج اية
وزيت الكرونة متكشفش علية غير لو انت رفعت العربية ولقيت على الكرونة زيت وفية برضو زيت صندوق التروس ودة بيتكشف علة وقت متحس ان الغيارات بتتنقل بصعوبة وصوتها عالى زى الكرونة بالضبط بس بالنسبة لصندوق التروس والكرونة مبيتبصش عليهم غير كل وقت طويل اما اكتر الزيوت البتتغير ديما زيت المحرك والباكن فقط
ولو الفرامل تحت رجلك حسيت انها بتاخد مسافة على متقف يبقى الفرامل فيها هواء ولازم تظبط
واى سؤال تانى اسال وطمنا برضوا عادى
و الله انا مش عارفة اشكركم ازاى و معلش اسالتى حتبقى كتير و ساذجة شويه لانى مش عارفة اى حاجة و ان شاء الله اعمل النصايح دى:satelite:
اسالى كتير ولا يهمك ولو زوجك موجود بعد الظهر اى يوم ممكن اقابلة وافهمة كل حاجة فيها ولو مش فيها اى نوع من الاحراج انك تسالى زى متحبى فى المنتدى
واسالى عادى يعنى مين الكان قالى
واهم حاجة لو العربية بتحدف منة كتير لازم يكشف على العفشة
ولو حس باى مشكلة فى العربية اسالينا هنا قبل متعدو على اى ميكانيكى عشان الحمد لله عندنا الميكانيكية معندهمش ولا زمة ولا ضمير بس فية وفية يعنى مثلا انا كان عندى العربية الدركسيون فيها بيتهز جامد فى الملفات الشمال من بعد معملت العمرة رحت لواحد قالى دى عايزة مساعد وبتاع واعد يقلف عليا قصة طويلة عريضة وبعد ملفيت على ميكانيكية مصر كلهم عرفت ان المشكلة كانت فى بلى العجل الامامى وبعد مغيرتة فعلا الصوت راح حمدت ربنا وقتها وانى مدبستش فى الميكانيكى الكان عيزنى اغير تقريبا عفشة العربية القدام كلها فاسالى هنا واعرفى وخلى عندك خبرة واكيد هتساعدكو لو فكرتو تغيروا العربية فى اى وقت تبقو فاهمين اية الغير جيد فى العربيات الجديدة
بس ان شاء الله بعد متغيرو الزيت ميكونش فية حاجة تانى
و الله كنت اتمنى ان زوجى يقابل حضرتك بس للاسف احنا مش من القاهرة بس شكرا على المعلومات اللى بتفيدونا بيها
عندى سؤال المساحات فى واحدة منهم مكسورة اشتريها منين و مين يركبها و هل فى نوع معين و بكام؟:s1[1]:
هى المساحتين فى حدود 30 جنية تقريبا وبتتباع عند اى واحد بتاع اكسسوارات وممكن يتغيرو بطقم مساحات على بعضو مجرد الكوتشات لو الحديد بتاع المساحات موجودة وهى موجودة عند معظم الناس بتوع اكسسوارات العربيات ولو طرمبة المية بتاعت المساحات مش شغالة ممكن تودو العربية عند اى حد كهربائى يركب طقم المساحات ويشغل طرمبة المساحات وهتكون تمام باذن الله الطرمبة دى خاصة برفع المياة من اربة المياة وضخها على زجاج السيارة للتنظيف الزجاج وعادتا تملا الطرمبة بمياة مع صابون غسل صحون وجرد شد دراع المساحات للخلف مثل النور الرعاش كدة بس على دراع المساحات بيغرق الزجاج ماء بصابون ومع تحريك المساحات يبدء التنظيف
اللادا 2107 الروسي الجديدة اكتر من خمسين الف
فاعتقد ان 28 الف مش كتير علي موديل 97 لو حالتها ممتازة
للاسف في ناس هوايتها بخس الاسعار
ولو اي حد بينزل السوق حيعرف ان اسعار المستعمل مانزلتش خصوصا في السيارات اللي ليها شعبيه في مصر زي اللادا والشاهين والفيات
ولو لقيت عربيه سعرها واقع تاكد انها فيها حاجة او واحد بيبع لظروف قهريه او مستعجل لاي سبب
:hlopaet_prv:
:vctry:شكرا على رفع روحى المعنوية مرة تانيه
عندى سؤال المهم العربيه احنا عشان مبتداين بنمشى دايما على الاول و التانى بس النهاردة كنا رايحين مشوار و لقينا المؤشر بتاع حرارة الماتور قريب من علامة الترمومتر هل دة معناه ان الماتور بيسخن و سببه اية و اية علاجة و ايه الخطا اللى انا بنعمله؟:shyy:
طبيعى ان العربية تسخن لما تمشى على غيارات اول وتانى كتير ولو عداد الحرارة وصل للنص يعنى مش المسافة الحمرا بتبدء العربية تقطع وتبرجل وترجرج فلو وصلت للنص حاولو تجرو بيها فى اقرب فرصة على 80 او 60 وحاولو تخلو الطيعى بتاع السرعة الماشين عليها 50-60 عشان العربية متسخنش ولو موضوع السخونية بيديقكم كتير ممكن بعد كدة تركبو مروحة 8 ريشة وبتتباع عند توكيل لادا او حمدى لادا بس كل الطلبو عادى تجيبو الرابع والتالت كمان بس متدسوش على البنزين للنهاية عشان متبدائش العربية فى زيادة السرعة
وفى الطرق المفتوحة برضو انا عارف هتقلولى بس بنخاف من السرعة وكدة بس متقلقوش كلها حكاية وقت وهتتعودو على المشى بسرعة بس انصحكم فى البداية متنزلوش بيها اماكن مزدحمة زى القاهرة عندنا عشان اول مهتوصلو القاهرة وتقفو فى اشارة ربع ساعة وتيجو تمشو هترجرج جامد وتققف وهتلاقو كل الورا بيزمرو فنصيحة لوجة الله خد وقتكو قبل النزل للاماكن المزدحمة
وبردو لما تدوسو على الدبرياج متنسوش رجليكو على البنزين لان دة خطا شائع عند المبتدئين وبيسخن اى عربية جامد
والله انا مش عارفة اشكرك ازاى و ان شاء الله حنعمل كدة و نمشى على النصايح دى
الف مبروك وربنا يحفظكم من شر الطريق , حاولى تسألى فى مدينتكم عن اشطر ميكانيى وكهربائى وبتاع كاوتش تتعاملى معاهم وتبقى زبونتهم على طول
جزاك الله خيرا على النصائح المهمة ، أنا برضه لسة شاري لادا 2105 موديل 88 وبتعلم السواقة عليها واستفدت جدا من تعليماتك دي.
"كان الله في عون العبد ما كان العبد في عون أخيه"
ممكن تقول اشترتها بكام و حلتها ايه؟؟؟