شتري ياريس ولا رينو سيمبول ولا صني افيدوني ارجوكم انا محتار

رجو من المشاركين توضيح مقارنة ممتازة بنسبة 100% مع نوضيح الفروق والمميزات والعيوب لكل سيارة ولكم جزيل الشكر

يا جماعه حد يرد علي الراجل ...........انا والله محتار نفس الحيره ..... وممكن نزود عليهم بس اغلي شويه كيا كارينز مانيوال......... يا ريت تفيدونا.

رأيى الشخصى ياريس
وسع داخلى وانتشار واعتماديه وقطع غيار واعادة بيع وتقفيل وخامات واداء جيد و(تويوتا)
لو الصنى تقفيلها مش مصرى كنت هاختارها
واهم حاجه الاستخاره

أنا بفضل السيمبول وبعدين الياريس.... ابعد عن الصني خالص.....
والسيمبول ارخص واوروبي ... 5 نجوم في ال euroncap ... مساحة معقولة ....92 حصان.....

انا في رئي تبعيد عن الرينو تمام عشان اعده البيع على الاقل(ده ميمنعش اني مقتنع بلوجان تماما بس الوضع مختلف)
الصني موتور اكبر ووشكلها حلو مبقللش من شكل الياريس على فكره مش عارف مشاكل التقفيل المصري اية بس هية مع جيرنا بقالها اكتر من سنه وحلوة معاهم

السيمبول عربيه مش منتشره اوي
فهتبقي تقيله في بيعها و هتخسر كتير
فخليك في الصني عشان
افضل من الياريس من نحيه
المحرك و المساحه الداخليه
غالبا هتكون ثابته اكتر منها

اقتباس:

---

المشاركة الأصلية كتبت بواسطة romeo_6887

السيمبول عربيه مش منتشره اوي
فهتبقي تقيله في بيعها و هتخسر كتير
فخليك في الصني عشان
افضل من الياريس من نحيه
المحرك و المساحه الداخليه
غالبا هتكون ثابته اكتر منها

---

يا جماعة كفاية حدوتة سعر اعادة البيع ده ...طب مامقارنتا بال مرسيدس ال bmw سعر اعادة بيعها وحش ...يبقى نبطل نشتري bmw .
إنت بتشتري عربية علشان تركبها وتنبسط ...مش علشان تبعها ...ولو سبت الحدوتة دي في دماغك ...ماحدش حيشتري غير الهيونداي واللانسر.....

- الصنى حلوة وقطع غيارها منتشرة نسبيا بس شكلها قديم شويه ( كبتها كتير وسوقتها اكتر من مره )
- السيمبول حلوة قوى بس لسه مبنش موضوع قطع الغيار بتاعتها
- اليارس واسعة وناعمة وقطع غيارها برضه منتشرة نسبيا بص صاجها ضعيف شويه والاكصدامات بتاعتها خفيفة والعربية الى حد ما وزنها تقيل على قدرة الماتور (برضه ركبتها كتير جدا وسقتها كتير جدا وعلى طرق سفر )
الناس بتقول على اليارس ثباتها وحش بس أنا عن تجربة شايف ثباتها معقول جدا
يعنى باختصار التلات عربيات حلوين ومشاكلهم قليلة
( للأمانه :حكمت على السيمبول من اراء ملاكها ورؤيتها من جوه وبره وعراقة اسم رينو وليس عن تجربة )

الفرق بين اليارس والسيمبول فى النقاط الجوهرية التالية العزل فى السيمبول افضل كثيرآ صوت موتور السيمبول انعم من اليارس الثبات لا يقارن بين السيمبول واليارس لصالح السيمبول عفشة السيمبول انعم واقوى فى التحمل من اليارس الجلوس فى السيمبول مريح عن اليارس السيمبول فى المجمل اقوى فى البودى من اليارس
تتفوق اليارس فى استهلاك بنزين اقل بور كهربا اخف على حساب ثبات سيى تكييف افضل ولاكن احد اسوء عيوبها انك تحس بلطريق اثناء سير السيارة ولاكن تكييف السيارة افضل من السيمبول

انا شخصيا افضل اليارس طالما تقدر علي تمنها حيث انها اغلاهم فتوكل علي الله السيارة اكتر من ممتازة كمواصفات الموتور و كعفشة واستايل و التقفيل الممتاز و الوسع الداخلي و اعادة البيع ربنا يوفقك للخير و لا تنسي الاستخارة

طبعا السيمبول
الياريس فقيرة و ضعيفة و خفيفة و اغلي من تمنها 20 الف علي الاقل
و السني من جوه وحشه قوي .. بس لو مهتم بالاداء .. افضلهم

سيمبووووووووووول

اظن الياريس افضلهم
ثم الصني والسيمبول متساوين

الصني أسوأ عربية ياباني ممكن تلاقيها ...تكنولوجيا قديمة ...موتور بقاله 15 سنة على الاقل....
وال شكل اللي موجود دلوقتي ...مش موجود في الدنيا كلها ...مصر بس