-
المحور اتفتح يا رجالة
محور 26 يوليو اتفتح مساء أمس بشكل جزئي ، وبقت مسافة الوصلة في حدود 3 كم بدلاً من 7.5 كم .
المحور الجديد بعد التطوير بقى رائع ، وربنا يستر من المستقبل .. بجد صوت حفيف العجل ينتهي ، وتدخل فجأة في حالة من الصمت التام الذي تشعر معها أن السيارة بطلت ، ونظرة سريعة على عداد السرعة تجده يتقافز على حدود سرعة لا تتوقعها واحتمال تكون جبتها لأول مرة .
المميزات :
سجادة من الحرير
انعدام الفواصل العرضية
وجود فواصل بين الحارات لا بأس بها
السيارات بتخاف تغير الحارة لكن في المستقبل أعتقد هذا لن يستمر
العيوب :
المحور ضاق إلى ثلاث حارات بدلاً من أربعة
مفيش حرم للطريق يعني متر يمين ومتر شمال وبس
الفواصل بين الاتجاهين قصيرة جداً وتسمح بعبور أي سيارة مندفعة (لا قدر الله ) إلى الاتجاه المعاكس .
أخطر العيوب : أن هذا العمل استغرق 8 شهور لضبط ربع المسافة فقط ، وهو ما يعني أن التحويلات والتكدسات لسه هتستمر على الأقل كمان سنة ونصف .
تقبلوا خالص مودتي
-
ربنا يستر ويكون الشغل اتعمل بضمير(ولا الضمير كان استك)
-
-
أنا فعلا مشيت عليه وتعليقي عليه زي ماإنت قلت مضبط
بس إلي أموت وأعرفه هما ضيقو الشارع عليه وإلي حارق دمي إني بروح أكتوبر كل يوم وبتلطع بالنص ساعة والساعة في الزحمة دي وشاغلين ببطء شديييييييييييييد
-
أنا فعلا مشيت عليه إمبارح و نفس الشعور بالضبط العربية جابت 140 بدون أن أشعر بس لميت نفسى بسرعة عشان أنا مش بأحب السرعة و ربنا يستر بعد كدة
-
المهم انه يعيش على الحالة دى مش شر وتلاقي الأسفلت باظ
-
-
يا جماعة المحور بئى تحفة أنا شايف أنة نقلة
أنا كنت راجع أمبارح الساعة واحدة ألا ربع بليل
الطريق كان فاضى ومكنش منور فديأت بس أول لما ضربت النور العاى حسيت أنى مش فى طريق حسيت أنى ماشى على رن واى حاجة خرافة وجبت بالعربية 180 (ودى أول مرة) بدون أى عناء والعربية كانت سبتة مع أن عربيتى كانت عفشتها مش مظبوطة بس كانت فعلا" سبتة وعمرى محسيت بسبات عربيتى كدة ومفيش صوت للكوتش خالص وكان نفسى أافل العداد بس معرفتش لأنى لأيت نفسى داخل على التحويلة
بس ربنا يستر من الحوادث لانو مغرى للجرى جدا"جدا"
ويارب يفضل كدة مش يبوظ بعد فترة
-
شكرا لشركة المقاولين العرب....المصريين يعرفوا يعملوا حاجات زى الكتاب ما يقول واحسن ..........شكرا لنا لاننا صبرنا على الخنقة ..........يارب المحور كله وطرق مصر تبقى كدة.....العملية دى كانت تحدى ..هم غيروا تربة من الطريق وعملوا اختراعات وحاجات رائعة كثير يمكن يشعر بها اكثر المهندسين تخصص مدنى........هى دى الطرق الى نعرف نعملها وهى دى اللى نتسحقها
-
والله يا جماعه المثل بيقول لو كان فيه الخير ما كان رماه الطير " ربنا يستر وكل واحد ياخد باله من نفسه ومن اللي معاه " وربنا يستر طريقنا كلنا
Content Relevant URLs by
vBSEO 3.6.0 PL2