اخواني من فضلكم محتار بين النيسان صني والبروتون برسونا ارجو النصح بكل امانه
عرض للطباعة
اخواني من فضلكم محتار بين النيسان صني والبروتون برسونا ارجو النصح بكل امانه
كل واحد وله رأيه , المفروض تجمع المميزات والعيوب فى كلا العربيتين وتوازن الأمور وتحدد الميزانية وتقرر
رأيي الصنى سوقها فى المستعمل اسهل
أنا شايف العربيتن حلوين جدا كاساسيات وماتور
ومتقاربين حتى فى العيوب
- قطع الغيار غاليه شويه
- والتقفيل المصرى التعبان للصنى والتقفيل الماليزى التعبان للبرتون
- وحتى العربيتين العفشه بتاعتهم ناشفه شويه مقابل ثبات كويس
البرتون بتتفوق فى نقطة واحدة هى الشكل الرياضى الجديد مقابل شكل قديم نسبيا للصنى (شكها ثابت )وسامع كلام أنها نازل منها شكل جديد
والنيسان بتتفوق فى نقطه الخامات الداخلية اعلى الى حد ما والتوكيل افضل وطبعا يابانى (رغم احترامى الكبير للصناعة الماليزيه القوية بس برضه اكيد فى فرق شويه خبره ) والاثنين صاجهم كويس
حتى فى إعادة البيع فالاثنين مش حلوين قوى بس الصنى افضل فى النقطه ديه رغم التوقع بتحسن إعادة بيع البرتون مع انتشارها الكبير يوم بعد يوم
أنا لو مكانك هاحتار جدا جدا بس غالبا هرجح البرتون عشان شكلها الرياضى بيعجبنى وبدأت تعمل انتشار كبير جدا هيخلى قطع غيارها ترخص وتنتشر عند التجار
عفشة البرسونا افضل بكتييير
بصراحة اختار البرسونا وكمان عيوب التقفيل خلصت خلاص وان وجد حاجة بتتعمل في الضمان