شراء سيارة مستعملة بالتوكيل

اصدقائى جميع اعضاء ومتصفحى المنتدى ..كل عان وانتم بخير عيد سعيد على الجميع
الموضوع هو انى اشتريت عربيتى من 5 شهور بتوكيل من البائع يتيح لى البيع لنفسى وللغير والرخصة بتاعة العربية تنتهى 2009 ومعايا رخصة العربية وشهادة المخالفات بتاعتها وخلافه ..المهم انا محتار قالولى لو رحت الشهر القعارى اسجل عقد البيع لازم اروح المرور خلال شهر علشان اغير الرخصة والا سوف ادفع رسوم التسجيل تانى بعد مرور الشهر ...وباقى الاصدقاء قالولى خليك ماشى بالتوكيل لحد رخصة العربية ما تقرب تنتهى فى 2009 للاستفادة القصوى من المدة ...طيب انا دلوقتى لو حصلى حاجة والعمر بايد ربنا طبعاً العربية دى حيبقى موقفها ايه وهى مش مسجلة باسمى
ارجة من الاخوة ذوى الخبرة افادتى حيث اننى محتار جدا جدا جدا .........وللجميع الشكر والموضوع مطروح لافادة الجميع فى المنتدى

السلام عليكم
انا لما اشتريت عربيتي كنت بفكر امشي بالتوكيل علشان استفاد من المدة الباقية في الرخصة بس ده كان تفكير غلط لما روحت المرور نقلت المليكة و الرخصة الجديده كانت بي بقية المده ( يعني كده كده حتاخد المده بتاعت الرخصة من غير ماتدفع فلوس زياده) بس انا دفعت 650 في الشهر العقاري علشان الغقد الجديد وكده وكده حيدفعوا .... فتوكل علي الله وروح انقل المليكية علي طول محتدش ضامن عمره ومش حتروح عليك المده

لو ناوى تبيع العربية بعد شوية (سنة أو سنة و نص يعنى) يبقى بلاش تنقل ملكية عشان ها تخسر فلوس التسجيل
اما لو نويت انك تقعد بالعربية مدة يبقى غير الملكية و رخص باسمك

ملحوظة:
لو العربية قديمة شوية(تمانينات) يبقى مصاريف التسجيل اصلا بسيطة و ساعتها طبعا تنقل الملكية

هاقولك على موقف حصل مع واحد أعرفه بسبب التوكيل ده

كان إشترى إلنترا 2006 من واحد من الإسماعيلية بتوكيل و الواحد ده كان شاريها بتوكيل آخر المهم فضل ماشى بيها عادى حوالى سنه

و بعد كده قال هاروح أنقل ملكية ..................

تخيل راح إكتشف إن التوكيل الأول فيه غلطه و متصلح بكوريكتور !!!! و الموظف قاله إنسى مش هاقبله يمين شمال طب إللى إنت عايزه ....أبدا

صاحبنا ده طخ مشاوير للإسماعيلية و إتصل بكب معارفه و فين و فين على ما لقى واحد قاله أنا هاخلصهالك بس هاخد 3000 جنيه تقريبا مش فاكر الرقم بس حاجة كده !!!!!!!!

تخيل ده مثال على البلاوى إللى بتحصل من ورى التوكيلات دى تخيل لو طلع التوكيل الأول مضروب ؟ أو متباعه مرتين ؟

لو بعت عربية بعقد مسجل و الى اشترى دفع الرسوم و خد العقد بس مرحش نقل الملكية ممكن انا اكون مسول لسا عنها

نفس المشكلة حصلت معايا
كان معايا توكيل وبعدين ةعملت عقد مسجل علشان انقل ملكية ودفعت فى الشهر العقارى 700 جنية وبعدين رحت انقل ملكية فى المرور بتاع السلام وما ادراك مرور السلام قالولى مفيش نمر وتعالى بعد شهرين المهم فى اخر الموضوع دة كنت محتار زيك فى موضوع انك تسجل من اول وجديد تانى لو العقد عدى علية شهر .. بس انا سألت 3 موظفين فى المرور عن الموضوع دة قالولى هتدفع حاجة اسمها ضريبة ونص لما تيجى تنقل ملكية .. قلتة كام يعنى من الاخر قالى حوالى 100 جنية بالضريبة يعنى النص الى زيادة هو الغرامة

ونصيحة من اخ اعمل عقد مسجل احسن ومتضمديش مشترى فية .
وشكرا

اقتباس:

---

المشاركة الأصلية كتبت بواسطة memo_hefnawy

تخيل ده مثال على البلاوى إللى بتحصل من ورى التوكيلات دى تخيل لو طلع التوكيل الأول مضروب ؟ أو متباعه مرتين ؟

---

كلام صح اعتقد انك مش ناقص وجع دماغ توكل على الله وسجل احسن

خلص نفسك وإنقل الملكية ورخص بإسمك حتى لو هتبيع بعد شهر
محدش ضامن عمره
والتوكيلات ممكن تكون مزورة

اقتباس:

---

نصيحة من اخ اعمل عقد مسجل احسن ومتضمديش مشترى فية .

---

+100000000 تمام

انا لما اشتاريت عربيتى مديتش الراجل كل فلوسة غير لما رحت سجلتها و هوا معايا
علشان كان بيبيع بتوكيل
ادفع 800 جم و اخلص من وجع الدماغ احسن من ما اطلطم و اجرى ورا الراجل عشان غلطة فى توكيل و اخوش فى متاهات

فا نصيحة اشترى دماغك من حوارات التوفير فى الموضوع دة و سجل على طول

لو حتبيع العربيه في فتره قريبه خليك ماشي بالتوكيل.
اما لو العربيه حتفضل وقت كبير معاك يبقي سجل و ريح نفسك و تبقي رخصتك باسمك و من غير توكيلات و لا وجع دماغ.
انا لما ببيع عربيه او بشتري تاني يوم بكون مسجلها علشان اخلص من وجع الدماغ و مره بوظت بيعه عربيه علشان اللي حيشتري مني كان مشش عاوز يسجل قولتله لاء

اقتباس:

---

المشاركة الأصلية كتبت بواسطة hazem_khidr

لو حتبيع العربيه في فتره قريبه خليك ماشي بالتوكيل.
اما لو العربيه حتفضل وقت كبير معاك يبقي سجل و ريح نفسك و تبقي رخصتك باسمك و من غير توكيلات و لا وجع دماغ.
انا لما ببيع عربيه او بشتري تاني يوم بكون مسجلها علشان اخلص من وجع الدماغ و مره بوظت بيعه عربيه علشان اللي حيشتري مني كان مشش عاوز يسجل قولتله لاء

---

مية مية يا حازم باشا