يا باشا اللينيا لسه نازلة من 2007 واكيد لسه بتنزل
عرض للطباعة
مش مستاهلة قلق يا باشا، الواحد ممكن يبوظ حاجة معاه فى ظرف شهرين وواحد ممكن يحافظ عليها فى ظرف سنتين، مش عارف ليه افنكرت واحد كان غير دسك واسطوانة قبل كده وكان بيشتكيلى من التوكيل لحد لما تابعت الموضوع اكتشفت انه عيب قيادة لأنه كان مطلع تربنتين عين السيارة امركة وخمسينات فى كل طلعة فا لازم الديسك والاسطوانة مش يعيشوا معاه، وكام بيصور الكلام ده ويروح التوكيل يوريهم قد ايه هو ماهر فى القيادة.
يا استاذى صاحب المشاركة معاه موديل 2007 يعنى الموتور بتاعه 1400 عادى مش تربو والموتور ده 77 حصان والموتور المزود بتربو قوته 120 حصان.
الموتور العادى حلو فى الطلعة لكن تجميعه مش قد كده مع انه بيوصل لسرعات عالية عادى بس ببطء شوية.
اما بقى بالنسبة للأعطال احنا معانا ناس هنا معاها اللينيا العادة بردو وماشية 40 الف كيلو الحمدلله بدون اى مشاكل، وده بيخلينى افكر انه ممكن يكون عيب سواقة وبعدين لو صاحب المشاركة بالفعل عنده مشاكل ياريت يقولها بالتفصيل وان شاء الله نساعده فيها.
شكرا على الاهتمام فعلن
يا ريت فعلن كلو واحد يقول العيوب اللى قابلته و يناقشها بصراحة و يقول السبب
و مش مشكلة انى اغير حاجة بس المهم انها ترجع لأصلها تانى
ده يا ما الفيكترا كنت بغير فيها حاجات لما طلعت عينى بس كانت بترجع زى الفل
بس انا خايف ان لو حاجة مهمة باظت فيها و مينفعش امشى بيها هوديها التوكيل ازاى دى
يا جماعة انا لما رحت للتوكيل علشان صيانة ال40 سالت هناك حد تانى عمل صيانة ال40 المهندس قالى لا انتا اول واحد
بما معناه يا اما المهندس مش عارف يا اما احمد بيضعى الكلام ده و احسن حاجة يعملها انو يحت صورة لحد عامل 40000 او اكثر
بالنسبة للعيوب انا عندى عيوب
1- غلق تنك البنزين
2- الدريكسون فيه تقشيرة كدة من الاستخدام
3- فى رعشة خفيفة جدا فى الفتيس
4- العرابية جراية جدا :w6266d
للميعرفش انا معايا لينيا تربو من فبراير 09 و ماشى 40500
بالنسبة للتنك التوكيل هيغيروا المرة الى جاية
العفو يا فندم وده واجبنا هنا اننا نساعد بعض.
ياريت فعلا لو كان فيه حد واجهته مشكلة يقولها ويقول تفاصيلها عشان نستفيد، مع انى شايف ان لو كان فيه حد اتعرض لمشكلة كان عرضها من نفسه.
ويا فندم لا قدر الله لو حاجة حصلت بتتغير تبع الضمان عادى والسيارة بتتنقل بونش عادى، اومال التأمين لزمته ايه؟؟
وكان فيه زميل لينا هنا حصلتله حادثة والعفشة شبه ادمرت والاير باجز فتحت وتم عمل اللازم للسيارة من التوكيل حتى من قبل توقيع الاتفاق معهم.
طارق باشا، الف مبروك على عمل صيانة ال40 الف، بس مش حضرتك تعمل توبيك بالموضوع ده، دانت تستحق لقب عميد اللينيا هنا بما ان حضرتك اكتر واحد مستخدمها هههههه
بس ما قولتلناش استفد بالعرض ولا ماكنتش جبت الاستيكر؟؟
بالنسبة للعيوب:
1- احمد يوكو بردو عنده الموضوع بتاع التنك بس هما ظبطوه فى صيانة ال5 الاف واحمد مش بيشتكى منه دلوقتى.
2- الدركسيون ياريت تستخدمله المواد الخاصة بالعناية بالفرش الجلد وهى ها تحافظ عليه.
3- بالنسبة للرعشة لسه موجودة بعد الصيانة؟؟ وليه مش قولتلهم عليها وصممت انها تتحل؟؟
4- الله اكبر يا باشا.