إستلمت الساجااااااااااااااااااا
الحمد لله أخيراااااااا إستلمنا الساجا النهاردة بعد إنتظار شهر و 4 أيام
العربية أوتوماتيك لونها رمادي فاتح
إحنا جايبين العربية دي لأختي وأنا أخدت منها الـ Gen-2 ... :049:
ولسة راجعين من المعرض حالا....
أنا كنت حاجزها من أ/ محسن صالح من الصحراوي يوم 13-12-2009
وساعتها قالي اسبوعين بالكتير وتستلم .......
طبعا بخبرتي القديمة مع الجين أنا كنت عارف إني مش حستلم قبل شهر ونصف زي ما حصل معايا قبل كده...
المهم عدى إسبوعين ولاحس ولا خبر .... محدش إتصل يقولي تعالى إستلم ...
وكل شويه أعدي عليهم في الصحراوي وأنا رايح الشغل في القرية الذكية و محسن يقولي لسه ماجتش ( زي ما أنا متوقع )...
كلمت موووووون قلتله يامعلم ما فيش أخبار عن الإستلام قالي لسه ....
المهم لقيت محسن صالح بيكلمني إمبارح يقولي العربية موجودة و تعالى إستلمها بكرة ...
قولتلوا إني عايز أستلمها من معرض الحي السابع في مدينة نصر علشان إحنا ساكنين في التجمع الخامس وأختي ما تعرفش تروح معرض الصحراوي لوحدها قالي عادي ممكن تستلم من مدينة نصر ...
بعدها بشوية كده لقيت أيمن بيكلمني يسألني إستلمت ولا لسه قولتله ده محسن لسه مكلمني من شوية علشان أروح أستلم قالي طب عملك خصم قولتله لأ قالي طب حأحاول أضبط كده وأقولك..
المهم خلصت شغلي النهاردة وعديت على محسن صالح في معرض الصحراوي بعد صلاة المغرب كده قالي أنه بعتلي العربية على معرض مدينة نصر وقالي كمان إن أيمن كلمه و عملي خصم 900 جنيه يعني العربية بقى تمنها 68000 بدل من 68900 فكلمت أختي ووالدتي علشان يقابلوني هناك.
المفاجأة الكبيرة بقى إني و أنا خارج بالصدفة من المعرض قابلت ميييييين ؟؟؟؟؟؟؟؟؟؟؟؟؟؟؟؟
أيمن و مهاب
ماصدقتش نفسي من الفرحة ... ده أنا كنت لسة بأطلع الموبايل من جيبي علشان أشكره على الخصم اللي جابهولي أقوم ألاقيه في وشي كده.
وقفنا مع بعض شوية وكان هناك XXXMEMOXXX بيستلم الجين2 بتاعته ووقفنا معاه لحد ما إستلم ...
بعدها مشيت من المعرض و أيمن مشي ورايا لحد ما وصلنا مع بعض معرض مدينة نصر وهناك لاقينا الساجا (بسم الله ما شاء الله) واقفة منورة و بتبرق و 2 عمال عمالين يغسلوا فيها
المهم عرفت أيمن على والدتي و أختي وأنا و هو إستلمنا العربية مع بعض و بصينا عليها حتة حتة و تنتوفة تنتوفة ... وسبت أيمن جنب العربية ودخلت أنا و والدتي و أختي علشان ندفع الفلوس و نكمل إجراءات الإستلام .
خلصنا الإستلام و خرجت لأيمن علشان أسلم عليه وأشكره ونمشي لاقيت أيمن الزوق أبو الزوق كله جايبلنا 3 بيبسي كانز مشبرين حلاوة العربية الجديدة ( حتفضل طول عمرك يا أيمن تحرج البروتوناوية بزوقك ):B4_388: (عقبال ما أجيبلك شربات نجاحك و بعديه شربات فرحك آآآآآآممميييييييين).
طبعا أنا مش حأقدر أقولكم أي حاجة عن سواقتها لأن أختي هي اللي كانت سايقاها وانا كنت ماشي وراها بالجين عمال أزنق على العربيات اللي ماشية علشان أوسعلها الطريق ولا أجدعها بودي جارد :E_braces[1]:
كل اللي أقدر أقوله إن العربية شكلها حلو جدااااااااااااااااااا جدااااااااااااااا جدااااااااااااااااااااااا ااااااااااااااااااااااااا اااااااااااااااا وهي ماشية على الطريق و الناس طول ما إحنا ما شيين عمالين يبصولنا.
إن شاء الله حأحاول أقلبها من أختي و أجربها و أعملكم تقرير عن سواقتها
سلاااااااام يا أجدع بروتوناوية