ايه ده ياكريم كل ده حصلك واحنا منعرفش انت ناسي انك شخصيه عامة عموما الف مليون سلامه عليك وعلي قلبك
عرض للطباعة
ايه ده ياكريم كل ده حصلك واحنا منعرفش انت ناسي انك شخصيه عامة عموما الف مليون سلامه عليك وعلي قلبك
حمد الله ع سلامه حضرتك والف سلامه عليك والحمد الله الذى شافك وعافاك
الف حمد لله على السلامة
الموضوع يخوف بجد لان كلنا عايشين فى نظرية اننا شباب وقوة وحيوية وممكن حاجة تيجى فى لحظات
طيب لو واحد ميعرفش دكتور يكلمه فى التليفون كان حيعمل ايه
ولا لو معييش حد فى البيت
وياترى الاولاد عملوا ايه فى الموقف ده
اسئلة كلها مرعبة عمالة تيجى فى دامغ الواحد
يارب الموضوع ده يكون عظة لينا جميعا
ألف حمد لله عالسلامة .. نورت المنتدى
ألف مليون سلامه على حضرتك يا أ/ كريم
شفاك الله وعافاك
هل تعلم أخى الكريم وانا مستغرق فى قراءة كلماتك عن محنه الابتلاء والمرض إنتابنى إحساس غريب تقريبا أول مرة أشعر به ، وحسيت إنى أعرفك كويس وكأنك أخى أو صديق عمرى
وحقيقه لا أعلم سر هذا الإحساس ولكن هو بالنسبه لى إحساس جميل وسرحت للحظات سريعه فى كل ما رويته حضرتك عن تلك التجربه وكم تخيلت مدى قصر رحله حياة كل واحد منا وكذلك عدم جدوى
كل ما نفعله فى أنفسنا ومع بعضنا من شحناء وبغضاء وصراعات كلها فى النهايه لن تضيف لنا أى شئ بل على العكس تأخذ منا الكثير .
أ/ كريم ...
عود حميد لأسرتك و لعملك ولنفسك ولمنتدانا العزيز ولكل من يحبونك حتى وإن لم يعرفونك عن قرب
وهذة هى شيمه من أحبهم الله عز وجل فيتذكرهم دائما بالابتلاء ويحبب فيهم كل الناس .
وشكرا جزيلا لك دائما على إسراءك للمنتدى بمشاركاتك وأعمالك ..
وتقبلنى صديق لحضرتك ......
أخوك
علاء الشناوى
حمدالله على السلامة يا كريم
الف حمد الله على السلامة يا كريم باشا..... و الف لا بأس على صحتك..... و هقولك و هقول لنفسى نصيحة..... مفيش حاجة مستاهلة..... انا برضة كذا مرة كانت هتحصلى مشاكل صحية بسبب الضغوط النفسية و العصبية و عندى مشاكل مع ضغط الدم..... لكن العلاج الحقيقى هو ان الواحد يفكر نفسه باستمرار ان مفيش حاجة مستاهلة ان الواحد يحرق دمه و اعصابه...... انا عارف ان الومضوع ده صعب التنفيذ خاصة من الناس اللى عندها ضمير و بتحب الحق و الصح بس المهم ميكونش على اعصاب الواحد و صحته...... حمد الله على سلامتك
حمدلله علي سلامتك يا كريم باشا
و ان شاء الله تكون حاجة بسيطة جدا و ترجع لنا بكل نشاط و صحة و حيوية
ربنا يشفيك و يديك الصحة و العافية و يحفظك من كل شر
شفاك الله و عافاك
فعلا هي أزمة منتصف العمر و لكنها قست عليك قليلا
الكثيرين من زملائي و أنا منهم مررنا و نمر بنفس التجربة علي اختلاف اشكالها و كلنا في منتصف الثلاثينات ، لا أعلم هل هي مصادفة أما أنها حقيقة في هذا الزمان و هذا المكان أن نعاني في هذا السن من هذه الابتلائات
هو اختبار و بشر الصابرين
هو ابتلاء و لا راد لقضاء الله
هو منعطف في حياتنا لنراعي الله في أجسادنا من المجهود الزائد و من نوعية الأغذية و كمياتها و من الشد العصبي و و و
هي نقطة تأمل في نعم الله الكثيرة و التي لا نشعر بها لثباتها و كيف زوالها في لحظة
شفاك الله و عافاك و جعلها الله في ميزان حسناتك و أن تكون بداية تصحيح و رؤية أفضل للحياة
الف حمد الله علي سلامتك يا استاذ كريم ربنا يتم عليك الشفاه من عنده ان شاء الله
الف سلامة يا كريم :)
انا اتخضيت من الموضوع !
فعلا من كلمة " وعكة صحية " .. اتفكرت جالك دور برد شديد شوية ولا حاجة !
الف سلامة عليك و على جميع الاخوة يارب .
الف حمدلله على سلامتك
ونصيحة منى مع انى اعتقد انى اصغر منك فى العمر دور على الشىء اللى كان بيسببلك ضغط عصبى كبير وسيبو
انا سيبت شغلى لما حسيت انى قربت اوصل للنقطة دى
تحياتى
أنا فعلا مش عارف أقول ايه و لا لاقي كلام يوصف انا حاسس بيك الى أي مدى يا أستاذ كريم...
نحمد الله عز و جل على سلامتك و عودتك لأهلك و أخواتك و لينا بالسلامه...
انا عشت كل كلمه بتقولها من الابتلاء الى شريط حياتك اللي بيعدي قصاد عينيك الى وقفة الناس اللي بتحبك جنبك.....
و أقسملك بالله ان فعلا الابتلاء ليه مميزات لا حصر لها, ده الى جانب اللي في علم الغيب و يعلمه الله وحده..
كلامك أثر جداا فيا و حسييت اني عشت معاك اللحظات دي, يمكن على شان ربنا بيختبرني تاني انا كمان
للأسف الدكتور قاللي اني لازم أعمل عمليه تاني في رجلي, لأن العظم بعد الكسر و العمليه لحد اللحظه دي
(3 شهور و 13 يوم) مفيش اي تحسن في حالة العظم و مش بيلحم, و لازم عمليه تاني علشان يحفز العظم
و هياخد من عظم الفخد و يدعم مكان الكسر علشان يحفز العظم على تكوين خلايا جديده...
و للأسف قاللي ان الحادث ماكانش صغير و لا بسيط, و لازم اتفهم الموقف علشان أعدي الأزمه..
ان شاء الله داخل المستشفى يوم الأربعاء القادم, و العمليه يوم الخميس القادم 21 يناير, بإذن الله
( أســألــكـم الــدعـــاء )
لازم نحمد ربنا يا أستاذ كريم على نعمة الابتلاء و على كل شئ, و نحاول نعدي الأزمه و ربنا يقوينا عليها
انا عارف ان الحاله النفسيه بتكون سيئه (كما هي حالتي), لكن ليس أمامنا سوى الله و قول (يا رب)
أسأل الله العظيم رب العرش العظيم ان يشفيك و ان يشفي كل مرضانا بإذن الله...
لك مني أطيب التمنيات بالشفاء, و ألف حمد لله على سلامتك و رجوعك وسطنا بخير...
و نصيحه أخيره من أخوك الصغير... ( أكثر من الاستغفار )
أستغفر الله الذي لا إله إلا هو الحي القيوم و أتوب إليه
الحمد لله على سلامتك يا أستاذ كريم
وبإذن الله تكون آخر مرة تتعرض فيها لحاجة زى كده
وربنا يوفقك وتسترد صحتك وكامل عافيتك
للأسف الأزمات القلبية من الممكن القول أنه لا سن لها وهى من أهم أسباب موت الفجأة أعاذنا الله منه ورزقنا الموت على طاعة ولقائه عليها
أنتهز هذه الفرصة لأعرض بعض النصاح البسيطة التى من الممكن أن تنقذ حياة شخص قريب منك أو تنقذ حياة الفرد بإذن الله - والتى أعلمها رغم عدم تخصصى فى القلب لمعرفة جميع الأطباء بأسس الطوارئ الطبية..
الأزمة القلبية أعراضها كما وصفها أخونا الحبيب كريم تماما ، وهى ليست بمجرد ألم عادى فمن إسمها (ذبحة) يعنى ألم شديد كالذبح ، وأهم مواصفاته أنه لا يمكن أن تقوم بعمل آخر معه فمن تهاجمه هذه النوبة سيترك أى شئ يقوم بعمله مهما كان..
تذكر دوما فى هذه اللحظات قرب الأجل فأكثر من ذكر الله وتوحيده ، وحاول فى نفس الوقت طلب المساعدة ولا تخجل..
لا يستحسن من الأهل إظهار الذعر ، كما لا يستحسن أن يقوم الأهل بالانتقال بالمريض سائرا إلى المستشفى فمجرد نزول الفرد المصاب على السلم وتنقله قد يكون القشة التى تقصم ظهر القلب مسببا الوفاة ، فيجب قدر الإمكان إما نقل المريض حملا أو بالإسعاف..
أنصح الجميع بتوفر أقراص داينترا 5 مجم بالمنزل أو السيارة أو الجيب لاستعمالها تحت اللسان دون بلع فى حال الإصابة بهذه الذبحة -لا قدّر الله - وتكرر كلما نفدت ، هذه الأقراص توسع الشرايين التاجية للقلب وتصل إليه بسرعة فيمكن أن تنتهى معها الأزمة أو على الأقل تتيح لك وقتا أطول لوصول المساعدة الطبية ، وتكرر كلما انتهت حتى تنتهى الأزمة ويمكن أخذ أكثر من قرص فى نفس الوقت..
إذا تذكرت فيستحسن أخذ أنفاس عميقة ثم اصطنع كحة ، هذا الفعل البسيط يزيد نسبة الأكسجين بالدم مغذيا عضلة القلب وينبه العضلة بالضغط الخارجى عليها بالكحة..
بعد ذلك نتذكر ونذكّر بعضنا كى لا ننسى أن نلقى الكثير من الهموم من على أكتافنا متوكلين على الله ومحسنين الظن به ومقتنعين أنه يدافع عن الذين آمنوا وأنه لن يصيبنا سوء إلا بإذنه ولن يصلنا خير إلا بإذنه ..
ولا مفر من قدر الله فنحن نفر من قدره لقدره ، وأهم ما ذكرته هو تذكر "لا إله إلا الله" فى هذه اللحظات..
شفاك الله وعافاك أخى الكريم وحفظكم جميعا من كل سوء.
حمدلله علي سلامتك يااستاذ كريم قلقتنا بجد والمنتدى مفتقدك وكلنا مفتقدينك بشدة
وحشتنـنا
جزاك الله خيراً يا دكتور أحمد و شفاك الله و عفاك يا أخ كريم..
قال الفضل بن سهل : إن في العلل (الأمراض و الإبتلاءات) لنعَماً لا ينبغي للعاقل أن يجهلها ، فهي تمحيص للذنوب ، وتعرّض لثواب الصبر ، وإيقاظ من الغفلة ، وتذكير بالنعمة في حال الصحة ، واستدعاء للتوبة ، وحضّ على الصدقة .
حمدا لله على سلامة حضرتك يا أستاذ كريم وربنا يتم شفائك ويعافيك من كل سوء . اللهم أجعل هذا الآبتلاء فى ميزان حسناتك .
اللهم أشفى أنت الشافى شفاء لا يغادر سقما
الف الف سلامة عليك يا استاذ كريم
وحمد لله على سلامتك
ألف سلامه يا كريم
كل ده و تقول وعكه.
خلي بالك من نفسك
ألف سلامة يا كريم وشدة وتزول وتقوم بألف سلامة
الف سلامة و ربنا يقومك على خير و ترجع المنتدى تنوره ان شاء الله :)
ربنا يقوم بالسلامة و يديك الصحة يا رب ..
ألف حمدالله علي سلامتك
المنتدي بقاله فترة كدة مش مظبوط
حمدا لله على سلامتك و على ابتلائك و ان شاء الله يكون فى ميزان حسناتك, الله يكون فى عونك.
لقد صبرت حين ابتلاك الله فلك اجرالصابرين وشكرتالله حين عافاك فلك اجر الشاكرين باذنه تعالى وابشر به من اجر
======================================
شكر الله لك هذه النصائح الغالية اخى وزميلى دكتور احمد واحب ان اضيف بعض الاحظات البسيطة الاتية
بالاضافة الى ماذكره د/احمد يستحسن مضغ قرصين اسبرين اطفال(75مج)او اخذ حقنة اسبيجيك
اذا لم يتوفر داينترا(وهو بالمناسبة ليس نيتروجليسرين ولكن ايزوسوربيد داينيتريت)يؤخذ بدلا منه ايزورديل 5 مج تحت اللسان
يفضل وبشدة ان يكون النقل الى مستشفى(به عناية مركزة للقلب )
فى اسرع وقت ممكن (اقل من 3 ساعات) وهى ماتسمى الساعات الذهبية والتى يمكن فيها اذابة الجلطة التاجية فى حال وجودها والا تاثرت عضلة القلب تاثيرا خطيرا لايمكن معالجته (فى حال التاخر اكثر من 6 ساعات )
واخيرا ادعو الله لى ولكم ان يقينا الامراض وان يشفينا منها انه وحده الحافظ الشافى
منتصف العمر إيه بس يا كريم .. ده وقت شدة و يعدي إن شاء الله و الحمد لله عدت علي خير و سيبك من أي حاجة دلوقت و خلي بالك من نفسك و إن شاء الله تبقي كويس .. يا ريت لو الدكتور سامحلك تسافر سافر غير جو و روق أعصابك و إن شاء الله تبقي أحسن من الأول يا وحش الوحوش .. و شكراَ لنصائح دكتور أحمد.
الف سلامه عليك وحمدالله على سلامتك
حمدا لله على سلامتك يا كريم :original:
ألف حمد لله علي سلامتك .. ودمت بصحة وعافية إن شاء الله
شفاك الله وعافاك أخى الكريم , ربنا يحفظك من كل سوء .
ربنا يتم عليك بالشفاء ان شاء الله
ألف سلامه عليك يا أستاذ كريم
وحمدالله على سلامتك
ألف مليون سلامه يا أستاذ كريم متعك الله بالصحه والعافيه
أن شاء الله ربنا يتم شفائك على خير
أخوك فى خدمتك فى أى وقت
بدون مجامله تحت أمرك
الف الف سلامة علي حضرتك استاذ كريم ...
ان شاء الله تقوم بالسلامة قريبا
حمد لله على السلامة يا استاذ كريم و قدر و لطف
salamat wa millioon agr wa thawab min allah wa nargo tamam al shefaa :satelite::B4_007::120105~352:
الف سلامه عليك يا استاذ كريم
شفاك الله و عافاك من كل سوء ان شاء الله