ياريت حد يشرح نظام التقسيط بالشهادات والإيداعات

يا جماعة إعلانات التقسيط بنظام الشهادات والإداعات كترت اليومين دول قوى وكمان فى كونتكت فى نظام اسمه الشهادات و الإيداعات ياريت لو حد فاهمه كويس يوضح عيوبه ومزاياه وأفضل الشركات للتعامل معاها ونسبة الفايدة

شوف يا عم كينج من الآخر معاك كاش إشترى كاش

معاكش بتدفع مقدم و بتقسط مع حد ذى كونتاكت و همه من أحسن أنظمة القسط فى مصر

لكن نظام الشهادات ده يقولك تمن العربية 100 يبقى تحط فى البنك 100 تفتح بيهم شهادة مدتها هة مدة القسط و تدفع فايدة أقل على القسط ؟؟
طب ما أنا لو معايا ال 100 ما أشترى بيهم أجدع ولا قسط ولا وجع قلب

طب افرض انا معايا الشهادات فعلا بس مش عايز اغيرهم واخسر فيهم حاليا فهل ممكن يمشى الحال بيهم لانه لو لازم اعمل شهادات مخصوص للعربية او وديعة باسم العربية يبقى طبعآ زى ماحضرتك قولت الكاش احسن طبعآ

نصيحه لوجه الله تعالى
قولا بقول الله تعالى ((( وذكر ان نفعت الذكرى ))))
وقوله تعالى عن اليهود ((( كانوا لا يتناهون عن منكر فعلوه لبئس ما كانوا يفعلون )))


حتى لو أفترضنا جدلا ان البنوك فيها شبهه او في خلاف في ناس بتقول حلال وهما الوحيدين بتوعنا بتوع مصر وطبعا مش كلهم ولكن بتوع السطله او الجاهل

ومع ان فيه أجماع ان البنوك الربويه حرام عند علماء المسلمين

عالعموم مش ده موضوعنا

بس المشكله ان حضرتك معاك الفلوس كاش
ليه تدخل نفسك في الكلام ده
برأ نفسك وذمتك وابعد عن كل هذا

وربنا يحفظك ويعوضك ان شاء الله واذكرك بقول الرسول صلى الله عليه وسلم (( لا خير فيما حرم ))

1- كلام أبو عبد الله سليم :)
2- لو معاك الكاش إبعد عن القسط
3- لازم الشهادات تكون فى CIB لو عايز نظام الشهادات بتاع كونتاكت

هو النظام ده معناه ان انت عندك شهادات فى البنك او وديعة مثلا
بتأخد عليها فايدة مثلا 8% حيقولك ناخد فايدة العربية مثلا 8 او تسعة فى المية (انا مش فاكر الارقام بالظبط) فتروح دافع الفرق او تاخد الفرق او متدفعش فايدة خالص

بس نصيحة لوجه الله كل زيادة على اى فلوس سواء كنت مقرض او مقترض هى ربا بلا اى شك
اى كانت التسمية واى كانت الشكل واى كانت الطريقة اللى بيحاولوا يجملوا بيها الموضوع
فمبالك كمان ان انت معاك الفلوس فعلا فدى حتبقى اصعب
لو عايز تقسط فيه تقسيط كتير فى مصر حلال زى بنك ناصر او حتى كونتكت نفسها
بس المهم ان الشرركة اللى حتقسط معاها تشترى هى العربية وبعدين تبعهالك بسعر اعلى يعنى متدلكش فلوس فى ايدك تشترى بيها


والله اعلم

اقتباس:

---

لو عايز تقسط فيه تقسيط كتير فى مصر حلال زى بنك ناصر او حتى كونتكت نفسها

---

ليس لي خبرة بالتعامل مع بنك ناصر و لكن كونتاكت و بنك فيصل يرغمونك علي التأمين مما يدخلك في باب اخر من أبواب الحرام والله أعلم.

بنك ناصر مبيفرضش تأمين اجبارى علي السيارة هو بيأمن عليك انت بتدفع مبلغ وانت بتتعاقد وبس ومبلغ قليل اوى يعنى مش فاكر كان 70 جنيه ولا كام
هو بس متخلف شوية فى اجرائته وروتينه بس الموضوع حيخلص فى اسبوعين ومشوارين بالكتير اوى
والغريبة انه اقل فايدة فى مصر 6% فى بعض الأحوال
واطوال فترة تقسيط 84 شهر
ومع ذلك الناس بتروح لسيتى بنك وباركليز وخلافه اللى بياخدوا فوق ال8% وفترة 5 سنين بالكتير اوى علشان يريحوا نفسهم


بس انا رأى ان لو بنك حيديك صيغة تعامل اسلامى بس بيفرض التأمين حيبقى ارحم من شراء السيارة كلها بالربا
ده اجتهاد شخصى طبعا وده فى حالة ان ميكونش فى اى بديل تانى
والله اعلم

يا جماعه مع احترامي للكل والله
الحرام لا يجزأ

يعني مفيش حرام كامل وحرام نص وحرام ربع

الحرام يوم القيامه هو حرام

جاء رجل لسيدنا ابن عباس وقال له الغناء حلال ام حرام فقال له أترى يوم القيامه يكون في الجنة ام في النار

ومعنى الكلام يعني لما ربنا يحاسبك عليه هيديلك حسنات ولا سيئات ...... :!:

وده بصراحه أفضل مقياس تقيس عليه لو مش عارف الحكم الشرعي

وأذكر أيضا ان الرسول صلى الله عليه وسلم قال (((( درهم ربا أشد عند الله من ثلاثين زانيه )))
ولعنه الرسول صلى الله عليه وسلم وقال ((( لعن الله الربا أكله وموكله وكاتبه وشاهديه )))

حتى اللي بيشهدوا على الكتابه تخيلوا عظم هذا الذنب


وربنا يعينك ويهدينا لما يحبه ويرضاه والله المستعان

والله ياجماعة انا مش عارف أرد اقول ايه هو عموما الشراء مش هيكون قبل شهر 7 او 8
فلحد الميعاد ده ربنا يسهل
بس اللى انا قلقان منه بجد هو التامين انا كنت ناوى اامن اكيد
بس الصراحة سمعت هنا وبره كلام متضارب حول جوازه شرعا والله المستعان الى مافيه الخير

انا مع ابو عبد الله فى كلامه
وياريت لو حضرتك معاك المبلغ يبقى تشترى كاش احسن
وجزاك الله خيرا
وقدم الجميع الى مايحبة ويرضاه
شكرا

"من ترك شئ مخافتى ابدلته خيرا منه"
حيث قدسى