عايز محل جنوط مستعملة فى القاهرة ؟؟؟
عرض للطباعة
عايز محل جنوط مستعملة فى القاهرة ؟؟؟
في عندك ناس في شارع أحمد سعيد وشارع جسر السويس والحى الثامن مدينة نصر وواحد عند قصر عابدين اسمه عمرو الجميل وناس في الهرم والمهندسين
اللى فى جسر السويس و الحى التامن دول فين بالظبط ؟؟
اللى في جسر السويس هتلقيهم قدام مستشفي القوات المسلحة الناحية الثانية قبل كوبري التجنيد لو انت جاى من الاف مسكن و العكس هيكون بعد كوبري التجنيد على اليمين (بعد الشبراوى) لو انت جاى من اشارة روكسى اللى في جسر السويس ومتاجه على الاف مسكن .. واللى في الثامن عند قسم ثاني مدينة نصر عند اشرافكوا وفاست بس الصراحة مرحتش الثامن بقالى فترة .. وهتلقى كثير برضة بتوع مستعمل في شارع أحمد سعيد
أنا متشكر جدا يا باشا لتعب حضرتك بس انا كنت عايز اسأل ايه رأيك اشترى جنوط مستعملة ولا اشترى جنط صينى بنفس التمن جديد؟
لا تعب ولا حاجه الصراحة انا بقلق من المستعمل خصوصاً المقاسات الـ 16 و 17 نسبة كبيرة منها بتكون مشروخة ومتلحمه ومرشوشة قبل كدة والبعض بيكون نظيف لازم يتكشف عليها كويس طبعاً بفضل الجديد بس مش الصينى طيب قول لى انت رنجك كام في الجنط و عاوزه مقاس كام؟ والكاوتش هتجيبوه جديد ولا مستعمل؟
أنا معايا 3200 للجنط والكاوتش جنوط مقاس 16 فانا كنت حاطط 1900 للجنط علشان الكاوتش اشتريه جديد علشان الكاوتش مضمنوش مستعمل ايه رأى حضرتك ؟
تم الرد على الخاص يا باشا ولو عندك استفسار ثاني تحت أمرك