be one family with nile motors
السلام عليكم ورحمة الله وبركاته
ايه رأيكم يا جماعه فى فكرة اننا نعرف بعض واحنا ماشيين فى الشارع مثلا فممكن نساعد بعض فى حاجات، تزيد من احترامنا لبعض فى الشارع المصرى، نكون مجموعه كبيرة مميزة و كلنا لنا سمات الادب والاخلاق العالية اثناء تواجدنا فى الشارع والناس كلها تبقى عارفه ان الناس المحترمه دى اعضاء فى نايل موتورز، والشاب صاحب العربية الجامده دى عضو فى اعضاء فى نايل موتورز، ولنا نبقى عارفين بعض عن طريق "بادج مثلا" يوضع فى مكان معين فى كل سيارات الاعضاء فى مكان واضح.
انا كمان بقترح اننا نحدد موعد معين ومن دلوقتى يبدأ الاعضاء فى تصميم بادج معين شكله جامد ونعمل عليه تصويت وياسلام لو كل بادج عليه الاسم الخاص بالمنتدى مثلا وده ممكن يقود الى تكوين صداقات بين الاعضاء ويساهم فى زيادة عدد المشتركين فى المنتدى.
كمان لو واحد حاطط البادج ده هيتكسف يعمل حاجه غير لائقة مما يزيد من احترام الشباب والكبار للشارع المصرى ويمكن تكون دى وسيله لتقويم انفسنا والارتقاء بالمستوى العام للشارع المصرى "خطوات نحو الاصلاح لبلدنا".
ياريت تشاركونى الرأى وتقولولى هل كلامى ده حقيقى وللا مالوش لزمه.
ولو اقتنعتم ياريت نفكر فى موضوع تصميم البادج ونصوت على اجمد شكل وبدل ما الناس كلها حاطه gear one يحطوا شعار مجموعتنا nile motors اللى نفتخر بيه.
