عرض للطباعة
السلام عليكم ورحمة الله وبركاته
انا عندي ملاحظه بس على الجين 2010 خصوصا اني بركب عربيه تانيه غير الجين وهي كورولا 98 انا الحمد الله بسوق كويس جداا ومش عايز اقول ممتاز بس لما جبت الجين لما جيت اركن بيها اكتشفت فيها عيب غريب خالص وهو انك من الصعي تركن في مكان ديق او بمعني اصح ان مقصاتها ديقه اوي يعني كعبها ديق وده مقارنه مع الكورولا وياريت لو حد حس بالموضوع ده يقول
ده طبيعى فى المقصات الرياضية أو العفشه الرياضيه عموماً بس لما تاخد على العربية وباستخدام السنسور والمرايات هتركن هوا حتى لو المكان على قد العربية بالضبط بس هيه محتاجه حبت تعود وكمان لو أخدت أنك لما تركت تلف العجل من غير حركه للسيارة فى الدخول هتفرق معاك بس ملحوظتك فى مكانها
تحياتى
انا متفق معاك
و عموما ركن الجين 2 تعود موش اكتر
إنت فكرتني بنفسي لما استلمتها وروحت ... والله قعدت ربع ساعة احاول ادخلها الجراج ومش عارف مع إني إتعلمت السواقة و بأسوق من و أنا عندي 9 سنوات ... بس مع الوقت إتعودت عليها و بأركنها عادي
يا باشا انت بالذات لازم تحس الموضوع ده اكتر مننا كلنا
الكورولا العيون ال 98 دريكسيونها لفتين كاملين فى كل اتجاه
يعنى يتلف ويتعدل ويتلف ويتعدل تانى
العجل بتاعها بيلف بزاويه شبه قائمه
فلو ركبت ايه بعديها هاتحس بان لفيتها ديقه
زاوية عجل الجين 2 ناقصه ربع لفه فقط عن باقى السيارات(الغالبيه)
هى حاجه خنيقه جدا فعلا بس بتحافظ على الكبالن وبتديك ثبات عالى جدا وتحكم
طبعا انا عارف انك مش هاتحس بان الكبالن هايتحافظ عليها لان الكورولا العيون شبه مابتغيرش كبالن اصلا
بس على العموم هاتتعود عليها الى حد ما مع الوقت
وزود على مشكلة الركن ان وانت بتركن مابتبئاش شايف الرصيف اساسا ولا العربيه اللى وراك كمان بسبب تصميمها الرياضى والكراسى الهابطه الرياضيه
وعلى فكره صعب تقتنع بعربيه بعد الكرولا العيون
انا ليا صاحبى لما بيركب معايا بيعد يقولى ظهرى اتقطم دا الكرولا ولا اكنك بتاخد مطب
اقوله عشان الثبات يقولى طب مانت عارف عربيتى ثابته جدا بردو
وطبعا معترض على التابلوه عشان عنده طرى وبيغير التيل عنده كل 60000 كم وحاجات كتيير برده
بس طبعا تسارع وكماليات بينبهر بيهم فى عربيتى
دا طبيعى جداااا انا حسيت بى كتير بس اتعودت على الملفات بتاعتها بسرعه
وبقيت بركن بسرعه كمان انت بس استنى شويه وانت هاتتعود على كده
ومش هاتحس بيه تانى والموضوع دا ما يضيعش حلاوة العربيه فى كل حاجه
فعلا انا كان معايا مرسيدس لا تعوض اس 300 كانت تقدر تركن بيها بسرعه وتطلع من الزنقه بسهوله لان دريكسونا بيلف لاقصى درجه والعجل بيميل مع اللف
كلام حضرتك مظبوط
لأن معايا تويوتا 2004 .. وبيحصل كل اللى حضرتك بتقوله
لكن كما قال الأخوة .. دى مسألة طبيعية فى الجين .. وهتتعود عليها بمشيئة الله
وبمرور الوقت .. هتركن بكل سلاسة ويسر
مبروك على حضرتك العربية ..
اقتباس:
المشاركة الأصلية كتبت بواسطة MuhammedSoliman
+111 :_Alshmokh23[1]:
ربنا يوفق
فعلا قطر لف الدركسيون فقط لفة ونصف
كل العربيات لفتين تقريبا
وده للمحافظة على الكبالن على ما اعتقد
بس بتعود عليها خلال اسبوع كدة بالكثير