مقارنة بين الجتز و الفيات بونتو أرجو المساعدة

**mina_24** · 18-01-2010 12:27 PM

انا الى خلانى اسئل السؤال دة ان المنتدى دة محترم جدا و موثوق فية و فى تقيمى هو أجمل و أقوى منتدى مصرى .

حد يساعدنى بمقارنة بين الجتز و الفيات بونتو من حيث منشا الصنع و الاستابيليتى و الاسعار والوسع من جوة و الشنطة و الصيانة و القطع الغيار وكل حاجة عن الاتنين؟
و شكرا.....

تم النقل للمقارنات بواسطتي
مشرف هيونداي

**mina_24** · 18-01-2010 03:14 PM

ايه يا جماعة هو لية مفيش حد معبرنى ؟

بجد انا محتاج حد يرد عليا أنا عاوز أشترى و محتار جدااااااااا

ارجو المساعدة

**bona** · 18-01-2010 03:31 PM

قول طبيعة استخدامك ليها فى الاول ؟

**mina_24** · 18-01-2010 03:45 PM

أولا اشكرك على ردك و اهتمامك
انا مشاويرى كبيرة و معظمها على الطريق السريع و برده مشاوير كتير داخل القاهرة وبحب دايما اللمة انا و اصحابى و الخروجات بالعربية فانهى مناسبة ليا وتكون معمرة علشان انا لو جبت دلوقتى مش هغيرها لا بعد 20 سنة تقريبا

**korkor** · 18-01-2010 10:17 PM

المشاركة الأصلية كتبت بواسطة mina_24

أولا اشكرك على ردك و اهتمامك
انا مشاويرى كبيرة و معظمها على الطريق السريع و برده مشاوير كتير داخل القاهرة وبحب دايما اللمة انا و اصحابى و الخروجات بالعربية فانهى مناسبة ليا وتكون معمرة علشان انا لو جبت دلوقتى مش هغيرها لا بعد 20 سنة تقريبا :e_braces[1]:

اقترح انك تحط الموضوع ده فى منتدى المقارنات احسن وهتاخد راى اسرع وادق

**AHMED_IVB** · 02-03-2010 05:04 AM

فى راى البونتو ولو معاك هات الجراند بونتو لانهم عربيات خامات احلى واشيك وزى بعض فى كل حاجة تانية

**ahmad--ezzat** · 02-03-2010 05:05 AM

البونتو مش هتستحملك ....هات الجيتز

**GMakram** · 02-03-2010 12:16 PM

انا ليا وجهه نظر مختلفه شويه,بدون الدخول فى تفاصيل انا شايف العربيتين هاتشباك الفوارق الجوهريه بينهم فى 3 حجات,سعه الموتور وبلد المنشأ والتوكيل وهتلاقى ان البونتو بتتفوق فى بلد المنشأ والتوكيل لكن الجيتز تتفوق فى سعه الموتور وان كانت البونتو مش عيب فيها انها 1300 بالعكس انا شايف انها هتكون موفره فى البنزين عن الجيتز,الخلاصه انا شايف خليك فى البونتو لو انت بتدور على عربيه تخرج بها كتير ومحترمه ومش غاليه وابعد عن غبور وغنيله :)
تقبل مرورى وتحياتى